پالیسی ریٹ بارہ فیصد پر آگیا، اڑان پاکستان قومی اقتصادی تبدیلیوں کا منصوبہ ہے، وزیراعظم
اشاعت کی تاریخ: 11th, February 2025 GMT
اسلام آباد(نیوز ڈیسک)وزیراعظم شہبازشریف کا کہنا ہے کہ پالیسی ریٹ بارہ فیصد پر آگیا ۔۔ اڑان پاکستان قومی اقتصادی تبدیلیوں کا منصوبہ ہے، دبئی میں ورلڈ گورٹمنٹس سمٹ سے خطاب میں انھوں نے کہا کہ آزاد فلسطینی ریاست کا قیام ضروری ہے، پائیدار امن صرف دو ریاستی حل سے ممکن ہے۔
دبئی میں وزیراعظم شہبازشریف نے ورلڈ گورنمنٹس سمٹ سےخطاب کرتے ہوئے کہا کہ سمٹ کے کامیاب انعقاد پر شیخ محمد بن زید النہیان کی قیادت کی تعریف کرتا ہوں، سمٹ انسانیت کے بہترمستقبل کا مؤثرفورم ہے۔ سمٹ کے انقعاد پر یواے ای کی قیادت کومبارکباد پیش کرتاہوں۔
وزیراعظم شہبازشریف نے کہا کہ اجلاس ایسے وقت میں ہورہا ہے جب غزہ المناک تنازع کے تباہ کن اثرات سے نکلنے کی کوشش کررہا ہے۔ 1967سے پہلے کی سرحدوں پرمشتمل آزاد فلسطینی ریاست کا قیام ضروری ہے۔ فلسطین میں 50 ہزارسےزائد معصوم جانیں ضائع ہوچکی ہیں، آزادفلسطینی ریاست کادارالحکومت القدس الشریف ہو۔
وزیراعظم نے خطاب میں کہا کہ پائیداراورمنصفانہ امن صرف دوریاستی حل کےذریعےممکن ہے، مسئلہ فلسطین کاحل اقوام متحدہ کی قراردادوں کےمطابق ممکن ہے، توقع ہے خطے میں پائیدارامن قائم ہوگا، گزشتہ7دہائیوں میں پاکستانی قوم کو بے شمار چیلنجز کا سامنا رہا۔
انھوں نے کہا کہ اڑان پاکستان قومی اقتصادی تبدیلی کامنصوبہ ہے، افراط زرکی شرح کم ہوکر2.
وزیراعظم شہبازشریف نے کہا کہ چیلنجزکے باوجودمعاشی استحکام لانےمیں کامیاب ہوئے، جوہری، ہوا، پانی اور شمسی توانائی کے منصوبوں کوفروغ دے رہے ہیں، پن بجلی منصوبوں سےمزید 13ہزارمیگاواٹ بجلی پیداکرنےکی گنجائش میں اضافہ کریں گے۔
انھوں نے اپنے خطاب میں مزید کہا کہ پاکستان کے جنوبی علاقے50ہزارمیگاواٹ بجلی ہوا سے پیدا کرنے کی صلاحیت رکھتے ہیں، 2030 تک توانائی کا 60 فیصدگرین انرجی، 30 فیصدالیکٹرک گاڑیوں پرمنتقل کرنےکاعزم ہے۔
وزیراعظم شہبازشریف کا کہنا تھا کہ پاکستان کی ہنرمندافرادی قوت، اسٹریٹجک محل وقوع سرمایہ کاری کے لیے بہترین ہے، ملک میں کاروبارمیں آسانیاں پیدا کرنے کے لیے اقدامات کر رہے ہیں، پاکستان کی آبادی کا 70 فیصد نوجوانوں پرمشتمل ہے۔
وزیراعظم ورلڈ گورنمنٹس سمٹ 2025 میں شرکت کیلئےمتحدہ عرب امارات کا دورہ کررہے ہیں۔ سربراہی اجلاس ’شیپنگ فیوچر گورنمنٹس‘ آج سے دبئی میں شروع ہے۔
صدریواے ای شیخ محمد بن زید النہیان کی وزیراعظم شہبازشریف سے ملاقات
متحدہ عرب امارات میں وزیراعظم شہبازشریف اور صدریواے ای سے ملاقات ہوئی، صدریواے ای شیخ محمد بن زید النہیان نے وزیراعظم شہبازشریف کا استقبال کیا۔ ملاقات میں آرمی چیف جنرل عاصم منیربھی شریک تھے۔
ملاقات میں وزیراعظم شہبازشریف اورصدریواے ای کے درمیان تعاون کے مزید فروغ پرتبادلہ خیال کیا گیا، باہمی مفادات کی تکمیل کے لائحہ عمل و تعلقات کی مضبوطی پربھی گفتگو ہوئی۔
پائیدار اقتصادی ترقی اور خوشحالی کے لیے دونوں ممالک کے ویژن سے ہم آہنگ ہیں، دونوں ممالک کے مابین موجود اشتراک و تعاون پر بھی گفتگو ہوئی۔
مزیدپڑھیں:ملک پر حملوں کی تعلیم دینے والے آپ کے دوست نہیں ہوسکتے، مریم نواز
ذریعہ: Daily Ausaf
کلیدی لفظ: وزیراعظم شہبازشریف نے کہا کہ
پڑھیں:
بھارتی قومی اسمبلی (لوک سبھا) کے 93 فیصد ارکان کروڑ و ارب پتی بن گئے، عوام بدحال؛ رپورٹ
بھارت کے تحقیقی ادارے ایسوسی ایشن فار ڈیموکریٹک ریفارمز کی تازہ رپورٹ میں انکشاف ہوا ہے کہ بھارتی قومی اسمبلی (لوک سبھا) میں بیٹھے 93فیصد ارکان کروڑ پتی یا ارب پتی بن چکے ہیں۔
سب سے زیادہ ایسے ارکان حکمران جماعت بی جے پی سے تعلق رکھتے ہیں جن کی تعداد کل ارکان 240میں سے235 ہے۔ صرف 5 ارکان کے اثاثے 1 کروڑ روپے سے کم ہیں۔
یاد رہے نریندر مودی کی زیر قیادت 2014ء میں بی جے پی نے یہ نعرہ لگا کر الیکشن جیتا تھا کہ وہ بھارت سے ایلیٹ کلچر کا خاتمہ کرکے عوام کی حکومت لائے گی مگر صرف 10سال میں الٹی گنگا بہنے لگی اور بی جے پی امیر ترین بھارتی سیاسی جماعت بن چکی ہے۔
عام بھارتی بدحال لیکن مودی کی تان پاکستان دشمنی پر ٹوٹتی ہے، رپورٹ میں کہا گیا کہ بھارت میں اب جمہوریت الیکشن لڑنے والوں کے لیے کمائی کا ذریعہ بن چکی ہے۔
لہٰذا حکومتی نظام کو اصلاحات نہیں بلکہ اس کی ضرورت کہ اسے کرپٹ امرا کے چنگل سے آزاد کرایا جائے تاکہ عام آدمی غربت، بیروزگاری اور مہنگائی سے نجات پا سکے۔
اسلام آباد کی طرف کسی نے میلی آنکھ سے دیکھا تو آنکھیں نکال دیں گے،خواجہ آصف