بنیادی سہولیات سے محروم کراچی کا پسماندہ علاقہ جو گولڈ میڈلسٹس پیدا کر رہا ہے
اشاعت کی تاریخ: 12th, February 2025 GMT
بلدیہ ٹاؤن کراچی میں پانی بجلی اور گیس جیسی بنیادی ضروریات تک کا فقدان ہے لیکن گزشتہ چند برسوں میں اس علاقے نے باکسنگ کی دنیا میں اپنا ایک منفرد مقام حاصل کر لیا ہے۔
ہوٹل پر پراٹھے بنانے والے نوجوان آغا کلیم نے اس علاقے میں باکسنگ کے کھیل کو گلی محلے تک پہنچانے کے بعد عالمی سطح پر نہ صرف پاکستان کا جھنڈا بلند کیا بلکہ لاتعداد میڈلز بھی اپنے نام کیے۔
آغا کلیم کی بین الاقوامی سطح پر کامیابیوں کا بلدیہ ٹاؤن پر اثر براہ راست ہوا جہاں ان کی دیکھا دیکھی نوجوان باکسنگ کے کھیل طرف راغب ہوئے۔
یہ بھی پڑھیں: ویڈیوز سے سیکھ کر عالمی باکسنگ مقابلے جیتنے والے انجینیئر ریحان اظہر
علاقے میں آغا کلیم نے باکسنگ کلب کا آغاز کیا جہاں زیادہ تعداد ان کھلاڑیوں کی ہے جو فیس نہیں دے سکتے لیکن کھیل سیکھنا چاہتے ہیں اور سیکھ بھی رہے ہیں۔
اس باکسنگ کلب نے نہ صرف لڑکوں بلکہ لڑکیوں کے لیے بھی یکساں مواقع پیدا کیے اور یہی وجہ ہے کہ اس پسماندہ علاقے سے تعلق رکھنے والی سرکاری اسکول کی 10 ویں جماعت کی طالبہ رابعہ نے آذربائیجان میں ہونے والے مقابلوں میں گولڈ میڈل جیت کر ملک کا نام روشن کیا ہے۔
رابعہ کا کہنا ہے کہ انہیں باکسنگ کا بیحد شوق تھا جس کو پورا کرنے کے لیے اس کلب اور ہمدرد لوگوں نے اپنا کردار ادا کیا۔
مزید پڑھیے: عامر خان کو اسلام آباد میں باکسنگ اکیڈمی دوبارہ کھولنے کی اجازت مل گئی
ان کا کہنا تھا کہ یہ ایک پسماندہ علاقہ ہے اور یہاں سے نوجوان اٹھ کر بین الاقوامی سطح پر ملک کی نمائندگی کرتے ہیں لیکن یہاں ایک تو بنیادی سہولیات کا فقدان ہے اور دوسرے کھیل کی جانب بھی کسی کی توجہ نہیں ہے۔
رابعہ نے کہا کہ اگر ہمیں حکومتی سطح پر پذیرائی ملنی شروع ہوجائے تو یہاں ہر گھر میں ٹیلنٹ موجود ہے جو ہر سطح پر ملک کا نام روشن کرنے کی صلاحیت رکھتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
باکسر آغا کلیم باکسنگ گولڈ میڈل بلدیہ ٹاؤن اور باکسنگ کا جنون بلدیہ ٹاؤن کراچی رابعہ باکسر.ذریعہ: WE News
کلیدی لفظ: باکسر ا غا کلیم بلدیہ ٹاؤن کراچی رابعہ باکسر بلدیہ ٹاؤن
پڑھیں:
کراچی: رکشہ اور سوزوکی سمیت چھینے گئے قربانی کے جانور برآمد، 3 ملزمان گرفتار
کراچی:عزیز آباد تھانے کی پولیس ٹیم رکشے سمیت چھیننے والے دنبے اور جوہر آباد سے سوزوکی کے ساتھ قربانی کی چھینی گئی 2 گائے برآمد کر کے 3 ملزمان کو گرفتار کرلیا۔
ایکسپریس نیوز کے مطابق عائشہ منزل کے قریب سے چھینے گئے دبنے کے مالک کی ویڈیو بھی وائرل ہوئی تھی اور مذکورہ واقعات کے بعد ایس ایس پی سینٹرل نے پولیس ٹیم تشکیل دی، جس نے کامیاب کارروائی کی۔
ایس ایچ او عزیز آباد عامراعظم نے بتایا کہ انہوں نے پولیس ٹیم کے ہمراہ سخت جدوجہد کے بعد قربانی کے جانور چھیننے والے گینگ کا سراغ لگا کر 3 کارندوں کو گرفتار کیا اور گزشتہ روز سوزوکی سمیت چھینی گئیں 2 قربانی کی گائے اور چند روز قبل عائشہ منزل سے لوڈر رکشے سمیت چھینے جانے والے 4 دنبوں میں سے 2 دنبے برآمد کرلیے ہیں۔
انہوں نے بتایا کہ واردات کے بعد چھینا گیا لوڈر رکشا موسیٰ کالونی کے قریب سے لاوارث حالت میں مل گیا تھا۔
ایس ایچ او عزیز آباد نے بتایا کہ پولیس ٹیم گینگ میں شامل دیگر کارندوں کی گرفتاری کے لیے چھاپے مار رہی ہے جنہیں جلد گرفتار کرلیا جائے گا۔
خیبر پختونخوا میں بارشیں، تیز آندھی سے اب تک 10 افراد جاں بحق