گورنر خیبر پختونخوا سے مالاکنڈ ڈویژن کے زمینداروں، کاشتکاروں کے وفد کی ملاقات،ہر فورم پر ساتھ دینے کی یقین دہانی کرائی
اشاعت کی تاریخ: 7th, February 2025 GMT
پشاور (اُردو پوائنٹ اخبارتازہ ترین - اے پی پی۔ 07 فروری2025ء) گورنر خیبر پختونخوا فیصل کریم کنڈی سے مالاکنڈ ڈویژن کے زمینداروں اور کاشتکاروں کے وفد نے گورنر ہائوس میں ملاقات کی ۔ گورنر ہائوس پشاور حکام کی جانب سے جاری بیان کے مطابق وفد میں انجمن کاشتکاران خیبر پختونخوا، کسان بورڈ(پاکستان) خیبر پختونخوا کے عہدیدار، مردان، چارسدہ، صوابی اور مالاکنڈ ڈویژن سے زمیندار و کاشتکار شامل تھے۔
وفد نے صوبائی حکومت کی جانب سے زرعی ٹیکس کے نفاذ پر مشتمل بل پر تحفظات و خدشات کا اظہار کیا اور بل منظور نہ کرنے کا مطالبہ کیا۔ گورنر خیبرپختونخوا نے وفد کو صوبےکے زمینداروں اور کاشتکاروں کےساتھ ہر فورم پر ساتھ دینے کی یقین دہانی کرائی۔ گورنر خیبر پختونخوا نے گورنر ہاؤس میں بہت جلد صوبے کا سب سے بڑا کسان کنونشن منعقد کرنے اور صوبائی سطح پر صوبے کے زمینداروں اور کاشتکاروں کو ایوارڈز دینے کا بھی اعلان کیا۔(جاری ہے)
گورنر نے کہا کہ زرعی ٹیکس کے نفاذ کا بل ایک قانونی معاملہ ہے، بل کو زمینداروں اور کاشتکاروں کے تحفظات وخدشات کے ساتھ سپیکر صوبائی اسمبلی کو واپس بجھواؤں گا۔انہوں نے کہا کہ احتجاج کسی مسئلہ کا حل نہیں، مذاکرات سے معاملات کو نمٹایا جا سکتا ہے،زمینداروں اور کاشتکاروں کو اپنے تحفظات و خدشات سے صوبائی حکومت اور وزیر اعلی کو بھی آگاہ کرنا چاہئے۔انہوں نے کہا کہ کسی بھی صورت صوبے کے غریب زمینداروں اور کاشتکاروں کا استحصال نہیں چاہتے ۔ وفد نے کہا کہ صوبے میں زیادہ تر چھوٹے زمیندار و کاشتکار سبزیوں کی پیداوار سے منسلک ہیں جن کی آمدن پر ٹیکس لگانا ہماری حق تلفی ہے۔.ذریعہ: UrduPoint
کلیدی لفظ: تلاش کیجئے زمینداروں اور کاشتکاروں خیبر پختونخوا کے زمینداروں کاشتکاروں کے گورنر خیبر نے کہا کہ
پڑھیں:
خیبر پی کے کی 13 رکنی کابینہ نے حلف اٹھا لیا، گورنر کی مبارکباد
پشاور (بیورو رپورٹ) گورنر خیبر پی کے فیصل کریم کنڈی نے صوبائی کابینہ کے اراکین سے حلف لیا۔ اس موقع پر وزیرِ اعلیٰ محمد سہیل آفریدی، سپیکر صوبائی اسمبلی بابر سلیم سواتی، ارکانِ قومی و صوبائی اسمبلی، پارٹی قائدین اور دیگر اعلیٰ حکام نے بھی شرکت کی۔ گورنر ہاؤس پشاور میں ہونے والی تقریب میں صوبائی کابینہ کے 10 ارکان نے بحیثیت صوبائی وزراء اپنے عہدے کا حلف اٹھایا۔ بحیثیت صوبائی وزیر حلف لینے والوں میں مینا خان آفریدی، ارشد ایوب خان، امجد علی، آفتاب عالم آفریدی، فضل شکور خان، خلیق الرحمٰن، ریاض خان، سید فخر جہان، عاقب اللہ خان اور فیصل خان شامل تھے۔گورنر خیبر پختونخوا نے صوبائی وزراء کو مبارکباد دی اور ان کے لیے نیک تمناؤں کا اظہار کیا۔ تقریب میں چیف سیکرٹری شہاب علی شاہ، انسپکٹر جنرل پولیس ذوالفقار حمید، انتظامی محکموں کے سربراہان اور سیاسی و سماجی شخصیات بھی موجود تھیں۔واضح رہے کہ گزشتہ روز وزیراعلیٰ کے پی سہیل آفریدی نے 13 رکنی کابینہ تشکیل دی تھی جن میں 10 صوبائی وزرا، دو مشیر اور ایک معاون شامل ہے۔ خیبر پختونخوا کابینہ میں مشیر کی حیثیت سے مزمل اسلم اور تاج محمد ذمہ داریاں انجام دیں گے جبکہ شفیع جان بطور معاون خصوصی وزیراعلیٰ ذمہ داریاں انجام دیں گے۔گورنر خیبر پی کے فیصل کنڈی سے وزیراعلیٰ سہیل آفریدی نے ملاقات کی۔ امن و امان اور عوامی فلاحی منصوبوں پر تبادلہ خیال کیا گیا۔ این ایف سی ایوارڈ میں صوبہ کے حقوق سے متعلق بھی مشاورت ہوئی۔ گورنر نے این ایف سی ایوارڈ میں صوبہ کے حقوق کے لئے کردار ادا کرنے پر اتفاق کیا۔ گورنر نے کہاکہ اپنی عوام کے حقوق کے لئے ہر فورم پر مشترکہ آواز اٹھانے کی ضرورت ہے۔
افغانستان دہشت گردوں کو پاکستان پر حملوں سے نہیں روک سکتا تو کیسا بھائی چارہ، طاہر اشرفی