وزیر اعظم شہباز شریف کی جانب سے امریکی صدر کو باضابطہ تہنیتی خط ارسال
اشاعت کی تاریخ: 23rd, January 2025 GMT
وزیراعظم پاکستان میاں محمد شہباز شریف نے امریکی صدر ڈونلڈ ٹرمپ کو باضابطہ طور پر صدارتی عہدہ سنبھالنے پر تہنیتی خط بھیج دیا ہے۔
اس سے قبل پیر کو نو منتخب امریکی صدر کی جانب سے حلف اٹھائے جانے کے بعد وزیر اعظم پاکستان میاں محمد شہباز شریف نے سماجی رابطے کی ویب سائٹ ’ایکس‘ پر اپنے ایک ٹویٹ میں تہنیتی پیغام میں صدارتی عہدہ سنبھالنے پر مبارکباد دی تھی۔
وزیراعظم پاکستان میاں شہباز شریف نے ’ایکس‘ پر اپنے پیغام میں لکھا تھا کہ ’وہ نومنتخب امریکی صدر ڈونلڈ ٹرمپ کے ساتھ مل کرامریکا اور پاکستان کی دیرینہ شراکت داری کو مزید مستحکم کرنے کے متمنی ہیں۔
وزیراعظم شہباز شریف نے مزید لکھا کہ یہ 2 عظیم ملک برسوں سے اپنے لوگوں کے لیے خطے میں امن اور خوشحالی کے لیے مل کر کام کررہے ہیں اور ہم یہ تعاون مستقبل میں بھی جاری رکھیں گے۔
جمعرات کو دفتر خارجہ کے ترجمان نے ہفتہ وار بریفنگ میں بتایا کہ وزیر اعظم پاکستان میاں محمد شہباز شریف نے نئے امریکی صدر ڈونلڈ ٹرمپ کو باقاعدہ تہنیتی خط بھیجا دیا ہے اور اس کے ساتھ ساتھ نائب وزیراعظم و وزیرخارجہ اسحاق ڈار نے بھی نئے امریکی سیکرٹری آف اسٹیٹ مارکو روبیو کو مبارکباد کا پیغام پہنچایا ہے۔
امریکی صدر ڈونلڈ ٹرمپ نے پیر کو امریکا کے 47 ویں صدر کے عہدے کا حلف اٹھایا تھا، حلف برداری کی تقریب سے خطاب میں ڈونلڈ ٹرمپ نے اپنی خارجہ پالیسی پر بہت کم بات کی تاہم انہوں نے امریکا کو اندرونی طور پر مستحکم کرنے کے لیے بے شمار سخت اقدامات اٹھانے کی بات کی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار امریکی صدر ایکس پاکستان ترجمان تہنیتی خط دفتر خارجہ ڈونلڈ ٹرمپ سیکریٹری آف اسٹیٹ شہباز شریف نائب وزیر اعظم وزیر اعظم.ذریعہ: WE News
کلیدی لفظ: اسحاق ڈار امریکی صدر ایکس پاکستان دفتر خارجہ ڈونلڈ ٹرمپ شہباز شریف امریکی صدر ڈونلڈ ٹرمپ اعظم پاکستان میاں شہباز شریف نے کے لیے
پڑھیں:
وزیرِاعظم شہباز شریف اور ایرانی صدر میں ٹیلیفونک رابطہ، عید مبارکباد کا تبادلہ
—فائل فوٹوزوزیرِ اعظم شہباز شریف اور ایرانی صدر مسعود پزشکیان کے درمیان ٹیلیفونک رابطہ ہوا ہے۔
اس موقع پر وزیرِ اعظم شہباز شریف نے ایرانی صدر اور برادر عوام کو عیدالاضحیٰ کی مبارکباد دی۔
وزیراعظم نے ایرانی سپریم لیڈر آیت اللّٰہ سید علی خامنہ ای کے لیے نیک خواہشات کا اظہار بھی کیا۔
وزیرِ اعظم ہاؤس کے اعلامیے کے مطابق دونوں رہنماؤں نے علاقائی اور عالمی پیش رفت پر بھی تبادلۂ خیال کیا۔
اس دوران پاک بھارت بحران کے ساتھ ساتھ غزہ کی تشویش ناک صورتِ حال پر بھی گفتگو ہوئی۔
وزیرِ اعظم شہباز شریف نے صدر پزشکیان کو دورۂ پاکستان کی دعوت بھی دی۔
سمبڑیال ضمنی الیکشن: پی ٹی آئی نے دھاندلی کا الزام عائد کردیا