امریکا مصنوعی ذہانت میں بھی قیادت کا خواہاں ہے، جے ڈی وینس
اشاعت کی تاریخ: 12th, February 2025 GMT
امریکا کے نائب صدر جے ڈی وینس نے کہا ہے کہ دنیا بھر میں مصنوعی ذہانت کا غلغلہ ہے۔ امریکا اس شعبے میں بھی اپنی قائدانہ حیثیت برقرار رکھنا چاہتا ہے۔ مصنوعی ذہانت دنیا کو بہت تیزی سے بدل رہی ہے۔ اگر اس حوالے سے خود کو تیار نہ کیا گیا تو پس ماندگی مقدر بنے گی۔
فرانس میں مصنوعی ذہانت کے وسعت پذیر افق اور کردار کے حوالے منعقدہ کانفرنس میں جے ڈی وینس نے کہا کہ مصنوعی ذہانت سے خوفزدہ ہونے کی ضرورت نہیں۔ انسان کا نعم البدل کچھ بھی نہیں۔ مصنوعی ذہانت ملازمتیں کھائے گی نہیں بلکہ لوگوں کو نئی ملازمتوں کی چوکھٹ تک لے جائے گی۔
جے ڈی وینس نے کہا کہ مصنوعی ذہانت کی مدد سے لوگ اپنے ذہن کو وسعت دے سکتے ہیں، قابلیت کا گراف بلند کرسکتے ہیں۔ کوئی بھی ٹیکنالوجی دراصل انسان میں ویلیو ایڈیشن کے لیے ہوتی ہے۔ مصنوعی ذہانت بھی انسانوں کو زیادہ صلاحیت و سکت کا حامل بنانے میں کلیدی کردار ادا کرے گی۔
امریکی نائب صدر نے کہا کہ جب بھی کوئی نئی اور انقلابی نوعیت کی ٹیکنالوجی مارکیٹ میں آتی ہے تب لوگ گھبرا جاتے ہیں۔ مصنوعی ذہانت کے معاملے میں بھی ایسا ہی ہوا ہے۔ ابھی لوگ ڈرے ہوئے ہیں۔ جب اِس سے اچھی طرح ہم آہنگ ہوجائیں گے تب لوگ دیکھیں گے کہ یہ تو اُن کی قابلیت کا گراف بلند کر رہی ہے۔ اور وہ وقت زیادہ دور نہیں۔ کاروباری ادارے کسی بھی نئی ٹیکنالوجی سے فوری طور پر کچھ فائدہ اٹھاتے ہیں اور ایسی فضا تیار کرتے ہیں جس میں لوگ خوف کھانے لگتے ہیں۔ نئی ٹیکنالوجی سے ڈرنے کے بجائے اُن کی مدد سے اپنی صلاحیت و سکت کا دائرہ وسیع تر کرنے کی ضرورت ہے۔ دنیا بھر میں مسابقت بڑھ رہی ہے اور مصنوعی ذہانت کے معاملے میں بھی ایسا ہی ہو رہا ہے۔
پیرس میں منعقدہ اے آئی ایکشن سَمِٹ میں خطاب کے دوران امریکی نائب صدر نے مزید کہا کہ ابھی لوگوں کی بھرپور ذہنی تربیت نہیں ہوئی ہے۔ کچھ وقت گزرنے پر وہ محسوس کریں گے کہ دوسری بہت سی ٹیکنالوجیز کی طرح مصنوعی ذہانت بھی انسانوں کو نقصان کم اور فائدہ زیادہ پہنچارہی ہے۔
.ذریعہ: Jasarat News
کلیدی لفظ: مصنوعی ذہانت جے ڈی وینس میں بھی کہا کہ نے کہا
پڑھیں:
قطر میں اسرائیلی حملہ امریکا کی مرضی سے ہوا: وزیرِ دفاع خواجہ آصف
وزیرِ دفاع خواجہ آصف کا کہنا ہے کہ قطر میں اسرائیلی حملہ امریکا کی مرضی سے ہوا، مسلم ممالک کو نیٹو کے طرز پر اتحاد بنانا چاہیے، مجھے مسلم ممالک کے اجلاس میں مایوسی نہیں ہوئی۔
جیو نیوز کے پروگرام ’آج شاہزیب خانزادہ کے ساتھ‘ میں گفتگو کرتے ہوئے انہوں نے کہا کہ معرکۂ حق میں تو ہم نے ثابت کر دیا کہ بے تیغ بھی لڑتا ہے سپاہی۔
قطر پر اسرائیلی حملہ: نیتن یاہو نے ٹرمپ کو پہلے سے آگاہ کیا یا نہیں؟ تضاد سامنے آ گیااسرائیلی وزیرِ اعظم بنیامین نیتن یاہو اور امریکی صدر ڈونلڈ ٹرمپ کے بیانات میں تضاد سامنے آ گیا ہے کہ آیا قطر پر حالیہ اسرائیلی حملے سے متعلق واشنگٹن کو پیشگی اطلاع دی گئی تھی یا نہیں۔
خواجہ آصف نے کہا کہ اسامہ بن لادن امریکی پروڈکٹ تھا، اسے سوڈان سے سی آئی اے کے ڈائریکٹر لائے تھے۔
انہوں نے کہا کہ حماس کی قیادت امریکا کی مرضی سے قطر میں بیٹھی تھی، غلط فہمی نہیں ہونی چاہیے یہ سب کچھ امریکا کی مرضی کے ساتھ ہوا ہے، مسلم دنیا کو سمجھنا چاہیے اور اپنے دوست نما دشمن میں تفریق کر لیں، بڑا واقعہ ہے کچھ وقت لگے گا لیکن کچھ نہ کچھ ہو گا۔
وزیرِ دفاع خواجہ آصف نے کہا کہ شام میں امریکا کی مرضی سے حکومت آئی ہے، اسرائیل اس پر بھی حملے سے باز نہیں آ رہا، امریکا اور مغرب میں جو رائے عامہ بن رہی ہے یہ اسرائیل کے لیے زیادہ خطرناک ہے، امریکا اور باقی دنیا میں رائے عامہ اسرائیل کے خلاف ہو رہی ہے۔
مالی مفاد حب الوطنی پر غالب: بھارت ایشیا کپ میں پاکستان سے کھیلنے پر آمادہ