بھارتی ریاست منی پور کے وزیراعلیٰ این بیرین سنگھ نسلی فسادات کے 2 سال بعد مستعفی
اشاعت کی تاریخ: 9th, February 2025 GMT
بھارتی ریاست منی پور کے وزیراعلیٰ این بیرین سنگھ نے ریاست میں نسلی تشدد کے قریباً 2 سال بعد عہدے سے استعفیٰ دے دیا۔
بھارتی وزیر داخلہ امیت شاہ سے آج ہونے والی ملاقات کے بعد بی جے پی سے تعلق رکھنے والے این بیرین سنگھ نے اپنا استعفیٰ گورنر کو ارسال کیا جسے قبول کرلیا گیا۔
یہ بھی پڑھیں بھارتی ریاست منی پور میں فسادات جاری، ’تاریخ میں کبھی ایسی صورتحال کا سامنا نہیں رہا‘
منی پور میں تشدد کے حوالے سے مسلسل اپوزیشن جماعتیں مرکز کی مودی حکومت اور ریاست کی بی جے پی سرکار کو تنقید کا نشانہ بنارہی تھیں۔
این بیرین سنگھ نے اس سے پہلے 2024 کے آخر میں ریاست میں نسلی تشدد کے بارے میں ریاست کے عوام سے معافی مانگی تھی۔ انہوں نے کہا تھا کہ یہ پورا سال انتہائی خراب رہا۔
این بیرین سنگھ ریاست میں پچھلے ڈیڑھ سال سے منی پور میں جاری تشدد کے باعث دباؤ کا سامنا کررہے تھے۔
این بیرین سنگھ نے ریاستی گورنر اجے کمار بھلا کو پیش کیے گئے اپنے استعفے میں گورنر سے منی پور کی یکجہتی کو برقرار رکھنے اور ریاست کی سیکیورٹی کے لیے مرکزی حکومت سے ضروری اقدامات کی درخواست کی ہے۔
انہوں نے اپنے استعفے میں ریاست کے استحکام اور سیکیورٹی سے متعلق پانچ اہم مطالبات بھی مرکزی حکومت کے سامنے رکھے ہیں۔ انہوں نے کہا کہ منی پور کی تاریخی اور ثقافتی یکجہتی کو برقرار رکھنا ضروری ہے۔
این بیرین سنگھ کے استعفیٰ پر کانگریس کا ردعمل
کانگریس کے رہنما جے رام رمیش نے سوشل میڈیا پر پوسٹ کرتے ہوئے لکھا کہ این بیرین سنگھ نے دیر سے استعفیٰ دیا۔
اُدت راج نے کہاکہ جب درست وقت پر ہم وزیراعلیٰ کو ہٹانے کا مطالبہ کررہے تھے تب نہیں ہٹایا گیا، اب تو دونوں برادریوں کے درمیان ہمیشہ کے لیے دراڑ پیدا ہوگئی ہے۔
یہ بھی پڑھیں منی پور میں 249 گرجا گھر نذر آتش، فسادات کے پیچھے کس کا ہاتھ ؟
منی پور تشدد میں کتنے لوگ مارے گئے؟
مئی 2023 میں منی پور میں نسلی تشدد پھوٹنے کے بعد سے اب تک 250 سے زیادہ افراد ہلاک اور ہزاروں بے گھر ہو چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews استعفی بھارتی ریاست بی جے پی کانگریس مرکزی حکومت منی پور وزیراعلیٰ بیرین سنگھ وی نیوز.ذریعہ: WE News
کلیدی لفظ: استعفی بھارتی ریاست بی جے پی کانگریس مرکزی حکومت منی پور وزیراعلی بیرین سنگھ وی نیوز بیرین سنگھ نے بھارتی ریاست منی پور میں تشدد کے
پڑھیں:
بھارتی ریاست اتراکھنڈ میں تکنیکی خرابی کے باعث نجی ہیلی کاپٹر کی سڑک پر ہنگامی لینڈنگ، ویڈیو وائرل
بھارت کی ریاست اتراکھنڈ میں تکنیکی خرابی کے باعث ہیلی کاپٹر نے سڑک پر ہنگامی لینڈنگ کی جس کے نتیجے میں پائلیٹ زخمی ہوگیا جب کہ لینڈنگ کی ویڈیو سوشل میڈیا پر وائرل ہوگئئی۔
رپورٹ کے مطابق سوشل میڈیا پر وائرل ویڈیو میں ہیلی کاپٹر کو اڑان بھرنے کے بعد ہنگامی لینڈنگ کرتے دیکھا جاسکتا ہے۔
#Breaking #India: Helicopter makes emergency landing on #Kedarnath National Highway in #Uttarakhand.
The helicopter, operated by Crestel Aviation Private Limited, was flying from #Sirsi with passengers when it made a precautionary landing on a road instead of the designated… pic.twitter.com/xdSjpuEwc8
لینڈنگ کے بعد ہیلی کاپٹر ہچکولے کھاتا بھی دیکھا گیا، واقعے میں ہیلی کاپٹر میں سوار تمام 5 مسافر محفوظ رہے البتہ پائلٹ کو معمولی چوٹیں آئیں۔
بھارتی میڈیا کے مطابق اسی روٹ پر گزشتہ 30 دنوں کے دوران ہیلی کاپٹر کو حادثے کا یہ چوتھا واقعہ ہے۔
بنارس کی تاریخی اور مسلم اکثریتی بازار کے انہدام پر کورٹ سے راحت