حکومت زراعت کی ترقی کیلیے دن رات کوشاں ہے‘رانا تنویر حسین
اشاعت کی تاریخ: 27th, January 2025 GMT
مریدکے(صباح نیوز) وفاقی وزیربرائے صنعت و پیداوار رانا تنویر حسین نے کہا ہے کہ حکومت کی زراعت کی ترقی کیلئے دن رات کوشاں ہے ،زراعت کی ترقی کے سلسلہ میں بیلاروس ،چین سمیت کئی ممالک سے بات چیت جاری ہے ۔ان خیالات کا اظہار رانا
تنویرحسین نے اتوارکے روز مرید کے میں مرکز سینٹر کی افتتاحی تقریب سے خطاب کے دوران کیا۔ اس موقع پر نیشنل فوڈ سیکیورٹی اینڈ ریسرچ کے حکام، صوبائی ایڈمنسٹریٹرز، کسان رہنمائوںاور اینگرو فرٹیلائزرز کے اعلیٰ حکام بھی موجود تھے۔ کسانوں کوسرکاری قیمت پر اعلیٰ میعار کی کھاد کی فراہمی یقینی بنانے اور حکومتی کوششوں کو سپورٹ فراہم کرنے کیلئے اینگرو فرٹیلائزرز نے مریدکے میں مرکز سینٹر کا افتتاح کردیا ہے۔وفاقی وزیر نے کہا کہ زراعت کی ترقی کے سلسلہ میں بیلاروس ،چین سمیت کئی ممالک سے بات چیت جاری ہے ،وزیر اعظم کی کوشش ہے زراعت کی ترقی میں دنیا کا مقابلہ کریں ۔ انہوں نے کہا کہ یہی وجہ ہے کہ پاکستان سے زرعی تحقیق کیلئے نوجوان چین بھیج رہے ہیں۔ رانا تنویر حسین نے کہا کہ ہم آج بھی فی ایکڑ 30 من پیداوار پر کھڑے ہیں ،فی ایکڑ پیداوار میں اضافہ کیلئے جدید ٹیکنالوجی سے استفادہ وقت کی اہم ضرورت ہے۔ انہوں نے کہا کہ ایک جماعت کی سیاست کا محور ہی پاکستان کی تباہی رہا ہے،اس جماعت نے زراعت کے شعبہ کو بھی بہت تباہ کیا۔ انہوں نے کہا کہ ایک جماعت کا بانی آج بھی جیل میں بیٹھ کر پاکستان کو نقصان پہنچارہا ہے ،عوام اسے مسترد کرچکی اس کی سیاست ختم ہوچکی ۔رانا تنویر حسین نے کہا کہ اپریل میں بجلی مزید سستی کرنے جارہے ہیں ،حکومت کا مشن صنعت اور زراعت کی بحالی ہے ۔ اینگرو فرٹیلائزرز کے چیف ایگزیکٹو آفیسر علی راٹھور نے اپنے خطاب میں زرعی شعبے کی ترقی اور کسانوں کی خوشحالی کیلئے حکومتی اقدامات کو سراہتے ہوئے کہاکہ ملک کے محنتی کسانوں کو فائدہ پہنچانے اور پاکستان کے غذائی تحفظ کو بڑھانے کیلئے اینگرو فرٹیلائزرزنے زراعت کے شعبے کو ترقی دینے کیلئے ہمیشہ حکومت کے ساتھ شراکت داری کی ہے۔ یہ مرکز سینٹرز اعلیٰ معیار کی کھاد کی بروقت دستیابی کو یقینی بناکر کسانوں کو ریلیف فراہم کرے گا۔ اس کے علاوہ یہ مرکز سینٹرز اینگرو فرٹیلائزرز کی جدید مصنوعات اورٹیکنالوجیز کے بارے میں آگاہی پیدا کرنے کیلئے مرکز کے طورپر کام کریں گے اور ہماری فصل اور پیداوار کو بہتر بنانے اور انہیں عالمی معیار کے مطابق لانے میں مدد فراہم کریں گے۔ علی راٹھو ر نے اینگرو فرٹیلائزرز کی جانب سے پاکستان کے پہلے مربوط ایگری ای کامرس پلیٹ فارمUgAi ایپ متعارف کرانے پر روشنی ڈالتے ہوئے کہاکہ کمپنی سے سرکاری قیمتوں پر کھادوں کی براہِ راست خریداری کو فعال کرنے کے علاوہ UgAiایپ جدید ڈرون ٹیکنالوجی اور سیٹلائٹ منظر کشی کو بھی مربوط کرتی ہے ۔UgAi کسانوں کو فصلوں کی درست نگرانی ، ان پٹ لاگت کو کم کرنے اور فصل کی پیداوار میں اضافے کیلئے سپورٹ فراہم کرتی ہے۔
رانا تنویر حسین
ذریعہ: Jasarat News
کلیدی لفظ: رانا تنویر حسین زراعت کی ترقی کسانوں کو نے کہا کہ
پڑھیں:
پنجاب حکومت کی گندم جمع کرنے والے کسانوں کے گھر چھاپے نہ مارنے کی یقین دہانی
پنجاب حکومت نے گندم کے معاملے پر کسانوں کے گھروں پر چھاپے نہ مارنے کی یقین دہانی کرادی۔
ایکسپریس نیوز کے مطابق اسپیکر پنجاب اسمبلی ملک احمد خان کی زیر صدارت اجلاس کے دوران اپوزیشن رکن رانا شہباز نے ایوان میں کسانوں کے گھر چھاپوں کا معاملہ اٹھایا۔
انہوں نے کہا کہ حکومت نے پہلے کسانوں کی گندم نہیں خریدی جس سے کسان کا نقصان ہوا، پھر حکومت نے کہا اپنی گندم اسٹور کر لیں اور اب جب کسان نے گندم جمع کرلی تو کسانوں کے گھروں پر چھاپے مارے جارہے ہیں۔
اس پر اسپیکر اسمبلی ملک احمد خان نے معاملے کو انتہائی سنجیدہ قرار دیتے ہوئے کہا کہ اگر ایک کسان نے کسی جگہ گندم رکھی ہے وہاں ظاہر ہے کئی کسانوں نے رکھی ہوگی، اب اسی جگہ کو ذخیرہ اندوزی کہا جائے تو یہ مسئلہ ہے۔
اسپیکر اسمبلی نے سوال کیا کہ ایسی صورت حال میں کسان کہاں جائیں؟ انہوں نے ہدایت کی کہ پنجاب حکومت کسانوں کے مسائل کو حل کرے اور صوبائی وزیر ذیشان رفیق معاملے کو دیکھیں کیونکہ یہ مسئلہ بہت سنجیدہ نوعیت کا ہے۔
اسپیکر پنجاب اسمبلی نے کہا کہ کسان سے بائیس سو میں گندم خریدی گئی اور آج قیمت چار ہزار پر چلی گئی ہے، اس کو حکومت کو دیکھنا چاہیے اور گندم جمع کرنے والے کسانوں کے گھروں پر چھاپے نہیں پڑنے چاہیں۔
اس پر پارلیمانی سیکرٹری خالد محمود رانجھا نے کسانوں کے گھروں پر گندم جمع کرنے کے معاملے پر چھاپے نہ مارنے کی یقین دہانی کرائی۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام