سعودی عرب میں جاری ٹیکنالوجی کی سب سے بڑی نمائش میں 100 سے زائد پاکستانی آئی ٹی کمپنیوں کی شرکت
اشاعت کی تاریخ: 11th, February 2025 GMT
کراچی: پاکستانی آئی ٹی کمپنیاں جارحانہ انداز میں نئی اور ابھرتی ہوئی ٹیک مارکیٹس خاص طور پرسعودی عرب میں اپنا کا م بڑھا رہی ہے اور اس مقصدکے حصول کے لئے100 سے زائد آئی ٹی ادارے ریاض میں منعقد ہونے والے LEAP 2025 میں شرکت کی۔
ایکسپریس نیوز کے مطابق پاکستان سے 1,000 سے زائد مندوبین کانفرنس میں شرکت کر رہے ہیں جن میں تاجر، سرکاری اہلکار، سرمایہ کار، برآمد کنندگان اور مقررین شامل ہیں جو کہ کمپنیوں اور مدوبین دونوں کے لحاظ سے LEAP میں پاکستان کی اب تک کی سب سے زیادہ شرکت ہے۔
پاکستانی آئی ٹی کمپنیاں LEAP 2025 میں اپنی اور خدمات کی نمائش کر رہی ہیں اور اسٹریٹجک نیٹ ورکنگ میں مشغول ہیں تاکہ مملکت میں مشترکہ منصوبوں اور سرمایہ کاری کے مواقع مل سکے۔
آئی ٹی اور ٹیلی کمیونیکیشن کی وزیر مملکت شزہ فاطمہ نے LEAP 2025 میں پاکستان پویلین کا افتتاح کیا۔
LEAP ایک سالانہ ٹیکنالوجی ایونٹ ہے جو ریاض، سعودی عرب میں منعقد ہوتا ہے، جس میں صنعت کے رہنماؤں اور سرمایہ کاروں کو ٹیکنالوجی اور ڈیجیٹل تبدیلی کے مستقبل کی تشکیل کے لیے اکٹھا کیا جاتا ہے۔
پاکستان سافٹ ویئر ہاؤسز ایسوسی ایشن برائے آئی ٹی اینڈ آئی ٹی ای ایس (P@SHA) کے سینئر وائس چیئرمین محمد عمیر نظام نے کہا کہ پاکستانی آئی ٹی کمپنیاں LEAP 2025 میں مختلف شعبوں سے متعدد غیر ملکی فرموں کو راغب کر رہی ہیں۔
انہوں نے مزید کہا کہ پاکستانی آئی ٹی کمپنیوں نے گزشتہ مالی سال کے دوران آئی ٹی کی برآمدات میں 100 فیصد اضافہ دیکھا اور اس سال ایک اور ریکارڈ حاصل کرنے کے لیے تیار ہیں جو کہ سرکاری اور نجی دونوں سطحوں پر نئے کاروباری سودوں کے ذریعے کارفرما ہے۔
انہوں نے مزید بتایا کہ اسپیشل انویسٹمنٹ فیسیلیٹیشن کونسل (SIFC)، وزارت آئی ٹی، پاکستان سافٹ ویئر ایکسپورٹ بورڈ (PSEB) اور P@SHA کی مشترکہ کوششوں نے IT کمپنیوں کے لیے KSA مارکیٹ اور GCC کے پورے خطے میں آپریشنز کو وسعت دینے کے لیے سازگار ماحول پیدا کیا ہے۔
.ذریعہ: Express News
کلیدی لفظ: پاکستانی آئی ٹی کے لیے
پڑھیں:
پاک فوج کی کوششوں سے گوادر میں جدید ٹیکنالوجی انسٹیٹیوٹ قائم
پاک فوج کی کاوشوں سے گوادر کے نوجوانوں کے لیے عالمی معیار کا ایک بے مثال تعلیمی ادارہ گوادر انسٹیٹیوٹ آف ٹیکنالوجی خطے میں ترقی، تعلیم اور ہنرمندی کی علامت بن چکا ہے۔ یہ ادارہ 2005 سے گوادر اور مکران ڈویژن کے نوجوانوں کو جدید فنی تعلیم اور پیشہ ورانہ تربیت فراہم کر رہا ہے، تاکہ وہ قومی و بین الاقوامی سطح پر اپنے ہنر کا لوہا منوا سکیں۔ کمانڈر گوادر ڈویژن نے انسٹیٹیوٹ کے ہونہار طلبہ و طالبات کے ساتھ خصوصی نشست کی، جس میں انہوں نے نوجوانوں کے عزم اور قابلیت کو سراہا۔ اس موقع پر کمانڈر گوادر ڈویژن نے کہا کہ یہاں کے طلبہ بین الاقوامی معیار کی تکنیکی تعلیم حاصل کر رہے ہیں اور یہی نوجوان پاکستان کے تابناک مستقبل کے معمار ہیں۔ انہوں نے مزید کہا کہ نوجوانوں کا کردار وطن کی تعمیر و ترقی میں مرکزی حیثیت رکھتا ہے۔ تعلیم کے ساتھ دیانتداری اور خلوصِ نیت کے ساتھ محنت ہی مضبوط پاکستان کی ضمانت ہیں۔ کمانڈر گوادر ڈویژن نے طلبہ کو نصیحت کی کہ اپنی صلاحیتیں علم و تحقیق کے فروغ میں صرف کریں، کیونکہ پاکستان کا مستقبل اُن باصلاحیت نوجوانوں سے جڑا ہے جو اپنی کامیابی کے ساتھ وطن کی ترقی کا عزم رکھتے ہیں۔ ان کا کہنا تھا کہ گوادر انسٹیٹیوٹ آف ٹیکنالوجی پاک فوج کے اُس عزم و وژن کا مظہر ہے جو بلوچستان کے نوجوانوں کو تعلیم، روزگار اور خود انحصاری کے مواقع فراہم کرنے کے لیے ہمہ وقت سرگرم ہے۔
آئی بی ایم طلبا کے احتجاج پر بےدخل طالبہ بحال، یونیورسٹی تاحال بند