نجی کمپنی کا عملہ مبینہ طور پر مسافروں کے سامان میں منشیات بیرون ملک اسمگل کرنے میں ملوث
اشاعت کی تاریخ: 3rd, February 2025 GMT
لاہور:
علامہ اقبال انٹرنیشنل ایئرپورٹ پر سروسز فراہم کرنے والی کمپنی جیری دناتا کا عملہ ہی مبینہ طو پر مسافروں کے سامان میں منشیات بیرون ملک اسمگل کرنے میں ملوث نکلا، سعودی عرب کے بعد لندن جانے والے مسافر کے بیگ میں منشیات رکھ دی، سی سی ٹی وی فوٹیج کے ذریعے پتا لگایا گیا۔
تفصیلات کے مطابق 16 دسمبر 2024 کو فیصل آباد سے تعلق رکھنے والا برطانوی شہری عمیر سعودی ایئر کی پرواز سے لاہور سے ریاض اور وہاں سے لندن ایئرپورٹ پہنچا تو اس کا اصل بیگ نہ ملا، بعد ازاں لندن ایئرپورٹ اتھارٹیز نے مسافر عمیر کے نام سے منسوب جعلی ٹیگ والے بیگ سے پانچ کلو منشیات برآمد کر کے اسے گرفتار کر لیا۔
مسافرعمیر نے لندن ایئرپورٹ اتھارٹیز کی انکوائری میں منشیات سے بھرے بیگ سے لاتعلقی کا اظہار کیا جس پر لندن ایئرپورٹ اتھارٹیز نے مسافر عمیر کو منشیات اسمگلنگ کیس میں گرفتار کر لیا۔
مسافر عمیر کے وکیل کی درخواست پر جیری دناتا نے بیگ ہینڈلنگ فوٹیج کا معائنہ کیا، فوٹیج میں واضح دیکھا گیا کہ مسافر عمیر کا بیگ جیری دناتا کے عملے نے تبدیل کر کے منشیات سے بھرا بیگ ٹیگ تبدیل کر کے بیرون ملک بھیجا، مسافر عمیر کے بے قصور ثابت ہونے پر لندن کی عدالت نے ضمانت قبول کر لی۔
ایئر پورٹ ذرائع کے مطابق عمیر آئندہ چند روز میں پاکستان آ کر جیری دناتا کے خلاف قانونی چارہ جوئی کرے گا، اس سے قبل بھی جیری دناتا کے عملے نے جدہ جانے والے چار مسافروں کے بیگ تبدیل کر کے منشیات سعودیہ پہنچائی تھی، سعودی حکام نے جدہ منشیات کیس میں چار پاکستانیوں کے سر قلم کرنے کا اعلان کیا تھا۔
وفاقی وزیر داخلہ محسن نقوی نے سعودی حکام کو معاملے سے آگاہ کیا اور بے گناہ پاکستانیوں کے سر قلم ہونے سے انہیں بچایا، جدہ اور ریاض منشیات کیس میں ملوث جیری دناتا کے عملے کو متعلقہ اداروں نے گرفتار کر لیا ہے اور مزید گرفتاریوں کے لیے کارروائیاں جاری ہیں۔
.
ذریعہ: Express News
کلیدی لفظ: لندن ایئرپورٹ جیری دناتا میں منشیات مسافر عمیر
پڑھیں:
اسلام آباد میں پہلی بار ڈرون کیمروں، عرق گلاب اور فنائل سے صفائی آپریشن، 2500 سے زائد عملہ سرگرم
اسلام آباد میں پہلی بار ڈرون کیمروں، عرق گلاب اور فنائل سے صفائی آپریشن، 2500 سے زائد عملہ سرگرم WhatsAppFacebookTwitter 0 8 June, 2025 سب نیوز
اسلام آباد(آئی پی ایس) وفاقی وزیر داخلہ محسن نقوی کی ہدایت اور چیئرمین سی ڈی اے و چیف کمشنر اسلام آباد احمد علی رندھاوا کی نگرانی میں عیدالاضحی کے دوسرے روز بھی قربانی کے جانوروں کی آلائشوں کو تلف کرنے کا زیرو ویسٹ صفائی آپریشن تیزی سے جاری ہے۔
سی ڈی اے کے مطابق عید کے پہلے روز شہر بھر میں 81 ہزار سے زائد جانوروں کی قربانی کی گئی جن میں تقریباً 47 ہزار چھوٹے اور 33 ہزار بڑے جانور شامل تھے۔ صرف پہلے دن آلائشوں کا کل وزن 1362.386 ٹن ریکارڈ کیا گیا، جسے بروقت اور محفوظ طریقے سے ٹھکانے لگایا گیا۔
شہریوں نے سی ڈی اے کی شاندار کارکردگی کو سراہتے ہوئے وفاقی وزیر داخلہ اور چیئرمین سی ڈی اے کی ہدایات پر اعتماد کا اظہار کیا ہے۔ صفائی کے اس عمل کو مؤثر بنانے کے لیے اسلام آباد کے پانچوں زونز میں آپریشن بھرپور انداز میں جاری ہے۔
جدید ٹیکنالوجی کا استعمال
پاکستان میں پہلی بار ڈرون کیمروں کی مدد سے نگرانی کی جا رہی ہے جبکہ عرق گلاب، فنائل اور چونے کا چھڑکاؤ بھی صفائی کے عمل کا حصہ ہے تاکہ تعفن اور بیماریوں سے بچاؤ ممکن ہو۔ اسلام آباد سیف سٹی کے کنٹرول روم سے سی ڈی اے، ضلعی انتظامیہ اور پولیس کی جانب سے سیکیورٹی اور ٹریفک انتظامات کی بھی مانیٹرنگ کی جا رہی ہے۔
انسانی و مشینی وسائل کی بھرپور موجودگی
صفائی مہم میں 2500 سے زائد عملہ، بشمول خاکروب، سپروائزر اور افسران، ہنگامی بنیادوں پر خدمات انجام دے رہا ہے۔ 250 سے زائد گاڑیاں اور بھاری مشینری بھی اس مہم میں شامل ہیں۔
آلائشوں کو تلف کرنے کے لیے شہر کے 55 مقامات پر 107 سے زائد گڑھے کھودے گئے ہیں جہاں بائیو ڈیگریڈایبل بیگز میں آلائشوں کو حفظان صحت کے اصولوں کے مطابق تلف کیا جا رہا ہے۔
شہریوں سے تعاون کی اپیل
سی ڈی اے نے شہریوں سے اپیل کی ہے کہ وہ قربانی کے جانوروں کو اجتماعی قربان گاہوں پر ذبح کریں، اوجھڑیاں اور آلائشیں نالوں، جنگلات یا کچرے دانوں میں نہ ڈالیں بلکہ انہیں مخصوص بیگز میں رکھ کر گھر کے باہر رکھیں تاکہ عملہ بروقت انہیں اٹھا سکے۔
دیہی علاقوں میں صفائی آپریشن متعلقہ یونین کونسلز کی مدد سے جاری ہے۔ اسسٹنٹ کمشنرز کو ہدایت دی گئی ہے کہ وہ تمام ہاؤسنگ سوسائٹیز کی مینجمنٹ سے قریبی رابطے میں رہیں۔
شکایات کے فوری ازالے کا نظام
شہری صفائی یا آلائشیں اٹھوانے کے لیے سینی ٹیشن ہیلپ لائن 1334، 9213908 یا ٹیلی فون نمبرز 9203216 اور 9211555 پر رابطہ کر سکتے ہیں۔ علاوہ ازیں، شہری WhatsApp یا SMS کے ذریعے 0335-5001213 پر بھی شکایات درج کرا سکتے ہیں۔
چیئرمین سی ڈی اے نے یقین دہانی کرائی ہے کہ موصول ہونے والی شکایات کا فوری ازالہ کیا جا رہا ہے تاکہ شہر کو بیماریوں اور تعفن سے محفوظ رکھا جا سکے۔ صفائی ایکشن پلان عید کے تیسرے دن بھی جاری رہے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرکمزوری کا ڈرامہ اور رونے کی اداکاری”: بحیرہ جنوبی چین میں فلپائن کی بلیک میلنگ کی حکمت عملی ۔ سی ایم جی کا تبصرہ غزہ میں اسرائیلی جارحیت جاری، مزید 36 فلسطینی شہید ہوگئے حافظ آباد; شوہر کے سامنے خاتون سے اجتماعی زیادتی کرنے والاایک اورملزم پولیس مقابلے میں ہلاک طالبان حکومت کا عیدالاضحیٰ پر ملک چھوڑنے والے مغرب نواز افغانوں کیلئے عام معافی کا اعلان پاورڈویژن نے بجلی کے 2 میٹر لگانے پر پابندی کی خبریں جعلی قرار دے دیں لاس اینجلس میں غیرقانونی تارکین وطن کیخلاف کریک ڈاؤن،شیدید جھڑپیں چین کا اہم اقدام؛ بھارتی معیشت کے لیے خطرے کی گھنٹی بج گئیCopyright © 2025, All Rights Reserved
رابطہ کریں ہمارے بارے ہماری ٹیم
پاکستان ائیرپورٹس اتھارٹی کا نیو گوادر انٹرنیشنل ایئر پورٹ کے متعلق بڑا فیصلہ