پاکستان میں پہلا روزہ کب ہوگا؟ محکمہ موسمیات نے پیش گوئی کردی
اشاعت کی تاریخ: 10th, February 2025 GMT
محکمہ موسمیات نے رمضان کے چاند کی پیش گوئی کرتے ہوئے بتایا ہے کہ پاکستان میں پہلا روزہ 2 مارچ کو ہوگا۔
محکمہ موسمیات نے کہا ہے کہ پاکستان میں رمضان کا چاند 28 فروری 29 شعبان کو نظر آنے کا امکان نہیں ہے۔
یہ بھی پڑھیے: کراچی: سردی مزید بڑھنے کا امکان، رمضان میں موسم کیسا رہے گا؟
غروب آفتاب کے وقت چاند کی عمر 13 گھنٹے 12 منٹ کی ہوگی جبکہ نظر آنے کے لیے چاند کی عمر 19 گھنٹے ہونا ضروری ہے۔
محکمہ موسمیات کے بیان کے مطابق چاند کی پیدائش 28 فروری 5 بج کر 45 منٹ پر ہوگی جبکہ 29 شعبان کو مطلع کہیں صاف اور کہیں ابر آلود رہنے کا امکان ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
EID ramzan چاند رمضان عید.ذریعہ: WE News
کلیدی لفظ: چاند محکمہ موسمیات چاند کی
پڑھیں:
شدید گرمی کی لہر جمعرات کے روز بھی برقرار رہنے کا امکان
محکمہ موسمیات کی رپورٹ کے مطابق جمعرات کے روز ملک کے بیشتر علاقوں میں موسم گرم اور خشک جبکہ میدانی علاقوں میں شدید گرم رہنے کا امکان ہے، بعد ازدوپہر میدانی علاقوں میں تیز، گرد آلود ہوائیں چلنے کی توقع ہے۔ اسلام ٹائمز۔ محکمہ موسمیات نے موجودہ شدید گرمی کی لہر جمعرات کے روز بھی برقرار رہنے کا امکان ظاہر کر دیا۔ محکمہ موسمیات کے مطابق ملک کے بالائی علاقوں، وسطی، بالائی پنجاب، اسلام آباد، خیبرپختونخوا، کشمیر، گلگت بلتستان میں دن کا درجہ حرارت معمول سے 5 سے 7 ڈگری سینٹی گریڈ زیادہ رہنے کا امکان ہے۔ رپورٹ کے مطابق جنوبی علاقوں بالائی وسطی سندھ جنوبی پنجاب اور بلوچستان میں درجہ حرارت 4 سے 6 ڈگری سینٹی گریڈ زیادہ رہنے کا امکان ہے۔ محکمہ موسمیات کی جانب سے عوام الناس کو احتیاطی تدابیر اختیار کرنے کا مشورہ دیا گیا ہے کہ وہ صبح 11 سے شام 4 بجے کے دوران براہ راست سورج کی روشنی سے گریز کریں اور پانی کا زیادہ استعمال کریں۔
رپورٹ کے مطابق جمعرات کے روز ملک کے بیشتر علاقوں میں موسم گرم اور خشک جبکہ میدانی علاقوں میں شدید گرم رہنے کا امکان ہے، بعد ازدوپہر میدانی علاقوں میں تیز، گرد آلود ہوائیں چلنے کی توقع ہے۔ شام، رات کے دوران بالائی خیبرپختونخوا، خطہ پوٹھوہار، کشمیر اور گلگت بلتستان میں مطلع جزوی ابر آلود رہنے کے علاوہ چند مقامات پر تیز ہواؤں، آندھی چلنے اور گرج چمک کے ساتھ بارش کا امکان ہے۔
محکمہ موسمیات کے مطابق ملک کے بیشتر علاقوں میں موسم گرم اور خشک جبکہ میدانی علاقوں میں شدید گرم رہا، آج ریکارڈ کئے گئے زیادہ سے زیادہ درجہ حرارت بھکر، جیکب آباد میں 49، سبی، نورپور تھل، سرگودھا، گوجرانوالہ، حافظ آباد میں 48 ڈگری سینٹی گریڈ ریکارڈ گیا۔ اٹک، شیخوپورہ، منڈی بہاؤالدین، جہلم، جوہرآباد، بہاولنگر، قصور، منگلا، سیالکوٹ، لیہ، بنوں اور ڈی آئی خان میں 47 ڈگری سینٹی گریڈ ریکارڈ کیا گیا۔
حافظ آباد میں شوہر کے سامنے بیوی کا گینگ ریپ، ملزمان ویڈیو بنا کر بلیک میل بھی کرتے رہے