بھارت اور چین اقتصادی اختلافات حل کرنے پر متفق
اشاعت کی تاریخ: 28th, January 2025 GMT
بھارت اور چین اقتصادی اختلافات حل کرنے پر متفق WhatsAppFacebookTwitter 0 28 January, 2025 سب نیوز
ممبئی (سب نیوز )بھارت اور چین نے دوطرفہ تجارتی اور اقتصادی مسائل پر اختلافات کو حل کرنے پر اتفاق کیا ہے، دونوں ممالک کے درمیان تعلقات 2020 میں ہونے والے سرحدی تصادم کے بعد سے کشیدہ رہے ہیں۔غیر ملکی خبررساں ادارے رائٹرز کے مطابق گزشتہ روز بیجنگ میں بھارت کے اعلی سفارت کار وکرم مصری اور چین کے وزیر خارجہ وانگ یی کے درمیان ملاقات ہوئی تھی۔اس ملاقات کے بعد بھارتی وزارت خارجہ کی جانب سے جاری ہونے والے بیان میں کہا گیا تھا کہ دونوں ممالک جلد از جلد 5 سال بعد پروازیں بحال کرنے کے لیے ایک فریم ورک پر بات چیت کریں گے۔
دوسری جانب، چین کے وزارت خارجہ کی جانب سے بھی آج اس بات کی تصدیق کی ہے کہ بھارت اور چین کے درمیان پروازیں بحال کی جائیں گے۔چینی وزارت خارجہ کی جانب سے جاری بیان کے مطابق وانگ یی نے وکرم مصری سے کہا کہ چین اور بھارت کو شک اور تنہائی کے بجائے باہمی اعتماد کی بحالی کا عہد کرنا چاہیے۔نئی دہلی کے بیان کے مطابق ملاقات میں دونوں ممالک کے درمیان اقتصادی اور تجارتی شعبوں میں موجود مسائل کی نشاندہی کی گئی تاکہ ان کو جلد از جلد حل کیا جاسکے اور طویل مدتی پالیسی کو فروغ دیا جاسکے۔
تجزیہ کاروں کا ماننا ہے کہ سست معیشت اور خاص طور پر امریکی صدر ڈونلڈ ٹرمپ کی جانب سے تجارتی دھمکیوں کے بعد کی صورتحال چین اور بھارت کو مل کر کام کرنے کی حوصلہ افزائی کر رہی ہیں۔خیال رہے کہ نومنتخب امریکی صدر ڈونلڈ ٹرمپ نے متنبہ کیا ہے کہ وہ چین پر محصولات عائد کریں گے اور بھارت چین کے لیے ایک بڑی مارکیٹ ہے جب کہ نئی دہلی برآمدات اور معیشت کی بہتری کے لیے چینی مہارت، اجزا اور مشینری چاہتا ہے۔
نئی دہلی میں آبزرور ریسرچ فانڈیشن تھنک ٹینک میں خارجہ پالیسی کے سربراہ ہرش پنت نے کہا کہ بھارت اور چین دونوں کو معاشی مشکلات کا سامنا ہے اور دونوں اس بات کو یقینی بنانے میں دلچسپی رکھتے ہیں کہ اقتصادی تعلقات کو اس طرح منظم کیا جائے جس سے دونوں ممالک کا فائدہ ہو۔ان کا کہنا تھا کہ اگر ڈونلڈ ٹرمپ کی جانب سے چین کی معیشت کے لیے خطرہ بڑھتا ہے تو چین بھارت کے ساتھ ایسے تعلقات چاہے گا جو 2020 کے مقابلے میں معاشی طور پر مضبوط ہوں۔
دوسری جانب، چین کا کہنا تھا کہ نائب وزرا کی سطح کے عہدیداروں کے درمیان ہونے والے ایک علیحدہ ملاقات میں دونوں ممالک کے درمیان صحافیوں کے تبادلے پر اتفاق کیا گیا۔بھارت اور چین کے درمیان باہمی تجارت مارچ 2024 کو ختم ہونے والے گزشتہ مالی سال میں 4 فیصد اضافے کے ساتھ 118.
اس کے بعد بھارت نے ملک میں چینی کمپنیوں کے لیے ملک میں سرمایہ کاری کرنا مشکل بنا دیا تھا اور چین کی سیکڑوں مقبول ایپس پر بھی پابندی عائد کی تھی جب کہ دونوں ممالک کی طرف سے آنے والی براہ راست پروازوں کو روک دیا تھا تاہم اس دوران دونوں ممالک کے درمیان براہ راست کارگو پروازیں چلتی رہیں۔ بعد ازاں، گزشتہ سال اکتوبر میں بھارتی وزیراعظم نریندر مودی اور چینی صدر شی جن پنگ کی برکس سمٹ کے دوران 5 سال بعد ہونے والی پہلی باضابطہ ملاقات سے دونوں ملکوں کے درمیان تعلقات میں بہتری آنا شروع ہوئی۔
ذریعہ: Daily Sub News
کلیدی لفظ: بھارت اور چین
پڑھیں:
چین اور امریکہ کے اقتصادی اور تجارتی مذاکرات کے نتائج مشکل سے حاصل ہوئے ہیں، چینی میڈیا
چین اور امریکہ کے اقتصادی اور تجارتی مذاکرات کے نتائج مشکل سے حاصل ہوئے ہیں، چینی میڈیا WhatsAppFacebookTwitter 0 18 September, 2025 سب نیوز
بیجنگ :اسپین کے شہر میڈرڈ میں چین اور امریکہ کے درمیان اقتصادی و تجارتی مذاکرات میں دونوں ممالک کے سربراہان مملکت کے درمیان اہم ٹیلی فونک اتفاق رائے کے تحت، فریقین نے معاشی مسائل پر پرُخلوص ماحول میں گہرے اور تعمیراتی انداز میں بات چیت کی، اور ٹک ٹاک سے متعلقہ مسائل کو تعاون کے ذریعے مناسب طریقے سے حل کرنے، سرمایہ کاری میں رکاوٹوں کو کم کرنے اور متعلقہ معاشی و تجارتی تعاون کو فروغ دینے کے حوالے سے بنیادی ڈھانچے پر اتفاق رائے کیا گیا۔
تجزیہ کاروں کا خیال ہے کہ بنیادی ڈھانچے پر اتفاق رائے کا ہونا ایک مشکل عمل ہے، جو ایک آغاز ہے، اور اس کے بعد مزید تفصیلات اور عملی اقدامات کی ضرورت ہوگی.میڈرڈ بات چیت پچھلے پانچ ماہ میں چین اور امریکہ کے درمیان چوتھی اقتصادی اور تجارتی بات چیت تھی۔ میڈرڈ بات چیت میں پہلی بار ٹک ٹاک کو مذاکرات کے ایجنڈے میں شامل کیا گیا۔
ٹک ٹاک کے معاملے پر چین کا موقف واضح ہے کہ امریکہ کا طرز عمل مارکیٹ کے اصولوں اور عالمی اقتصادی اور تجارتی قواعد کی سنگین خلاف ورزی ہے ، چین قومی مفادات اور بیرون ملک میں چینی کمپنیوں کے قانونی حقوق کا بھرپور دفاع کرتا رہے گا اور بین الاقوامی عدل و انصاف کو برقرار رکھنے کیلئے اقدامات کرتا رہے گا۔چار بار کی اقتصادی و تجارتی بات چیت کے بعد، چین اور امریکہ نے کئی معاملات میں اتفاق رائے حاصل کر کے دو طرفہ اقتصادی اور تجارتی تعلقات کو مستحکم کرنے میں مثبت کردار ادا کیا۔
لیکن عوام نےیہ بھی دیکھا کہ اس میڈرڈ بات چیت سے پہلے، امریکی وزارت تجارت نے سیمی کنٹکٹر ، بایو ٹیکنالوجی، ہوا و خلاءبازی اور تجارتی لاجسٹکس جیسے متعدد چینی تجارتی اداروں پر پابندیاں عائد کیں۔ چینی فریق نے اس کی سخت مخالفت کی اور بات چیت کے دوران امریکا سےاپنی شدید تشویش کا اظہار کیا۔ امید ہے کہ امریکا جلد چین پر عائد پابندیوں کو ختم کرے گا تاکہ بات چیت کے نتائج کو عملی شکل دی جا سکے۔
یہ ممکن نہیں ہے کہ ایک طرف تو چین امریکی تشویش کا خیال رکھے اور دوسری طرف چینی کمپنیوں پر دباؤ برقرار رکھا جائے ۔ چین اور امریکہ کے درمیان اقتصادی و تجارتی اختلافات موجود ہیں، لیکن بات چیت جاری رکھنے سے ہمیشہ حل نکالا جا سکتا ہے۔ چین اور امریکہ کو مل کر چین-امریکہ اقتصادی و تجارتی بات چیت کے نتائج کا تحفظ کرنا چاہیے اور دوطرفہ اقتصادی و تجارتی تعلقات کو صحت مند، مستحکم اور پائیدار ترقی کی جانب بڑھانا چاہیے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپاکستان اور سعودی عرب کے درمیان تاریخی اسٹریٹجک باہمی دفاعی معاہدے پر دستخط اگلی خبرسعودی عرب اور پاکستان کا دفاعی معاہدہ کسی مخصوص واقعے کا ردِعمل نہیں، اعلیٰ سعودی عہدیدار اسرائیل نے غزہ سٹی میں زمینی کارروائیاں شروع کردیں ہمارے منجمد اثاثوں کو یوکرین کی جنگی امداد کیلئے استعمال کرنے پر سخت کارروائی کریں گے، روس امریکا کا بڑا اقدام: ایران کے خلاف نئی پابندیاں عائد صیہونی جنگی جنون ختم نہ ہو سکا، یمن کے ساحلی شہر پر پھر بمباری اس سال چین-میانمار کے درمیان سفارتی تعلقات کے قیام کی 75 ویں سالگرہ ہے،چینی نائب صدر چین میں غیرملکیوں کی آمد اور ان کی خریداری مسلسل بڑھ رہی ہے، وزارت تجارتCopyright © 2025, All Rights Reserved
رابطہ کریں ہماری ٹیم
زیلنسکی نے ٹرمپ پر سنگین الزام عائد کردیا، امریکا سے تعلقات متاثر ہونے کا خدشہ