حقیقی صحافیوں ہی کو ایکریڈیٹیشن کارڈ جاری کرینگے، ڈائریکٹر اطلاعات
اشاعت کی تاریخ: 29th, January 2025 GMT
میرپور خاص (نمائندہ جسارت) ڈویژنل ڈائریکٹر اطلاعات میرپورخاص شہزاد شیخ کی زیر صدارت ان کے دفتر میں ڈویژنل ایکریڈیٹیشن کارڈ اسکروٹنی کمیٹی کا اجلاس منعقد ہوا، جس میں کمیٹی کے ممبران ڈپٹی ڈائریکٹر اطلاعات تھرپارکر سلیم احمد جتوئی، ڈپٹی ڈائریکٹر اطلاعات میرپور خاص غلام رضا کھوسو، ڈسٹرکٹ انفارمیشن آفیسر عمرکوٹ محمد اسلم بھٹی اور آفس اسسٹنٹ عرفان احمد شیخ نے شرکت کی۔ ڈائریکٹر اطلاعات شہزاد شیخ نے ڈسٹرکٹ اطلاعات افسران کو ہدایت کی کہ وہ ایکریڈیٹیشن کارڈ کے لیے موصول ہونے والی درخواستوں کی مکمل چھان بین اور مطلوبہ کوائف جمع کرانے والے صحافیوں کی درخواستیں ہی ڈویژنل ڈائریکٹوریٹ میرپورخاص بھیجیں تاکہ اس بات کو یقینی بنایا جا سکے کہ پیشہ ورانہ صحافت کرنے والے حقیقی صحافیوں کو ہی ایکریڈیٹیشن کارڈ جاری کیے جائیں۔ انہوں نے کہا کہ محکمہ اطلاعات کی ایکریڈیٹیشن کارڈ سے متعلق نئی پالیسی کے تحت ایسے اخبارات جو صرف سوشل میڈیا پلیٹ فارم پر موجود ہیں، کے نمائندوں، ویب چینلز کے نمائندوں اور اگر کوئی سرکاری ملازم جو صحافت بھی کرتا ہے کو ایکریڈیٹیشن کارڈ جاری نہیں کیا جائے گا، رجسٹرڈ اخبارات اور ٹی وی چینلز کے نمائندوں ہی کو ان کے متعلقہ ادارے سے درخواست فارم پر تصدیق کیے جانے کے بعد کارڈ جاری کیا جائے گا۔
.ذریعہ: Jasarat News
کلیدی لفظ: ڈائریکٹر اطلاعات کارڈ جاری
پڑھیں:
نادرا سے شناختی کارڈ منسوخ کروانے کا آسان طریقہ
اسلام آباد (ویب ڈیسک) اگر آپ پاکستانی شہریت ترک کر چکے ہیں اور آپ POC یعنی پاکستان اوریجن کارڈ حاصل کرنا چاہتے ہیں تو آپ کو سب سے پہلے اپنا بے فارم، جوینائل کارڈ، شناختی کارڈ یا نائکوپ منسوخ کروانا ہوگا۔
شناختی کارڈ کی منسوخی کیلیے آپ کو کسی نادرا سینٹر جا کر قطار میں لگنے کی ضروت نہیں بلکہ پاک آئی ڈی موبائل ایپ کے ذریعے گھر بیٹھے کر سکتے ہیں۔
طریقہ سمجھیں:
پاک آئی ڈی موبائل ایپ پر لاگ ان کریں اور ID CANCELLATION پر کلک کریں۔ اپنے لیے MYSELF اور اہل خانہ (ماں، باپ، شریک حیات، بہن، بھائی، بیٹا یا بیٹی) کے کارڈ کی منسوخی کیلیے MY BLOOD RELATIVES کا انتخاب کریں۔
اگلی اسکرین پر SURRENDER پر کلک کریں گے تو APPLICATION DETAILS کی اسکرین ظاہر ہوگی، VERIFY FINGERPRINTS پر کلک کریں۔ اگر اپنے لیے اپلائی کر رہے ہیں تو اپنی اور اگر اہل خانہ کیلیے کر رہے ہیں تو ان کی انگلیوں یا انگوٹھے کی تصدیق کریں۔
انگلیوں یا انگوٹھے کی تصدیق کا عمل مکمل کر کے NEXT پر کلک کریں۔ اب اپنی درخواست کی پروسسنگ کیٹیگری منتخب کر کے START APLLICATION پر کلک کریں۔ سب کیٹیگریز کی ایک ہی فیس یعنی 15 امریکی ڈالرز ہے جو کہ پاکستانی روپے میں تبدیل کر کے دکھائی جائے گی۔
اب APPLICANT PHOTOGRAPH کی اسکرین کھلے گی وہاں CAPTURE پر کلک کریں (اگر آپ اپنے لیے اپلائی کر رہے ہیں تو اپنی تصویر لیں ورنہ اہل خانہ کی)۔ تصویر بغیر عینک اور سفید BACKGROUND کے ساتھ بنائیں۔ آپ کا چہرہ کیمرے کی اسکرین پر موجود FACE SHAPE کے دائرے کے اندر رہے، فوٹو بنانے کے بعد اپلائی پر کر کے پھر DONE کر دیں۔
پھر APPLICANT DETAILS میں معلومات مکمل کر کے NEXT کریں۔ اب SUPPORTING DOCUMENTS کی اسکرین پر متعلقہ دستاویزات اپلوڈ کریں جیسے کہ RENUNCIATION CERTIFICATE یا FOREIGN PASSPORT ہیں۔
یاد رہے کہ اگر آپ نے کسی ایسے ملک کی شہریت حاصل کی ہے جس سے پاکستان کا دوہری شہریت کا معاہدہ ہے تو اس صورت میں RENUNCIATION CERTIFICATE لازمی مہیا کرنا ہوگا۔
ان ممالک میں آسٹریلیا، بیلجیم، کینیڈا، مصر، فرانس، آئیس لینڈ، آئر لینڈ، اٹلی، اردن، ہالینڈ، نیوزی لینڈ، سوئیڈن، سوئٹزرلینڈ، شام، امریکا، برطانیہ، بحرین، فن لینڈ، ڈنمارک، جرمنی، ناروے شامل ہیں۔
دستاویزات اپلوڈ کرنے کے بعد SUBMIT پر کلک کریں جس کے بعد آپ کی درخواست ارسال ہو جائے گی۔ اس کے بعد نادرا آپ کی درخواست پر ضروری کارروائی کرے گا، منظور ہونے کی صورت میں آپ کی ٹریکنگ آئی ڈی کے دائیں طرف PAY NOW کا آپشن ظاہر ہوگا اس پر کلک کرنا ہے۔
آپ فیس کی ادائیگی ای سہولت، جاز کیش، ایزی پیشہ یا ڈیبٹ اور کریڈٹ کارڈ کے ذریعے کر سکتے ہیں۔ فیس ادائیگی کے بعد CANCELLATION CERTIFICATE پاک آئی ڈی ایپ سے براہ راست ڈاؤن لوڈ کیا جا سکتا ہے۔
Post Views: 3
قائداعظم ٹرافی میں کراچی ٹیم ضرور ہوگی ،نیا سسٹم نہیں بنا رہے