دبئی میں پاکستانی قونصلیٹ میں یوم یکجہتی کشمیر کی مناسبت سے تقریب
اشاعت کی تاریخ: 6th, February 2025 GMT
دبئی(اُردو پوائنٹ اخبارتازہ ترین۔ 6فروری2025ء) قونصلیٹ جنرل آف پاکستان، دبئی کے زیر اہتمام یوم یکجہتی کشمیر 2025 کے موقع پر ایک پروقار تقریب کا انعقاد کیا گیا، جس میں متحدہ عرب امارات میں مقیم پاکستانی اور کشمیری کمیونٹی کے افراد نے بڑی تعداد میں شرکت کی۔ تقریب کے دوران صدر پاکستان، وزیر اعظم، اور نائب وزیر اعظم/وزیر خارجہ کے پیغامات پڑھ کر سنائے گئے، جن میں حکومت پاکستان کی جانب سے کشمیری عوام کے حق خودارادیت کی غیر متزلزل حمایت کا اعادہ کیا گیا۔
تقریب سے خطاب کرتے ہوئے پاکستان کے قونصل جنرل، حسین محمد نے کہا کہ یوم یکجہتی کشمیر عالمی برادری کی توجہ اقوام متحدہ کی سلامتی کونسل کی قراردادوں پر مبذول کروانے کا ایک موقع ہے۔ انہوں نے اس بات پر زور دیا کہ بھارت مقبوضہ جموں و کشمیر کے عوام کو ان کا بنیادی حق خودارادیت دینے سے انکار کر رہا ہے، جو بین الاقوامی قوانین اور انسانی حقوق کی سنگین خلاف ورزی ہے۔(جاری ہے)
"ہمارے کشمیری بھائی اور بہنیں بھارتی قابض افواج کے مسلط کردہ خوف، جبر اور مظالم میں زندگی گزار رہے ہیں۔ ان کی ترقی اور خوشحالی کے راستے غیر قانونی اور جابرانہ اقدامات کے ذریعے روکے جا رہے ہیں۔ کسی قوم کی آواز کو دباکر پائیدار امن حاصل نہیں کیا جا سکتا،" قونصل جنرل نے کہا۔ انہوں نے مزید کہا کہ جنوبی ایشیا میں دیرپا امن کا انحصار مسئلہ کشمیر کے منصفانہ حل پر ہے۔ انہوں نے عالمی برادری سے مطالبہ کیا کہ وہ بھارت پر دباؤ ڈالے کہ وہ کشمیری عوام کو ان کا پیدائشی حق – اپنے مستقبل کا فیصلہ خود کرنے کی آزادی دے۔ انہوں نے واضح کیا کہ کشمیر پاکستان کی خارجہ پالیسی کا بنیادی ستون ہے اور پاکستان ہمیشہ کشمیری عوام کی اخلاقی، سیاسی اور سفارتی حمایت جاری رکھے گا۔ قونصل جنرل نے کشمیری عوام کی عظیم قربانیوں کو خراج تحسین پیش کرتے ہوئے کہا کہ ان کی بہادری رائیگاں نہیں جائے گی۔ اپنی تقریر کے اختتام پر حسین محمد نے متحدہ عرب امارات میں مقیم پاکستانی اور کشمیری برادری کو تلقین کی کہ وہ مقامی قوانین کا احترام کریں، معاشرے میں مثبت کردار ادا کریں اور آپس میں اتحاد و یگانگت کو فروغ دیں۔ انہوں نے زور دیا کہ تمام پاکستانی کمیونٹی کو متحد رہ کر اپنے ملک کی نیک نامی میں کردار ادا کرنا چاہیے۔ تقریب میں کشمیری کمیونٹی کے نمائندوں نے بھی خطاب کیا اور اپنے عزم کا اعادہ کیا کہ وہ کشمیر کاز کے لیے جدوجہد جاری رکھیں گے۔ اس موقع پر یوم یکجہتی کشمیر کے حوالے سے ایک ڈاکیومنٹری اور خصوصی نغمہ بھی پیش کیا گیا، جس میں کشمیری عوام کے مصائب اور ان کی جدوجہد کو اجاگر کیا گیا۔.
ذریعہ
ذریعہ: UrduPoint
کلیدی لفظ: تلاش کیجئے یوم یکجہتی کشمیر کشمیری عوام انہوں نے
پڑھیں:
برطانوی ہائی کمیشن میں گلاسگو 2026 دولتِ مشترکہ کھیلوں کے آغاز کی تقریب
برطانوی ہائی کمیشن میں گلاسگو 2026 دولتِ مشترکہ کھیلوں کے آغاز کی تقریب WhatsAppFacebookX 0 24 July, 2026 سب نیوز
اسلام آباد(سب نیوز) : برطانوی ہائی کمیشن نے گلاسگو 2026 دولتِ مشترکہ کھیلوں کے آغاز کے موقع پر اسلام آباد میں ایک خصوصی استقبالیہ کا اہتمام کیا، جس میں کھیلوں، حکومت، سول سوسائٹی، میڈیا اور دولتِ مشترکہ کے سابق اسکالرز و فیلوز سمیت مختلف شعبہ ہائے زندگی سے تعلق رکھنے والے مہمانوں نے شرکت کی۔
تقریب کے ذریعے اسلام آباد میں گلاسگو کی ایک جھلک پیش کی گئی۔ گلاسگو میں دولتِ مشترکہ کھیل 23 جولائی سے 2 اگست 2026 تک جاری رہیں گے۔ دولتِ مشترکہ کے 74 ممالک اور خطوں سے تقریباً 3,000 ایتھلیٹس 10 کھیلوں میں حصہ لیں گے، جن میں پیرا اسپورٹس کے چھ مقابلے بھی شامل ہیں۔
تقریب میں دولتِ مشترکہ بھر میں تعلیم کے فروغ کے لیے برطانیہ کی معاونت کو بھی اجاگر کیا گیا۔ دولتِ مشترکہ اسکالرشپس اور فیلوشپس گزشتہ 60 برس سے طلبہ اور مستقبل کے رہنماؤں کی معاونت کر رہی ہیں۔
برطانوی ہائی کمشنر جین میریٹ سی ایم جی او بی ای نے کہا:
’’دولتِ مشترکہ کھیل صرف تمغوں سے کہیں بڑھ کر ہیں۔ یہ لوگوں کو ایک دوسرے کے قریب لاتے ہیں، صلاحیتوں کو اجاگر کرتے ہیں اور یہ ظاہر کرتے ہیں کہ کھیل کس طرح معاشروں کو متحد کرنے کی طاقت رکھتے ہیں۔
پاکستان کی کھیلوں میں ایک شاندار تاریخ ہے اور ملک کے ایتھلیٹس آج بھی نوجوانوں کے لیے تحریک کا باعث بن رہے ہیں۔ جب گلاسگو دولتِ مشترکہ کا خیرمقدم کر رہا ہے، تو ہمیں برطانیہ، پاکستان اور اپنے دولتِ مشترکہ کے خاندان کے درمیان مضبوط روابط کو منانے پر فخر ہے۔‘‘
استقبالیہ میں دوستی اور مواقع کے جذبے کو اجاگر کیا گیا اور مہمانوں نے اسلام آباد میں گلاسگو 2026 کے آغاز کے موقع پر دولتِ مشترکہ کھیلوں کی روح کو منایا۔
استقبالیے سے قبل برطانوی ہائی کمیشن نے ’’کوئین الزبتھ دوم دولتِ مشترکہ ٹرسٹ 100 ینگ لیڈرز ایوارڈز‘‘ حاصل کرنے والے پاکستانی نوجوانوں کے لیے ایک مختصر ایوارڈ تقریب بھی منعقد کی۔
مندرجہ ذیل نوجوان رہنماؤں کو تعلیم، شمولیت، نوجوانوں کو بااختیار بنانے، ٹیکنالوجی اور صنفی مساوات کے شعبوں میں ان کی خدمات کے اعتراف میں ایوارڈز سے نوازا گیا:
فراح گل رہوجہ، پاک جی پی ٹی کی شریک بانی، پسماندہ آبادیوں میں تعلیم، صحت اور موسمیاتی لچک کے فروغ کے لیے جامع مصنوعی ذہانت کا استعمال کر رہی ہیں۔ حسن اشرف، امید فاؤنڈیشن کے بانی اور چیف ایگزیکٹو آفیسر، پاکستان بھر میں چائلڈ لیبر سے وابستہ اور پسماندہ بچوں کے لیے مفت تعلیم کے فروغ کے لیے کام کر رہے ہیں۔ حادیقہ بشیر، گرلز یونائیٹڈ فار ہیومن رائٹس کی بانی اور ایگزیکٹو ڈائریکٹر، کم عمری کی شادی کے خاتمے، صنفی بنیاد پر تشدد سے نمٹنے اور لڑکیوں کی تعلیم کے فروغ کے لیے کام کر رہی ہیں۔ جوشوا دل آور، آئی ایس وائی ڈی کے بانی اور ایگزیکٹو ڈائریکٹر، نوجوانوں کی شمولیت، صحت میں مساوات اور صنفی مساوات کے فروغ کے لیے کام کر رہے ہیں، جس میں بہرے نوجوانوں کو ہم عمر تربیت کار کے طور پر تربیت دینا بھی شامل ہے۔گلاسگو 2026، برطانیہ کی جانب سے گلاسگو 2014 اور برمنگھم 2022 دولتِ مشترکہ کھیلوں کی کامیاب میزبانی کے بعد منعقد ہو رہا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرپاکستان کے زرمبادلہ میں اضافے کے لیے سرمایہ کاری ناگزیر، قونصلیٹ ہر ممکن تعاون کرے گا: قونصل جنرل سید مصطفیٰ ربانی اگلی خبرچینی وزیر خارجہ سے ملاقات، علاقائی امن کے لیے پاکستان کی سفارتی کوششوں کو سراہنے پر اسحاق ڈار کا اظہارِ تشکر اسپیکر قومی اسمبلی سردار ایاز صادق کی ڈپٹی سیکرٹری وزارتِ خزانہ عائشہ جاوید کو بین الاقوامی اعزاز پر مبارکباد پاکستان اور آذربائیجان نے دیرینہ دوستی مزید مضبوط بنانے کے عزم کا اعادہ کردیا کیوبا کے سفارتخانے میں فوٹو نمائش کے ذریعے فیڈل کاسترو کی صد سالہ تقریبات کا انعقاد چینی وزیر خارجہ سے ملاقات، علاقائی امن کے لیے پاکستان کی سفارتی کوششوں کو سراہنے پر اسحاق ڈار کا اظہارِ تشکر پاکستان کے زرمبادلہ میں اضافے کے لیے سرمایہ کاری ناگزیر، قونصلیٹ ہر ممکن تعاون کرے گا: قونصل جنرل سید مصطفیٰ ربانی وزیراعظم نے لیفٹیننٹ جنرل عامر رضا کو فور اسٹار جنرل کے عہدے پر ترقی دے دیCopyright © 2026, All Rights Reserved
رابطہ کریں ہماری ٹیم
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم