قائمقام چیئرمین سینیٹ سیدال خان ناصر کا سینئر صحافیوں کے اعزاز میں ظہرانہ
اشاعت کی تاریخ: 7th, February 2025 GMT
اسلام آباد(نیوز ڈیسک) قائمقام چیئرمین سینیٹ سیدال خان ناصر نے سینئر صحافیوں کے اعزاز میں ظہرانہ دیا، جس میں ملکی سیاسی اور معاشی صورتحال پر گفتگو کی گئی۔
سیدال خان ناصر نے کہا کہ وزیراعظم شہباز شریف کی قیادت میں ملک ترقی کی راہ پر گامزن ہے، معیشت مستحکم ہو رہی ہے اور سفارتی میدان میں پاکستان کامیابیاں حاصل کر رہا ہے۔ انہوں نے صدر مملکت آصف علی زرداری کے حالیہ دورہ چین کو دونوں ممالک کے درمیان اقتصادی تعاون کا نیا سنگ میل قرار دیا۔
انہوں نے کہا کہ سیاست سب کا حق ہے لیکن اسے حدود میں رہ کر کرنا چاہیے۔ پاک فوج کی دہشت گردی کے خلاف قربانیاں کسی سے ڈھکی چھپی نہیں، سیاست کو ریاست پر ترجیح نہیں دینی چاہیے۔
قائمقام چیئرمین سینیٹ نے اپوزیشن کو ایوان اور کمیٹیوں میں فعال کردار ادا کرنے کا مشورہ دیا اور کہا کہ حکومت اتحادیوں کے ساتھ افہام و تفہیم کے ساتھ معاملات چلا رہی ہے۔
.ذریعہ: Daily Mumtaz
پڑھیں:
جب سے حکومت آئی ہے بلوچستان جل رہا ہے، اے این پی
اپنے بیان میں اے این پی رہنماء رشید ناصر نے ترجمان حکومت بلوچستان کے ایمل ولی خان کیخلاف بیان کی شدید مذمت کی۔ اسلام ٹائمز۔ عوامی نیشنل پارٹی کے مرکزی رہنماء رشید خان ناصر نے بلوچستان حکومت کے ترجمان کے بیان پر ردعمل کا اظہار کرتے ہوئے کہا ہے کہ حکومت جب سے بنی ہے بلوچستان جل رہا ہے۔ ترجمان کا اے این پی کے مرکزی صدر ایمل ولی خان کے خلاف بیان قابل مذمت ہے۔ اپنے جاری بیان میں رشید خان ناصر نے بلوچستان حکومت کے ترجمان کے سینٹر ایمل ولی خان کے خلاف بیان کی شدید مذمت کرتے ہوئے کہا کہ اے این پی ایسی سیاسی جماعت جس کی سو سال سے زیادہ قدیم تاریخ ہے اور جن کے اکابرین اور کارکنوں نے پشتون قومی حقوق اور عام عوام کے آئینی حقوق کے حصول کے لئے شہادتوں، جیلوں، کوڑوں اور جائیدادوں کی ضبطگیوں تک قربانیاں دیں۔ انہوں نے کہا کہ صوبائی حکومت جب سے وجود میں آئی ہے، بلوچستان جل رہا ہے۔ صوبے کے اربوں روپے ترقیاتی کاموں پر خرچ کرنے کے بجائے سکیورٹی پر خرچ کئے جارے ہیں، لیکن اس کے باوجود بدترین بدامنی ہے۔ وزراء، مشیروں اور پارلیمانی سیکرٹریز میں پشتونوں کی تعداد آٹے میں نمک کے برابر ہے۔
80 سے زائد چینی اور غیر ملکی اکیڈمیشنز کی ورلڈ آرٹیفیشل انٹیلی جنس کانفرنس میں شرکت کی تصدیق