مذموم اسرائیلی سازشوں کو ناکام بنانے پر حزب اللہ لبنان کیجانب سے ملکی عوام کا شکریہ
اشاعت کی تاریخ: 28th, January 2025 GMT
غاصب صیہونیوں کیخلاف مزاحمت پر جنوبی علاقے کے عوام کا شکریہ ادا کرتے ہوئے لبنانی مزاحمتی محاذ نے تاکید کی ہے کہ لبنانی عوام کی اپنے علاقوں کیجانب نقل و حرکت نے غاصب اسرائیلیوں کی تمام سازشوں کو ناکام بنا دیا ہے اسلام ٹائمز۔ لبنانی مزاحمتی تحریک حزب اللہ نے غاصب صیہونی فوج کے مقابل ملکی عوام کی جرأت مندانہ مزاحمت کو سراہتے ہوئے اعلان کیا ہے کہ لبنانی عوام نے غاصب دشمن کے تمام اہداف کو ناکام بنا دیا ہے۔ اس حوالے سے جاری ہونے والے اپنے خصوصی بیان میں اس بات پر تاکید کرتے ہوئے کہ لبنانی عوام نے مزاحمت کا پرچم سرنگوں نہیں ہونے دیا، حزب اللہ لبنان نے ملکی عوام کو مخاطب کرتے ہوئے کہا کہ آپ کی گذشتہ کل و آج کی مزاحمت کامیاب رہی جس پر ہم آپ کو سلام پیش کرتے ہیں۔ اس بات کی جانب اشارہ کرتے ہوئے کہ ملکی عوام نے غاصب و سفاک دشمن کے مذموم ارادوں کو توڑ ڈالا ہے، لبنانی مزاحمت نے لبنانی عوام کو مخاطب کرتے ہوئے مزید کہا کہ آپ، بزدل اسرائیلی فوجیوں کی مخالفت کے باوجود اپنے دیہات کی جانب بڑھے کیونکہ آپ ہمیشہ فتح یاب ہیں اور یہ فتح شہداء کی کاوشوں اور پاکیزہ خون سے ممکن ہوئی۔ اپنے بیان کے آخر میں حزب اللہ لبنان نے غاصب صیہونی فوج کے سامنے مزاحمت پر مبنی ملکی عوام کے اعلی جذبے کو سراہتے ہوئے مزید کہا کہ سلام ہو آپ پر، آپ کے صبر، وفا اور فتح پر!! ادھر لبنانی وزارت صحت نے بھی اعلان کیا ہے کہ گذشتہ کی غاصب اسرائیلی فوج کی جارحیت و فائرنگ کے نتیجے میں ملک کے جنوب میں 24 شہری شہید اور 134 زخمی ہو گئے ہیں۔ لبنانی وزارت صحت نے یہ اعلان بھی کیا کہ عوام کے خلاف غاصب صیہونی فوج کی آج کی فائرنگ میں بھی 1 لبنانی شہری شہید اور 7 زخمی ہوئے ہیں۔ جنوبی لبنان میں اپنے گھروں کو لوٹتے لبنانی شہریوں کے خلاف غاصب اسرائیلی فوجیوں کی سیدھی فائرنگ کے واقعات ایک ایسے وقت میں منظر عام پر آ رہے ہیں کہ جب 27 نومبر کے روز غاصب صیہونی رژیم کی جانب سے دستخط ہونے والے معاہدے کے مطابق غاصب اسرائیلی فوج کو آج صبح 4:00 بجے سے قبل لبنانی سرزمین سے اپنا انخلاء مکمل کرنا تھا۔
ذریعہ: Islam Times
کلیدی لفظ: غاصب اسرائیلی اسرائیلی فوج لبنانی عوام غاصب صیہونی کرتے ہوئے ملکی عوام حزب اللہ
پڑھیں:
پاکستان کی دہشت گردی کیخلاف جنگ اپنے لئے نہیں، دنیا کو محفوظ بنانے کیلئے ہے. عطا تارڑ
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔16 ستمبر ۔2025 )وفاقی وزیر اطلاعات عطا اللہ تارڑ نے کہا ہے کہ پاکستان کی دہشت گردی کے خلاف جنگ اپنے لئے نہیں بلکہ دنیا کو محفوظ بنانے کے لئے ہے، بھارت کا غیر ذمہ دارانہ رویہ اب کھیلوں کے میدان تک پہنچ چکا ہے،پاکستان نے بھارت کے گمراہ کن پروپیگنڈے کو بے نقاب کیا، بھارت کی بلاجواز جارحیت کا منہ توڑ جواب دیا، جس پر بھارت نے جنگ بندی کی درخواست کی.(جاری ہے)
ان خیالات کااظہار انہوںنے انسٹی ٹیوٹ آف ریجنل اسٹڈیز کے زیر اہتمام تقریب سے خطاب کرتے ہوئے کیا وفاقی وزیر اطلاعات نے کہا کہ چار روزہ جنگ میں پاکستان نے فتوحات کی ایک نئی داستان رقم کی ہے مودی حکومت اور ہندوتوا نظریے کو عبرتناک شکست ہوئی بھارت ایک غاصب اور جارح ملک ہے جو مظلوم بننے کی کوشش کر رہا ہے پہلگام جیسے واقعات کی حقیقت دنیا کے سامنے آشکار ہو چکی ہے پہلگام واقعے کے حوالے سے پاکستان نے آزادانہ تحقیقات کی پیشکش کی تھی. وفاقی وزیر نے کہا کہ پاکستان نے خطے میں پائیدار امن کےلئے ہمیشہ اپنا موثر کردار ادا کیا ہے ہماری دہشت گردی کے خلاف جنگ صرف اپنے لئے نہیں بلکہ دنیا کو محفوظ بنانے کے لئے ہے بین الاقوامی اصولوں سے روگردانی کرنے والا بھارت مظلومیت کا ڈھونگ نہیں رچا سکتا. عطا اللہ تارڑ کا کہنا تھا کہ بھارت کا غیر ذمہ دارانہ رویہ اب کھیلوں کے میدان تک پہنچ چکا ہے عسکری میدان میں شکست کے بعد بھارت اب کھیل کے میدان میں اوچھے ہتھکنڈے استعمال کر رہا ہے انہوں نے کہا کہ پاکستان پرامن بقائے باہمی پر یقین رکھتا ہے. وفاقی وزیرنے کہاکہ پاکستان نے خطے میں امن و استحکام کے لئے کلیدی کردار ادا کیا ہے پاکستان کے لوگ اس تہذیب کا حصہ ہیں جہاں روایات کو اہمیت دی جاتی ہے وفاقی وزیر نے کہا کہ مقبوضہ کشمیر کے عوام کی سیاسی، اخلاقی اور سفارتی حمایت جاری رکھیں گے ہم مسئلہ کشمیر کا اقوام متحدہ کی قراردادوں کے مطابق حل چاہتے ہیں پاکستان خطے میں امن کےلئے اپنا کردار ادا کرتا رہے گا.
عمران خان کی 7 مقدمات میں درخواست ضمانت پر سماعت 13 ستمبر تک ملتوی