میاں نواز شریف کی اراکین پنجاب اسمبلی سے ملاقاتیں، میاں صاحب نے کیا ہدایات جاری کیں؟
اشاعت کی تاریخ: 11th, February 2025 GMT
سابق وزیر اعظم میاں نواز شریف آج کل پنجاب کے مختلف ڈویژن کے اراکین صوبائی اسمبلی سے ملاقاتیں کر رہے ہیں اور اب تک تقریباً 15 کے قریب اضلاع کے ایم پی ایز سے ملاقاتیں کر چکے ہیں۔
میاں نواز شریف ہر ضلع کے ایم پی اے سے مسلم لیگ ن کے ووٹ بنک اور پنجاب حکومت کی طرف سے شروع ہونے والے مختلف پراجیکٹس اور ترقیاتی کاموں کے حوالے سے گفت و شنید کر رہے ہیں۔
وی نیوز سے بات کرتے ہوئے مسلم لیگ ن کے رکن صوبائی اسمبلی چوہدری امجد علی جاوید نے کہا کہ میاں نواز شریف نے بلدیاتی الیکشنز کی تیاریوں کے حوالے سے بھی گفتگو کی ہے اور بتایا ہے کہ جلد پنجاب اسمبلی سے اس بل کو منظور کروا لیا جائے گا اور اس کے بعد الیکشن کی تاریخ کا اعلان بھی ہو جائے گا، میاں صاحب نے ہدایت کی کہ ارکان اپنی اپنی تیاریاں کریں۔
یہ بھی پڑھیے: میڈیا سے دور نواز شریف کی آج کل جاتی امرا میں کیا مصروفیات ہیں؟
میاں امجد علی جاوید نے بتایا کہ میاں نواز شریف چاہتے ہیں کہ پنجاب کے اندر بلدیاتی الیکشن ہونے چاہیے، بلدیاتی نظام ہوگا تو مسلم لیگ ن بہتر انداز میں شہروں اور دیہاتوں میں ترقیاتی کام کر سکے گی۔
امجد علی جاوید نے بتایا کچھ ارکان اسمبلی کے تحفظات تھے کے ناجائز تجاوزات کے خلاف آپریشن پر عوام میں اس بات کا غم و غصہ ہے کہ ہمارے کاروبار تباہ کیے جارہے ہیں، اس پر میاں نواز شریف نے ہدایت جاری کی ناجائز تجاوازت کا معاملہ بڑے شہروں کی حد تک ٹھیک ہے، چھوٹے شہر یا دیہاتوں میں پہلے ماڈل گاؤں تیار کیے جائیں، جہاں ناجائز تجاوازت کے خلاف آپریشن ہو وہاں ترقیاتی کام بھی فوری ہونے چائیں، پہلے دو ماڈل گاؤں تیار کریں اور لوگوں کو دیکھائیں کہ ناجائز تجاوازت کا آپریشن آپ لوگ کے لیے کیے جارہے ہیں، ماحول کو صاف ستھرا رکھنا ہے تو حکومت کو آپریشن کرنا پڑے گا۔
انہوں نے بتایا کہ ارکان اسمبلی نے اس بات کی طرف میاں نواز شریف کی توجہ مبذول کروائی کہ صوبائی حکومت کی پنجاب بھر میں جو سرکاری مارکیٹس یا دوکانیں ہیں حکومت ان کی نیلامی کرنے یا دوبارہ ٹینڈر کرنے کا ارادہ رکھتی ہے جس سے کاروباری حضرات میں ایک تشویش کی لہر دوڑ گئی ہے۔ نئے ٹینڈرنگ میں کرایوں میں دو ہزار فیصد اضافہ کیا جارہا ہے۔ اس مسئلے پر میاں نواز شریف نے رانا ثناء اللہ کی سربراہی میں کمیٹی بنا دی جو ان تمام معاملات کو دیکھے گی۔
یہ بھی پڑھیے: مریم نواز نے مری ڈویلپمنٹ پلان کی منظوری دیدی، شہر کو عوام کے لیے بہترین بنائیں گے، وزیراعلیٰ پنجاب
ضلع بھکر سے ایک رکن اسمبلی نے نام ظاہر نہ کرنے کی شرط پر بتایا کہ میاں نواز شریف کے تمام ڈویژنز کے ارکان سے ملنے کا مقصد مسلم لیگ ن کی مقبولیت کا اندازہ لگانا ہے کہ پنجاب کے مختلف اضلاع میں پارٹی کے بارے میں عوامی رائے کیا ہے، جو ترقیاتی کام ہو رہے اور ناجائز تجاوازت کے خلاف آپریشنز ہو رہے ہیں اس حوالے سے عوام کیا کہہ رہے ہیں؟
ارکان اسمبلی نے میاں نواز شریف سے ملاقات میں حکومت کے کاموں پر اطمینان کا اظہار کیا اور کہا کہ عوام حکومتی اقدامات کو پسند کررہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب حکومت تجاوزات مریم نواز نواز شریف.ذریعہ: WE News
کلیدی لفظ: پنجاب حکومت تجاوزات مریم نواز نواز شریف ناجائز تجاوازت میاں نواز شریف مسلم لیگ ن رہے ہیں
پڑھیں:
اسپیکر پنجاب اسمبلی کا بلدیاتی ایکٹ کو آئینی تحفظ فراہم کرنے کا مطالبہ، 27ویں ترمیم کی حمایت
اسپیکر پنجاب اسمبلی کا بلدیاتی ایکٹ کو آئینی تحفظ فراہم کرنے کا مطالبہ، 27ویں ترمیم کی حمایت WhatsAppFacebookTwitter 0 31 October, 2025 سب نیوز
لاہور (آئی پی ایس )اسپیکرپنجاب اسمبلی ملک محمد احمد خان نے بلدیاتی ایکٹ کو آئینی تحفظ فراہم کرنے کا مطالبہ کرتے ہوئے کہا ہے کہ اگر اس سلسلہ میں 27 ویں آئینی ترمیم بھی منظور کی جاتی ہے تو اس کی حمایت کریں گے۔پنجاب اسمبلی میں میڈیا سے گفتگو کرتے ہوئے اسپیکر پنجاب اسمبلی ملک محمد احمد خان نے کہا کہ پنجاب سے ضلعی حکومت کی مدت کے تحفظ کیلیے منظور کی جانے والی قرارداد نئی آئینی ترمیم کی سفارش کرتی ہے جس کے لیے قومی اسمبلی و سینیٹ کو اپنا بھرپور کردار ادا کرنا چاہیے۔
انہوں نے کہا کہ آئینی تحفظ کے لیے اگر 27 ویں آئینی ترمیم بھی کرنا پڑی تو اس کی حمایت کریں گے۔ اسپیکر ملک محمد احمد خان نے کہا کہ ملک میں گزشتہ 50 سال کے دوران مقامی حکومتوں کا وجود نہیں رہا، توقع کرتے ہیں کہ مسلم لیگ (ن)، پیپلزپارٹی اور پی ٹی آئی سمیت تمام سیاسی جماعتیں اس ترمیم کی حمایت کریں گی۔ ان کا کہنا تھا کہ ضلعی حکومتوں کی عدم موجودگی میں ریاست کا عمرانی معاہدہ کمزور ہوا ہے، ضلعی حکومت کے حوالے سے موثر قانون کی عدم موجودگی کے باعث ماضی میں صوبائی حکومتیں لوکل گورنمنٹس کو توڑتی رہی ہیں۔اسپیکر پنجاب اسمبلی نے مدارس اور علمائے کرام کے حوالے سے حکومت کے کئے جانے والے اقدام کی تعریف کرتے ہوئے کہا کہ ہمیں اپنے اقدامات کے ساتھ ساتھ سعودی عرب، ایران اور دیگر اسلامی ممالک میں علمائے کرام کیلیے بنائے جانے والے ماڈل کو ضرور دیکھنا چاہیے۔
مذہبی جماعت کے خلاف ہونے والے آپریشن کے بارے میں اسپیکر کا کہنا تھا کہ امن و امان بحال رکھنا ریاست کی ذمہ داری ہے جسے ریاست نے ہر صورت پورا کرنا ہے۔واضح رہے کہ الیکشن کمیشن نے منگل 21 اکتوبر کو پنجاب میں طویل عرصے سے التوا کا شکار بلدیاتی انتخابات کے لیے جاری کردہ حلقہ بندی کے شیڈول کو واپس لے لیا تھا، جو 2022 کے مقامی حکومت کے قانون کے تحت جاری کیا گیا تھا۔ الیکشن کمیشن نے صوبائی حکومت کو 4 ہفتوں کی مہلت دی ہے تاکہ وہ رواں ماہ کے آغاز میں نافذ ہونے والے نئے قانون کی روشنی میں حلقہ بندی اور حد بندی کے قواعد کو حتمی شکل دے
۔8 اکتوبر کو ای سی پی نے دسمبر میں بلدیاتی انتخابات کرانے کا حکم دیا تھا اور پنجاب حکومت کو ہدایت کی تھی کہ وہ فورا حلقہ بندی کا عمل شروع کرے اور دو ماہ کے اندر اسے مکمل کرے۔2019 میں اس وقت کی پی ٹی آئی حکومت نے پنجاب میں بلدیاتی ادارے تحلیل کر دیے تھے، جنہیں بعد میں سپریم کورٹ نے بحال کیا، اور ان کی مدت 31 دسمبر 2021 کو مکمل ہوئی تھی۔اس کے مطابق انتخابات اپریل 2022 کے اختتام تک کرائے جانے تھے، آئین کے آرٹیکل 140-اے اور الیکشن ایکٹ کی دفعہ 219(4) کے تحت، الیکشن کمیشن پر لازم ہے کہ وہ بلدیاتی اداروں کی مدت ختم ہونے کے 120 دن کے اندر انتخابات کرائے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپی پی کشمیر کاز کی علمبردار،کبھی حقوق پر سودا نہیں کریں گے،بلاول بھٹو پی پی کشمیر کاز کی علمبردار،کبھی حقوق پر سودا نہیں کریں گے،بلاول بھٹو پاک افغان تعلقات کے حوالے سے نیا فورم دستیاب ہوگا،وزیر اطلاعات گورنر خیبر پختونخوا نے صوبائی وزرا سے حلف لے لیا،10ارکان کابینہ شامل بھارتی پراپیگنڈہ بے بنیاد، اسرائیل کو تسلیم کیا نہ فوجی تعاون زیر غور ہے: پاکستان سوڈان: دارفور ریجن میں خونریز کارروائیاں، رواں ہفتے 1500 شہری ہلاک اسلام آباد ہائیکورٹ: غیر قانونی گیسٹ ہاؤسز اور ہاسٹلز کیخلاف سی ڈی اے کو کارروائی کی اجازتCopyright © 2025, All Rights Reserved
رابطہ کریں ہماری ٹیم
کراچی: گورنر خیبرپختونخوا کے میڈیا ایڈوائزر کی چھینی گئی گاڑی برآمد