گاڑیوں پر ایف بی آر کو رنگے ہاتھوں پکڑا تو ریڈز پڑنے لگیں، فیصل واوڈا
اشاعت کی تاریخ: 29th, January 2025 GMT
اسلام آباد:
سینیٹر فیصل واوڈا نے کہا ہے کہ ایف بی آر کو رنگے ہاتھوں پکڑا جس کے بعد سینیٹ کی قائمہ کمیٹی فنانس نے نوٹس لیا۔ جس کے بعد انڈس موٹرز، ٹیوٹا موٹرز پر ریڈز شروع ہوگئیں جن کی پہلے کوئی مثال نہیں ملتی۔ وہ سینٹ میں اظہار خیال کررہے تھے ۔
انھوں نے کہا ناصرف ریڈز کیے گئے بلکہ جلدی سے سرچ وارنٹس بھی نکلوالیے گئے۔ انہوں نے کہا کیا وہاں منشیات تھیں اور ہتھیار تھے ۔ انسانی اسمگلنگ ہورہی تھی یا کوئی پاکستان مخالف کام ہورہا تھا۔ جیسے ہی انہیں پتا چلا ان ریڈز کے حوالے سے میرے پاس ڈاکومنٹس آگئے ہیں تو اس پر پردہ ڈالنے کیلئے دوسری جگہوں پر بھی ریڈ کرنے شروع کردیے گئے۔
فیصل واوڈا نے کہا یہی وجہ ہے کہ کوئی کھڑا نہیں ہوتا بلکہ مافیا کا حصہ بن جاتا ہے۔ یہ ’’ان ٹچ ایبل ‘‘ ہوتے ہیں ۔ چھاپے مارتے ہیں۔ بدلے لیتے ہیں اور جعلی کیس بناتے ہیں۔ انہوں نے کہا MORE FUNDS FOR THE ACCEPTABILITY OF THE CHAIRMAN FBR.
انہوں نے کہا کہ کسی اخبار میں اشتہار نہیں دیا گیا ایف بی آر کا ٹوٹل اسٹاف ایک ہزار 87 افراد پر مشتمل ہے اور اتنی ہی 1087 گاڑیاں خریدنے کی منظوری دی گئی جسے بعدازاں کم کر کے 1010 کردیا گیا۔
فیصل واوڈا نے کہا کہ یہ 384 ارب کا اپنا ٹیکس ہدف تو پورا نہیں کرسکے ۔ انہوں نے کہا کابینہ سے جس سمری کی منظوری لی گئی اس میں کیٹیگری ون کے ملازمین کیلئے ماہانہ سیلری کے چار بونس، کیٹیگری 2 کے لئے 3 بونس ، کیٹیگری 3 کیلئے 2 سیلری بونس دینے کی بھی شق ڈالی گئی مگر کابینہ ارکان نے اس حصے کو دیکھنا تک گوارا نہ کیا، اب یہ قومی خزانے کا اربوں روپیہ بونسز کی شکل میں ہڑپ کر جائیں گے۔
انہوں نے کہا خاص کمپنی کو فائدہ پہنچانے کیلئے گاڑی کی اوپری حد 1300 سی سی رکھی گئی ہے چونکہ کاروں کی نچلی حد مقرر نہیں ہے لہذا میں نے تجویز کیا اور پوچھا کہ سوزوکی آلٹو 660 سی سی یا دوسری کمپنیوں کی کاریں کیوں نہیں لی جارہیں۔ میں نے کہا سمری کی دوبارہ اپروول لیں اور مسابقت میں دوسری گاڑیاں جیسا کہ کیا، نیسان، ہنڈائی اور چانگن وغیرہ کو بھی شامل کیا جائے۔
میں نے یہ تجویز معاملہ اٹھنے سے پہلے خاموشی سے دے دی تھی۔ انہوں نے کہا کہ وزراء کہتے تھے کہ آپ کہہ تو ٹھیک رہے ہیں لیکن ہم بے بس ہیں ۔ یہ معاملہ ہم سے اوپر کا ہے۔ وزیر خزانہ اور وزیر مملکت برائے خزانہ نے بھی اس سے اتفاق کیا۔ بعدازاں خواجہ آصف سامنے آئے اور ٹویٹ کے ذریعے ہمیں مورد الزام ٹھہرایا۔
کمیٹی کے ن لیگی ممبرز اور دوسرے ارکان نے بھی ہمارا شکریہ ادا کیا۔ اس کی تصدیق میٹنگ منٹس سے بھی کی جاسکتی ہے۔ انہوں نے کہا فیصل واوڈا پاکستان کے اربوں روپے بچانے کی کوشش کررہا ہے۔
ذریعہ: Express News
کلیدی لفظ: انہوں نے کہا فیصل واوڈا
پڑھیں:
مالی نظام کی بہتری کیلئے بلوچستان میں الیکٹرانک سسٹم متعارف
ای سسٹم کے افتتاحی تقریب میں وزیراعلیٰ نے کہا کہ یہ نظام مالی شفافیت کی طرف ایک قدم ہے۔ شہری اپنے حلقے میں ترقیاتی کام کا جائزہ لے سکیں گے۔ اسلام ٹائمز۔ وزیراعلیٰ بلوچستان سرفراز بگٹی نے کہا ہے کہ صوبے میں متعارف کرایا گیا ملک کا پہلا خودکار ڈیجیٹل مالیاتی ای۔فائلنگ سسٹم شفافیت، اچھی حکمرانی اور ٹیکنالوجی کے استعمال کی جانب ایک سنگ میل ہے، جس سے نہ صرف مالیاتی امور میں تیزی آئے گی بلکہ عوام کو براہِ راست ترقیاتی منصوبوں کی معلومات تک رسائی بھی حاصل ہوگی۔ ان خیالات کا اظہار انہوں نے چیف منسٹر سیکرٹریٹ میں فنانس ای۔فائلنگ سسٹم کی افتتاحی تقریب سے خطاب کرتے ہوئے کیا۔ اس موقع پر صوبائی وزراء، اراکین صوبائی اسمبلی اور انتظامی محکموں کے سیکرٹریز نے شرکت کیں۔ وزیراعلیٰ نے کہا کہ یہ سسٹم محض ایک ای۔فائلنگ نہیں بلکہ مکمل مالیاتی اصلاحات کی بنیاد ہے۔ اس کے ذریعے ہر محکمہ اپنی بجٹ درخواستیں آن لائن جمع کروائے گا اور ہر مرحلے کی منظوری، ریکارڈ اور مالی شفافیت واضح انداز میں دستاویزی شکل میں دستیاب ہوگی۔ اس نظام سے وہ تمام روایتی رکاؤٹیں اور غیر شفاف طریقہ کار ختم ہوں گے، جو برسوں سے مالیاتی امور میں مشکلات پیدا کرتے رہے۔
انہوں نے کہا کہ ای۔فائلنگ سسٹم سے افسران کو بروقت اور درست فیصلے کرنے میں مدد ملے گی، جبکہ عام شہری بھی اپنے موبائل یا لیپ ٹاپ کے ذریعے ترقیاتی منصوبوں کی پیش رفت اور مالیاتی امور کی نگرانی کر سکیں گے۔ وزیراعلیٰ نے زور دیتے ہوئے کہا کہ عام آدمی کے لیے یہ سہولت شفافیت کی ایک حقیقی مثال ہوگی کیونکہ وہ دیکھ سکے گا کہ اس کے حلقے میں کون سا کام کہاں تک پہنچا ہے اور کون سا منصوبہ صرف کاغذوں میں مکمل دکھایا گیا ہے۔ وزیراعلیٰ سرفراز بگٹی نے واضح کیا کہ یہ سسٹم صوبائی حکومت کی شفاف طرزِ حکمرانی کا ثبوت ہے جس سے پبلک سیکٹر میں “انڈر ٹیبل” طریقہ کار مکمل طور پر ختم ہو جائے گا۔ انہوں نے کہا کہ یہ ٹیکنالوجی کا دور ہے، دنیا بہت آگے نکل چکی ہے اور اب بلوچستان بھی جدید خطوط پر استوار ہو رہا ہے۔ انہوں نے تمام سیکرٹریز کو ہدایت کی کہ وہ اپنے اپنے محکموں میں ای۔فائلنگ سسٹم کو جلد از جلد نافذ کریں تاکہ پورے بلوچستان میں کاغذی کارروائی بتدریج ختم ہو اور تمام امور صرف ڈیجیٹل طریقے سے نمٹائے جائیں۔ انہوں نے کہا کہ کابینہ کے اجلاس بھی اب ڈیجیٹل ٹیبلیٹس کے ذریعے منعقد ہوں گے تاکہ فیصلوں میں غیر ضروری تاخیر ختم کی جا سکے۔
وزیراعلیٰ نے اس موقع پر سسٹم کی تیاری میں شامل افسران اور ٹیم کو خراجِ تحسین پیش کرتے ہوئے اعلان کیا کہ اس منصوبے پر کام کرنے والے سرکاری ملازمین کو ایک ماہ کی اضافی بونس تنخواہ دی جائے گی جبکہ نجی شعبے کے ماہرین کی حوصلہ افزائی کی جائے گی۔ انہوں نے کہا کہ یہ منصوبہ بلوچستان کے مقامی نوجوانوں اور سرکاری افسران کی محنت کا نتیجہ ہے اور اس پر کسی دوسرے صوبے یا شہر کا انحصار نہیں کیا گیا۔ وزیراعلیٰ سرفراز بگٹی نے کہا کہ صوبائی حکومت عوامی وسائل کے موثر اور شفاف استعمال کے لیے پرعزم ہے اور یہ نظام اس خواب کو عملی شکل دینے کی طرف ایک اہم قدم ہے۔ انہوں نے کہا کہ صوبے میں شفاف حکمرانی کا وہ خواب جو اسمبلی فلور پر وعدے کی صورت میں کیا گیا تھا، آج حقیقت کا روپ دھار چکا ہے۔ قبل ازیں سیکرٹری خزانہ عمران زرکون نے نئے ڈیجیٹل ای مالی نظام سے متعلق تفصیلی بریفنگ دی اور متعارف کردہ نظام کے آپریٹنگ پروسیجر کا عملی مظاہرہ پیش کیا۔ تقریب کے اختتام پر وزیراعلیٰ بلوچستان نے اس منصوبے پر کام کرنے والے مقامی آٹی ٹی ماہرین کو تعریفی سرٹیفکیٹس بھی دیئے۔
اسرائیل نے غزہ سٹی میں بھی زمینی فوج اُتار دی