پاک چین تعلقات کو نقصان پہنچانے کی ہر کوشش ناکام ہوگی، ترجمان دفتر خارجہ
اشاعت کی تاریخ: 6th, February 2025 GMT
ترجمان دفتر خارجہ شفقت علی خان نے کہا ہے کہ چین پاکستان تعلقات کو نقصان پہنچانے کی ہر کوشش ناکام ہوگی۔
اسلام آباد میں ہفتہ وار پریس بریفنگ کے دوران ترجمان دفتر خارجہ نے کہا کہ صدر مملکت آصف علی زرداری اس وقت چین کے سرکاری دورہ پر ہیں، جہاں انہوں نے چینی ہم مںصب شی جن پنگ سے ملاقات کی ہے جس میں دونوں ممالک کے درمیان رابطوں کو مزید مضبوط بنانے کے حوالے سے بات چیت ہوئی ہے۔
یہ بھی پڑھیں: صدر زرداری کی چینی صدر سے ملاقات، کن اہم معاملات پر گفتگو ہوئی؟
ترجمان دفتر خارجہ نے واضح کیا کہ صدر آصف علی زرداری اور صدر شی جن پنگ کے درمیان ملاقات میں پاک چین تعلقات، خطے اور عالمی امور پر پر تبادلہ خیال کیا گیا، اس موقع پر صدر آصف زرداری نے پاکستان کی ون چائنا پالیسی پر غیرمتزلزل حمایت کا اعادہ کیا۔
ترجمان نے کہا کہ پاکستان نے تائیوان، سنکیانگ، تبت، ہانگ کانگ پر چین کے مؤقف کی مکمل حمایت کی ہے اور دونوں ممالک نے دہشتگردی کے خلاف زیرو ٹالرنس پالیسی پر اتفاق کیا ہے۔ انہوں نے کہا کہ پاکستان میں چینی شہریوں کی سیکیورٹی یقینی بنانا حکومت پاکستان کی اولین ترجیح ہے۔
یہ بھی پڑھیں: چین پہنچنے پر صدر مملکت آصف علی زرداری کا شاندار استقبال
ترجمان دفتر خارجہ شفقت علی خان نے بتایا کہ صدر آصف علی زرداری نے چینی وزیراعظم لی کیانگ سے بھی ملاقات کی ہے اور ون چائنہ اصول پر اپنی حمایت کی تجدید کی ہے۔ انہوں نے کہا کہ پاکستان ہانگ کانگ، جنوبی چین سمندر، سنکیانگ پر چین کی پالیسی کی حمایت کرتا ہے۔
انہوں نے کہا کہ پاکستان کی جانب سے چین کے بیلٹ اینڈ روڈ اقدام کو آگے بڑھانے پر اتفاق کیا گیا، فریقین نے پر امن اور خوشحال جنوبی ایشیا کو خطے کے مفاد میں قرار دیا، فریقین نے افغانستان کے ساتھ قریبی روابط کے تسلسل اور مسئلہ کے حل کی کوششوں کو جاری رکھنے پر اتفاق کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews افغانستان پاکستان پریس بریفنگ ترجمان چین دفتر خارجہ دہشتگردی دورہ چین شفقت علی خان صدر آصف علی زرداری صدر شی جن پنگ ملاقات غزہ فلسطین کشمیر ون چائنہ پالیسی.ذریعہ: WE News
کلیدی لفظ: افغانستان پاکستان پریس بریفنگ چین دفتر خارجہ دہشتگردی دورہ چین شفقت علی خان صدر ا صف علی زرداری صدر شی جن پنگ ملاقات فلسطین ون چائنہ پالیسی ترجمان دفتر خارجہ نے کہا کہ پاکستان ا صف علی زرداری انہوں نے
پڑھیں:
تربت میں انسانی اسمگلنگ کی کوشش ناکام، 29 غیرملکی شہری گرفتار
کوئٹہ (نمائندہ خصوصی )بلوچستان کے ضلع تربت میں پولیس اور وفاقی تحقیقاتی ایجنسی (ایف آئی اے) نے مشترکہ کارروائی کے دوران انسانی اسمگلنگ کے اقدام کو ناکام بناتے ہوئے 29 غیر ملکی شہریوں کو غیر قانونی طور پر سرحد عبور کرنے کی کوشش پر گرفتار کر لیا۔پاکستان میں گزشتہ چند برسوں کے دوران انسانی اسمگلنگ کے واقعات میں خطرناک حد تک اضافہ ہوا ہے، جس کے تحت افراد کو کسی ملک میں داخل ہونے یا وہاں غیر قانونی طور پر قیام پذیر رہنے میں مدد فراہم کی جاتی ہے۔ یہ رجحان نہ صرف ملک کی ساکھ کو متاثر کرتا ہے بلکہ اس میں ملوث افراد کی زندگیوں کے لیے بھی خطرہ بن جاتا ہے۔
سینئر سپرنٹنڈنٹ پولیس (ایس ایس پی) کیچ کیپٹن زوہیب محسن نے ممتازنیوز کو بتایا کہ یہ کارروائی تربت کے نواحی علاقے میں کی گئی، جہاں ایک لینڈ کروزر کو روکا گیا جس میں درجنوں افراد سوار تھے۔انہوں نے بتایا کہ’ گرفتار ہونے والوں میں 12 مرد، 13 بچے اور 4 خواتین شامل ہیں، دو ڈرائیوروں کو بھی حراست میں لیا گیا ہے جو مبینہ طور پر ان افراد کو غیر قانونی راستوں کے ذریعے ایران لے جانے میں ملوث تھے۔’
ایس ایس پی زوہیب محسن نے مزید بتایا کہ ابتدائی تحقیقات سے پتہ چلا ہے کہ گرفتار افغان شہری بلوچستان کے راستے ایران میں داخل ہو کر یورپ جانے کا منصوبہ بنا رہے تھے۔انہوں نے کہا، ’ تمام گرفتار افراد کو مزید تحقیقات کے لیے ایف آئی اے کے حوالے کر دیا گیا ہے، جبکہ اسمگلنگ میں ملوث نیٹ ورک کے خلاف تحقیقات شروع کر دی گئی ہیں۔’عہدیدار نے مزید کہا کہ ابتدائی تحقیقات کے بعد مزید گرفتاریوں کی توقع ہے اور تفتیش کا دائرہ کار وسیع کر دیا گیا ہے۔
عہدِ حاضر میں مارکسزم کی معنویت (حصہ اول)