انڈونیشی انفلوئنسر کو سانپ سے کھیلنا مہنگا پڑگیا، کاٹنے کی ویڈیو وائرل
اشاعت کی تاریخ: 22nd, January 2025 GMT
انڈونیشیا سے تعلق رکھنے والے سوشل میڈیا انفلوئنسر کو سانپ سے کھیلنا مہنگا پڑگیا، جس کی ویڈیو وائرل ہورہی ہے۔
انگارا شوجی یوٹیوب اور انسٹاگرام پر اکثر ویڈیوز میں سانپوں کے ساتھ خطرناک اسٹنٹ کرتے دکھائی دیتے ہیں، یہاں تک کہ زہریلے سانپوں کے منہ میں اپنی زبان تک ڈال دیتے ہیں۔
لیکن اب سوشل میڈیا پر انگارا شوجی کی ایک ویڈیو وائرل ہورہی ہے جس میں ایک سانپ نے ان کے پرائیوٹ حصے پر کاٹ لیا ہے۔
متعلقہ ویڈیو میں دیکھا جاسکتا ہے کہ انڈونیشیائی انفلوئنسر اپنی شرمگاہ کو کاٹنے والے سانپ سے چھٹکارا دلانے کی پوری کوشش کررہے ہیں لیکن سانپ انھیں چھوڑ نہیں۔ اس جدجہد میں وہ پسینے میں شرابور ہوجاتے ہیں۔
انگارا شوجی کے چہرے پر خوف اور گھبراہٹ صاف دکھائی دے رہی ہے، شروع میں وہ کھڑے ہوکر سانپ سے خود کو چھڑانے کی کوشش کرتے ہیں لیکن پھر تھک کر زمین پر بیٹھ جاتے ہیں۔
انفلوئنسر کی اس کی تازہ ویڈیو نے ناظرین کو دنگ کردیا ہے۔ اگرچہ یہ واضح نہیں ہے آیا یہ جان بوجھ کر کیا گیا اسٹنٹ تھا یا سانپ نے اچانک حملہ کیا۔ لیکن فوٹیج میں یہ چونکا دینے والا منظر دیکھا جاسکتا ہے جس میں سانپ انگارا شوجی کی شرمگاہ پر حملہ آور ہے۔
یاد رہے کہ انگارا شوجی کے انسٹاگرام اکاؤنٹ پر تقریباً 350,000 فالوورز ہیں جبکہ یوٹیوب پر ان کے سبسکرائبرز کی تعداد 460,000 سے زیادہ ہے۔
ویڈیو کے کمنٹس سیکشن میں ایک صارف نے لکھا کہ ’’میرا اندازہ ہے کہ وہ جانتا ہے کہ یہ مینگروو سانپ ہے، جس کے پچھلے دانتوں میں ہلکا زہر ہوتا ہے۔‘‘ کچھ اور لوگوں نے بھی اپنے تبصرے میں سانپ کی اسی نسل کا ذکر کیا ہے۔
برٹانیکا کی رپورٹ کے مطابق سانپوں کی یہ اقسام جنوبی ایشیا سے لے کر آسٹریلیا تک مختلف خطوں میں پائی جاتی ہیں۔ ان کی بیضوی پتلیوں کی وجہ سے انہیں بلی کی آنکھوں والے سانپ بھی کہا جاتا ہے۔
ویڈیو پر کئی صارفین نے تنقید کرتے ہوئے کہا کہ ’’اس طرح کے اسسٹنٹ کرنے اور خود کو خطرے میں ڈالنے کا خیال اچھا نہیں ہے‘‘۔
.ذریعہ: Express News
کلیدی لفظ: انگارا شوجی
پڑھیں:
رضی دادا کی غیر مشروط معافی مسترد، کمیٹی کا چینل بند کرنے کا فیصلہ، وائرل ویڈیو پر عمر چیمہ کے بعد وسیم عباسی نے بھی رد عمل جاری کر دیا
لاہور (ڈیلی پاکستان آن لائن )سوشل میڈیا پر سینئر صحافی رضی دادا کی کمیٹی میں پیش ہونے اور معذرت کرنے لیکن کمیٹی کی جانب سے قبول نہ کرنے کی ویڈیو وائرل ہو رہی ہے جس پر عمر چیمہ کے بعد اب صحافی وسیم عباسی نے بھی رد عمل جاری کر دیاہے ۔
تفصیلات کے مطابق ویڈیو میں رضی دادا کو غیر مشروط معافی مانگتے ہوئے دیکھا گیا جس پر کمیٹی ممبر نے انتہائی تلخ لہجے میں کہا کہ آپ نے انتہائی گھٹیا بات کی، آپ کو پی ٹی وی نے اینکر کی ذمہ داری دی، سرکاری میڈیا کا اینکر ہوتے ہوئے آپ نے جو الفاظ کہے وہ مجھے دہراتے ہوئے بھی شرم آتی ہے ۔ بعدازاں کمیتی نے رضی دادا کی معافی کو مسترد کرتے ہوئے چینل بند کرنے کا کہہ دیا ۔
وزیراعظم شہبازشریف کے سہ ملکی دورے کا آغاز، پہلے مرحلے میں سعودی عرب روانہ
اس پر سینئر صحافی وسیم عباسی نے ایکس پر پیغام جاری کرتے ہوئے کہا کہ ’’رضی دادا نے نامناسب الفاظ بولے تو معذرت کر لی، اس کے بعد کمیٹی میں بلا کر ایک بزرگ شخص کی جس طرح تضحیک کی گئی اس سے دکھ ہوا، آج تک یوٹیوب پر اتنا کچھ کہا گیا مگر کسی کے خلاف کچھ نہ ہوا، سارا قہر رضی دادا پر توڑنا ہے؟ معاملے کو ختم ہونا چاہیے‘‘
اس سے قبل عمر چیمہ نے ایکس پر پیغام جاری کرتے ہوئے کہا کہ ’’ویسے یہ کیا بات ہوئی ایک طرف ہم آزادی اظہار خیال کے نام پر جھوٹ، گالیاں سب کچھ سنتے ہیں اور دوسری طرف ایک بندہ غیر مشروط معافی مانگ رہا ہے لیکن اسے معاف کرنے کو تیار نہیں، یہ وارننگ دیتے کہتے کہ آئیندہ کوئی ایسی بات کی تو چینل ہمیشہ کیلئے بند ہوگا اگر دوبارہ کرتا تو بند کردیتے‘‘
جسٹس طارق جہانگیری کی سماعت کی آڈیو ویڈیو ریکارڈنگ حصول کی درخواست دائر
رضی دادا نے نامناسب الفاظ بولے تو معذرت کر لی۔ اس کے بعد کمیٹی میں بلا کر ایک بزرگ شخص کی جس طرح تضحیک کی گئی اس سے دکھ ہوا۔
آج تک یوٹیوب پر اتنا کچھ کہا گیا مگر کسی کے خلاف کچھ نہ ہوا۔ سارا قہر رضی دادا پر توڑنا ہے؟ معاملے کو ختم ہونا چاہیے۔۔@realrazidada
ویسے یہ کیا بات ہوئی ایک طرف ہم free speech کے نام پر جھوٹ/گالیاں سب کچھ سنتے ہیں اور دوسری طرف ایک بندہ غیر مشروط معافی مانگ رہا ہے اسے معاف کرنے کو تیار نہیں یہ وارننگ دیتے کہتے کہ آئیندہ کونسی بات کی تو چینل ہمیشہ کیلئے بند ہوگا اگر دوبارہ کرتا تو بند کردیتے https://t.co/DDAWm6JRhQ
— Umar Cheema (@UmarCheema1) September 16, 2025مزید :
غزہ: اسرائیلی بمباری سے گزشتہ 24 گھنٹوں کے دوران 67 فلسطینی شہید