رمضان المبارک سے قبل منافع خور مافیا سرگرم ہوگئی
اشاعت کی تاریخ: 14th, February 2025 GMT
کراقچی (کامرس رپورٹر) تاجر رہنما اوراسلام آباد چیمبر کے سابق صدر شاہد رشید بٹ نے کہا ہے کہ رمضان المبارک جیسے جیسے قریب آرہا ہے منافع خور مافیا کی سرگرمیاں بڑھتی جا رہی ہیں۔چینی کی قیمت میں بلاجواز اضافے کے ساتھ دوسری اشیائے خورد و نوش بھی مہنگی ہو رہی ہیں۔ بناسپتی گھی ان اشیاء میں سرفہرست ہے عالمی منڈی میں پام آئل کی قیمتوں میں کمی کے باوجود پاکستان میں گھی مہنگا کیاجا رہا ہے مگر ناجائز منافع خوری کی روک تھام کیلئے کچھ نہیں کیا جا رہا ہے گھی مافیا کے خلاف فوری کریک ڈاون کیا جائے۔ شاہد رشید بٹ نے کہا کہ ملک میں لاکھوں ایکڑ پر محیط ساحلی علاقے پام آئل کی شجرکاری کیلئے نہایت موزوں ہیں مگرمفاد پرست امپورٹر مافیا اس میں رکاوٹ ہے جس کی وجہ سے سالانہ چار سے پانچ ارب ڈالر کا تیل درامد کرنا پڑتا ہے۔ انھوں نے کہا کہ حکومت کی جانب سے سال رواں میں تجارتی تنظیموں کے انتخابات کروانے کا فیصلہ درست ہے جس کی بھرپور حمایت کرتے ہیں۔ ایک مخصوص ٹولہ اپنے مفادات کے لئے اسکی مخالفت کر رہا ہے کیونکہ اسے اپنے کارناموں کی وجہ سے اپنی شکست نظر آ رہی ہے۔حکومتی فیصلہ مجموعی کاروباری ماحول کو بہتر بنانیمیں مددگار ثابت ہو گا۔ شاہد رشید بٹ نے مزید کہا کہ آئی ایم ایف کی جانب سے سرکاری افسران کے اثاثہ جات ظاہر کرنے کی شرط درست ہے جس سے کرپشن روکنے اور گورننس بہتر بنانے میں مدد ملے گی۔اس سلسلہ میں سول سرونٹس ایکٹ میں فوری طور پرترمیم کی جائے اور افسران کے اثاثے پبلک کیے جائیں۔آئی ایم ایف چاہتا ہے کہ افسران کے اثاثے، ان کے بچوں کے تعلیمی ادارے ، گھر کی آمدن کے ذرائع، بیگمات کے اثاثے اورپاور آف اٹارنی تک کی معلومات دی جائیں۔اس سلسلہ میں تاخیر کرنے سے آئی ایم ایف پروگرام خطرات سے دوچار ہو سکتا ہے۔
.ذریعہ: Jasarat News
کلیدی لفظ: رہا ہے
پڑھیں:
چینی گاڑیوں پر جاسوسی کا شبہ، اسرائیلی فوج نے افسران سے گاڑیاں واپس لے لیں
تل ابیب(نیوز ڈیسک) اسرائیلی فوج (آئی ڈی ایف) نے اپنے افسران کے زیرِ استعمال چینی ساختہ گاڑیاں واپس لینے کا عمل شروع کر دیا ہے۔ یہ فیصلہ جاسوسی کے خدشات اور حساس معلومات کے لیک ہونے کے خطرے کے پیشِ نظر کیا گیا ہے۔
اسرائیلی میڈیا کے مطابق یہ اقدام چیف آف اسٹاف کے براہِ راست حکم پر کیا جا رہا ہے۔ سکیورٹی اداروں کی ایک رپورٹ میں انکشاف کیا گیا تھا کہ چینی گاڑیوں کے آن بورڈ سسٹمز کے ذریعے حساس ڈیٹا ممکنہ طور پر بیرونی سرورز کو منتقل ہوسکتا ہے۔
رپورٹ کے مطابق، پہلے مرحلے میں وہ افسران نشانہ ہیں جو حساس سکیورٹی عہدوں پر فائز ہیں یا جنہیں خفیہ معلومات تک براہِ راست رسائی حاصل ہے۔ 2026 کی پہلی سہ ماہی تک تمام افسران سے چینی گاڑیاں واپس لے لی جائیں گی۔
ذرائع کا کہنا ہے کہ بعض چینی گاڑیوں میں کیمرے، مائیکروفونز، سینسرز اور وائرلیس کنکشن ٹیکنالوجی موجود ہوتی ہے، جو صارف یا درآمد کنندہ کے علم کے بغیر ڈیٹا بیرونی نیٹ ورکس کو بھیج سکتی ہے۔
ایک سابق اسرائیلی فوجی افسر نے بتایا کہ خطرہ صرف گاڑیوں کے کیمروں یا مائیکروفونز تک محدود نہیں بلکہ ہر ’اسمارٹ‘ کار ایک متحرک کمپیوٹر کی طرح ہے جو حساس مقامات کے قریب ڈیٹا اکٹھا کرنے کی صلاحیت رکھتی ہے۔
اسرائیل میں اس سے قبل بھی فوجی تنصیبات اور چھاؤنیوں میں چینی گاڑیوں کے داخلے پر پابندی عائد تھی۔
راولپنڈی میں استاد کا طالبعلم پر تشدد، کتاب نہ لانے پر بازو توڑ دیا