اکشے کمار کی 6 سال میں 100 کروڑ کمانے والی پہلی فلم کونسی ہے؟
اشاعت کی تاریخ: 5th, February 2025 GMT
بالی ووڈ اداکار اکشے کمار کی نئی فلم ’اسکائی فورس‘ نے آٹھ دنوں میں 100 کروڑ روپے سے زائد کا بزنس کر کے ان کے لیے باکس آفس پر کامیابی کی نئی امید پیدا کر دی ہے۔
بھارتی میڈیاکے مطابق فلم کی ٹیم نے ہفتے کے روز ایک پوسٹر جاری کیا، جس میں بتایا گیا کہ ’اسکائی فورس‘ نے 8 دنوں میں مجموعی طور پر 104.3 کروڑ روپے کا بزنس کر لیا ہے۔
یہ اکشے کمار کی گزشتہ چھ سال میں پہلی فلم ہے جس نے 100 کروڑ کا سنگ میل عبور کیا ہے۔ اس سے قبل ان کی فلم ’گڈ نیوز‘ نے 2019 میں 205.
بعد میں آنے والی فلموں جیسے ’بیل باٹم‘ (33.31 کروڑ)، ’بچن پانڈے‘ (51.04 کروڑ)، ’سمراٹ پرتھوی راج‘ (68.25 کروڑ)، ’رکشا بندھن‘ (48.63 کروڑ) اور ’رام سیتو‘ (74.7 کروڑ) نے یہ حد عبور نہیں کی۔
یاد رہے کہ فلم ’اسکائی فورس‘ 24 جنوری کو ریلیز ہوئی اور اسے ابھیشیک انیل کپور اور سندیپ کیولانی نے ڈائریکٹ کیا ہے۔ فلم میں ویر پہاڑیا نے ڈیبیو کیا ہے اور اسکواڈرن لیڈر ٹی وجیا کا کردار نبھایا جبکہ ان کے ساتھ سارہ علی خان ان کی بیوی کا کردار نبھا رہی ہیں۔
فلم کو ناقدین اور ناظرین دونوں کی جانب سے مثبت ردعمل ملا ہے، جو اکشے کمار کے لیے ایک بڑی کامیابی ثابت ہو سکتی ہے۔
ذریعہ: Express News
کلیدی لفظ: اکشے کمار
پڑھیں:
ملتان : میٹرک کے امتحان میں رکشا ڈرائیور کے بیٹے کی پہلی پوزیشن
ملتان:میٹرک کے امتحانات میں بورے والا سے تعلق رکھنے والے رکشا ڈرائیور کے بیٹے محمد احمد نے باپ کا نام روشن کردیا، آرٹس گروپ میں 1161 نمبرز حاصل کرکے سب کو پیچھے چھوڑ دیا۔
ایکسپریس نیوز کے مطابق اس ہونہار نوجوان کا تعلق بورے والا کے گاؤں سے ہے جس نے مدرسہ جامعہ حنفیہ سے میٹرک کا امتحان دیا اور پہلی پوزیشن حاصل کی۔ نوجوان کے اس کارنامے پر اہل خانہ خوشی سے نہال ہیں جب کہ اہل محلہ نے بھی نوجوان پر فخر کا اظہار کیا ہے۔
میڈیا سے گفتگو کرتے ہوئے قابل نوجوان محمد احمد نے کہا کہ میرے والد نے نہ صرف میری پڑھائی کا مالی بوجھ اٹھایا بلکہ مجھے میری بہت زیادہ حوصلہ افزائی بھی کی، وہ کہتے تھے میں خود تو نہیں پڑھ سکا لیکن میرا بیٹا میرا نام روشن کرے گا۔
ہونہار نوجوان کے والد محمد افضل کا کہنا ہے کہ آج میں بہت خوش ہوں، میں پڑھ لکھ نہیں سکا میری خواہش تھی کہ میرا بیٹا پڑھ لکھ جائے۔
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست