گوگل میسجز میں نیا فیچر، واٹس ایپ پر ڈائریکٹ وڈیو کال ممکن ہوگی
اشاعت کی تاریخ: 11th, February 2025 GMT
سان فرانسسکو:گوگل میسجز کے صارفین کے لیے ایک اہم اور جدید فیچر متعارف کرانے کی تیاری جاری ہے، جس کے ذریعے وہ ایپ سے واٹس ایپ پر ڈائریکٹ وڈیو کال کر سکیں گے۔
ابتدائی اطلاعات کے مطابق یہ سہولت خاص طور پر ان صارفین کے لیے کارآمد ثابت ہوگی جو گوگل میسجز کے ساتھ ساتھ واٹس ایپ بھی استعمال کرتے ہیں۔
نیا آپشن کیسے کام کرے گا؟
اینڈرائیڈ اتھارٹی کی ایک رپورٹ کے مطابق گوگل میسجز کے نئے اے پی کے کوڈ میں ایسے شواہد ملے ہیں جو اس فیچر پر جاری کام کی نشاندہی کرتے ہیں۔ اس سلسلے میں دستیاب اطلاعات کے مطابق اگر کسی صارف کا گوگل میسجز اور واٹس ایپ دونوں پر اکاؤنٹ موجود ہے تو چیٹ ونڈو کے اوپر دائیں جانب ایک نیا وڈیو کال آئیکون نظر آئے گا، جس پر کلک کرنے سے صارف کو واٹس ایپ وڈیو کال کا آپشن دیا جائے گا۔
آئیکون پر کلک کرتے ہی براہ راست واٹس ایپ وڈیو کال کا آغاز ہو جائے گا اور اس کے لیے گوگل میسجز سے باہر نکلنے کی ضرورت نہیں ہوگی۔واضح رہے کہ یہ فیچر ابتدائی طور پر صرف ون آن ون چیٹس کے لیے متعارف کرایا جائے گا۔
واٹس ایپ نہ ہونے پر متبادل حل
اس فیچر کو استعمال کرنے کے لیے صارفین کو یہ بھی یاد رکھنا ہوگا کہ اگر صارف کے چیٹ پارٹنر کا واٹس ایپ اکاؤنٹ نہیں ہوگا تو وڈیو کال کا آپشن خود بخود گوگل میٹ پر منتقل ہو جائے گا تاہم گروپ چیٹس میں اس فیچر کی دستیابی کے بارے میں فی الحال کوئی تفصیلات سامنے نہیں آئیں۔
تاحال یہ واضح نہیں کیا گیا یہ نیا فیچر کب تک عام صارفین کے لیے دستیاب ہوگا۔ گوگل اس پر کام کر رہا ہے مگر حتمی ریلیز کے لیے چند ہفتے یا مہینے لگ سکتے ہیں۔ ماہرین کے مطابق اس اپ ڈیٹ کے بعد گوگل میسجز اور واٹس ایپ کے درمیان رابطہ مزید بہتر ہو جائے گا جو صارفین کو زیادہ سہولت فراہم کرے گا۔
.ذریعہ: Jasarat News
کلیدی لفظ: گوگل میسجز واٹس ایپ کے مطابق جائے گا کے لیے
پڑھیں:
قرآن و سنت کی تعلیمات کے بغیر کسی اسلامی معاشرہ کی بقا اور اس کے قیام کا تصور ممکن نہیں، پیر مظہر
وزیر اطلاعات آزاد کشمیر کا کہنا تھا کہ استاد علم سکھانے کے ساتھ ساتھ شاگرد کی کردار سازی میں بھی اہم کردار ادا کرتا ہے، استاد اور شاگرد کے رشتے کی اہمیت کو قرآن و حدیث میں بھی اجاگر کیا گیا ہے۔ اسلام ٹائمز۔ وزیر اطلاعات آزاد جموں و کشمیر پیر محمد مظہر سعید شاہ نے کہا ہے کہ قرآن و سنت کی تعلیمات کے بغیر کسی اسلامی معاشرہ کی بقا اور اس کے قیام کا تصور ممکن نہیں، سیکھنے سکھانے کے عمل کا آغاز پہلی وحی ’’اِقْرَاْ بِاسْمِ رَبِّكَ الَّذِىْ خَلَقَ‘‘ سے شروع ہو کر مکہ مکرمہ میں دار ارقم اور مدینہ منورہ میں مدرسہ صفہ تک جا پہنچا، جہاں معلم انسانیت ﷺ نے صحابہ کرام کی ایک ایسی جماعت تیار کی جس نے دنیا پر اسلام کے پرچم کو لہرایا۔حضور پاک ﷺ معلم انسانیت ہیں اور آپﷺ نے اپنی زندگی علم سیکھانے میں وقف فرما رکھی تھی۔ ان خیالات کا اظہار سرپرست اعلیٰ جامعۃ الحسنین و وزیر اطلاعات آزاد جموں و کشمیر پیر مظہر سعید شاہ نے جامعۃ الحسنین کے دورہ کے دوران اساتذہ اور طلبہ سے ملاقات کے دوران گفتگو کرتے ہوئے کیا۔ انہوں نے جامعۃ الحسنین کے تمام اساتذہ کرام سے ملاقات کی اور جامعۃ الحسنین کے نگران اعلی مولانا اعجاز محمود اور دیگر اساتذہ کرام سے تفصیلی بریفنگ لی۔
پیر محمد مظہر سعید شاہ نے کہا کہ استاد علم سکھانے کے ساتھ ساتھ شاگرد کی کردار سازی میں بھی اہم کردار ادا کرتا ہے، استاد اور شاگرد کے رشتے کی اہمیت کو قرآن و حدیث میں بھی اجاگر کیا گیا ہے۔ اسلام میں استاد کو روحانی باپ کا درجہ دیا گیا ہے اور شاگردوں کو ادب اور احترام سے پیش آنے کی تلقین کی گئی ہے۔ انہوں نے کہا کہ علم کی اہمیت و فضیلت کو جاننے کیلئے سرکار دو عالم ﷺ کی احادیث مبارکہ بہت سی موجود ہیں۔ انہوں نے کہا کہ اسلام چاہتا ہے کہ دنیا میں بسنے والا ہر انسان تعلیم کے ذریعے صحیح معنوں میں اشرف المخلوقات کے درجے پر پہنچ جائے۔ وہ کتاب اللہ اور سنت نبوی ﷺکو حقیقی علم قرار دیتے ہوئے اسے انسانیت کی فلاح کا ضامن قرار دیتا ہے۔ اسلام کی تعلیمات کہتی ہیں کہ قرآن حقیقی علم ہے جب کہ دوسرے علوم معلومات کے درجے میں ہیں اور ان معلومات کو اپنی اپنی استعداد کے مطابق حاصل کرو۔ اللہ ہمیں علوم حاصل کرنے کی توفیق عطا فرمائے۔
پاکستان اسٹاک ایکسچینج میں تیزی، 100 انڈیکس ریکارڈ سطح پر، ڈالر سستا ہوگیا