فخر زمان ہمارے لیے بڑا خطرہ رہے ہیں،ان کی وکٹ ہمارے لئے اہم ہوتی ہے: مچل سینٹنر
اشاعت کی تاریخ: 7th, February 2025 GMT
نیوزی لینڈ کے کپتان مچل سینٹنر کا کہنا ہے کہ فخر زمان ہمارے لیے بڑا خطرہ رہے ہیں، فخر زمان کی وکٹ ہمارے لئے اہم ہوتی ہے، وہ اسپن اور فاسٹ باؤلرز دونوں کو اچھا کھیلتے ہیں۔
پریس کانفرنس کرتے ہوئے نیوزی لینڈ کے کپتان مچل سینٹنر کا کہنا ہے کہ چیمپئنز ٹرافی کی تیاری کیلئے ٹرائی سیریز بہت اہم ہے، سیریز کیلئے اچھی تیاری کے ساتھ آئے ہیں۔
ان کا کہنا تھا کہ ہم پاکستان کے ساتھ بہت زیادہ کرکٹ کھیل رہے ہیں، پاکستان کی باؤلنگ لائن اپ سے ہم آہنگ ہیں کہ وہ کتنا خطرناک ہوسکتے ہیں،
مچل سینٹنر نے کہا کہ قذافی اسٹیڈیم کرکٹ کھیلنے کیلئے ایک بہترین گراؤنڈ ہے، ہماری ٹیم میں سنیئر اور نوجوان کھلاڑیوں کا کمبینیشن ہے، امید ہے کہ اچھی کرکٹ کھیلیں گے ۔
.ذریعہ: Jasarat News
کلیدی لفظ: مچل سینٹنر
پڑھیں:
انسٹا گرام نے ٹک ٹاک کیپ کٹ کے مقابلے میں صارفین کو اچھی خبر سنا دی
جنوری 2025 میں میٹا کی جانب سے ایک نئی ویڈیو ایڈیٹنگ ایپ انسٹا گرام صارفین کے لیے متعارف کرانے کا اعلان کیا گیا تھا۔
ایڈیٹس نامی ایپ کو اب جاکر صارفین کے لیے پیش کر دیا گیا ہے اور اس کا مقصد ٹک ٹاک کی ایڈیٹنگ ایپ کیپ کٹ کو ٹکر دینا ہے۔اس نئی ایپ میں میٹا کی دیگر ایپس کے مقابلے میں زیادہ ایڈوانسڈ ایڈیٹنگ ٹولز صارفین کو دستیاب ہوں گے۔اس کا ان ایپ کیمرا صارفین کو 10 منٹ کی ویڈیو بنانے کا موقع فراہم کرے گا جسے بہترین کوالٹی کے ساتھ انسٹا گرام پر پوسٹ کرنا ممکن ہوگا۔
اس میں مختلف مقبول ایڈیٹنگ ایفیکٹس جیسے گرین اسکرین اور انسٹا گرام کی میوزک کیٹلاگ بھی دستیاب ہوگی۔میٹا کی جانب سے آرٹی فیشل انٹیلی جنس (اے آئی) پر مبنی فیچرز بھی اس نئی ایپ کا حصہ بنائے گئے ہیں۔ان میں سے ایک فیچر animate ہے جو صارفین کو ایک تصویر سے ویڈیو بنانے کی سہولت فراہم کرے گا۔دوسرا کٹ آؤٹس ہے جس کے ذریعے آپ کسی ویڈیو سے مخصوص افراد یا اشیا کو نکال سکیں گے۔
جنوری میں انسٹا گرام کے سربراہ ایڈم موسیری نے تھریڈز پر ایک ویڈیو پوسٹ کرکے بتایا تھا کہ ایڈیٹس متعدد ٹولز پر مشتمل مفت ویڈیو ایڈیٹنگ ایپ ہے۔انہوں نے بتایا کہ اس میں ایک ٹیب انسپائریشن کے لیے مختص ہے جبکہ دوسری ٹیب ابتدائی خیالات کی ٹریکنگ کرتی ہے۔ان کا کہنا تھا کہ ایپ کا معیاری کیمرا اچھی ویڈیوز ریکارڈ کرتا ہے اور وہاں آپ کو تمام ایڈیٹنگ ٹولز بھی دستیاب ہوتے ہیں۔
میٹا کی جانب سے انسٹا گرام سے متعلق چند مخصوص فیچرز بھی اس نئی ایپ کا حصہ بنائے گئے ہیں تاکہ ریلز ویڈیوز بنانے والے اسے لازمی استعمال کریں۔کمپنی کی جانب سے ایک بلاگ پوسٹ میں بتایا گیا کہ ایپ کا موجودہ ورژن ایڈیٹس کے لیے پہلا قدم ہے اور بہت جلد دیگر صارفین سے شراکت داری کرکے مزید فیچرز کو اس کا حصہ بنایا جائے گا۔یہ ایپ ایپل کے ایپ اسٹور اور گوگل پلے اسٹور میں دستیاب ہے۔
افغانستان کے وفد کی وزیر مملکت برائے داخلہ سے ملاقات، افغان مہاجرین کی واپسی پر گفتگو