میرپورخاص،محکمہ آبپاشی کی نااہلی ،جرواری نہر نالے میں تبدیل
اشاعت کی تاریخ: 17th, February 2025 GMT
میرپورخاص (نمائندہ جسارت) محکمہ آبپاشی اور متعلقہ اداروں کی مجرمانہ غفلت شہر کی نصف آبادی کو پانی فراہم کرنے والی جرواری نہر گٹر نالے میں تبدیل پانی وارہ بندی جرواری نہر آس پاس کی آبادی کے لیے ڈرینج نالے کا کام کرنے لگی ۔ تفصیلات کے مطابق میرپورخاص شہر کی نصف آبادی کو پینے کا پانی پہنچانے والی جرواری نہر محکمہ آبپاشی اور متعلقہ اداروں کی مجرمانہ غفلت کے سبب گٹر نالے کی صورت میں جون کی تون موجود ہے ڈیڑھ ماہ سے پانی کی بندش کے سبب جرواری نہر آس پاس کی دکانوں مکانوں کے ڈرینج کی نکاس کے عمل کے لیے استعمال کی جارہی ہے عدالتی کمیشن متعلقہ ادارے سندھ حکومت محکمہ آبپاشیسمیت تمام محکمہ گزشتہ کئی سالوں سے جرواری نہر کی اس بدترین صورتحال پر خاموشی اختیار کیے ہوئے ہے شاخ کے چاروں اطراف بنی ہوئی دکانوں گھروں کا ڈرینج کا پانی اس نہر میں سالہا سال سے چھوڑا جارہا ہے ایک جانب سے سینٹ واٹر کمیشن رپورٹ میں میرپورخاص ضلع کا 100 فیصد پانی غیر محفوظ قرار دینے اور دوسری جانب ڈرینج فضلے میں پولیو وائرس کی تصدیق ہونے کے باوجود متعلقہ ادارے خاموش نظر آتے ہیں شہر کے متعدد علاقوں کے شہری آئے روز پینے کے پانی کی لائنوں میں گندا گٹر کے پانی کی شکایت روز کا معمول بنا ہوا ہے۔ شہری حلقوں کا کہنا تھا کہ جرواری شاخ کے اطراف سے ناجائز دکانوں اور مکانوں کو فوری طور پر ختم کیا جائے اور ایک بھرپور آپریشن کرکے جرواری نہر میں چھوڑے جانے والے سیوریج پائپوں کو ختم کیا جائے تاکہ شہر کی نصف آبادی کو صاف اور بیماریوں سے پاک پینے کا پانی فراہم کیا جا سکے۔
.ذریعہ: Jasarat News
کلیدی لفظ: جرواری نہر
پڑھیں:
اسلام آباد: 11 گھنٹے گزر گئے، سیلابی ریلے میں بہنے والے کرنل اور ڈاکٹر بیٹی کا پتہ نہ چل سکا
—جیو نیوز گریب11 گھنٹے گزرنے کے باوجود اسلام آباد کی ہاؤسنگ سوسائٹی میں سیلابی ریلے میں کار سمیت بہنے والے باپ بیٹی کا کچھ پتہ نہ چل سکا۔
کرنل ریٹائرڈ قاضی اسحاق روز اپنی ڈاکٹر بیٹی کو سوسائٹی کے گیٹ تک چھوڑنے جاتے تھے۔
آج صبح کرنل اسحاق قاضی اپنے گھر سے اپنی 25 سالہ بیٹی کے ہمراہ سرمئی رنگ کی کار میں نکلے تھے کہ پانی کی وجہ سے گاڑی بند ہو گئی، جو دوبارہ اسٹارٹ نہ ہوئی۔
کرنل ریٹائرڈ اسحاق قاضی گاڑی اسٹارٹ کرنے کی کوشش کر رہے تھے تو پانی کا بہاؤ تیز ہو گیا، جس کے باعث دونوں باپ بیٹی برساتی نالے میں بہہ گئے۔
نالے میں کار سمیت بہہ جانے والے افراد گاڑی سے مدد کے لیے آوازیں لگاتے رہے، کار سوار افراد نے برساتی نالے کے قریب سے گاڑی گزارنے کی کوشش کی
سیلابی ریلہ گاڑی کو بہاتے ہوئے سوسائٹی کے فیز فائیو کے نالے کی طرف لے گیا، دیکھتے ہی دیکھتے باپ بیٹی گاڑی سمیت نظروں سے اوجھل ہو گئے۔
ذرائع کے مطابق کرنل اسحاق کی گاڑی میں ٹریکر نصب نہیں تھا۔
ذرائع کا کہنا ہے کہ کرنل ریٹائرڈ اسحاق کی موبائل کی آخری لوکیشن گزشتہ رات سوا 8 بجے گھر کی آ رہی ہے۔
ذرائع نے بتایا ہے کہ کار سوار کرنل ریٹائرڈ اسحاق اور ان کی بیٹی برساتی نالے میں بہتے وقت مدد کے لیے آوازیں بھی لگاتے رہے تھے۔
ریسکیو حکام کا کہنا ہے کہ پانی میں کرنل ریٹائرڈ اسحاق اور ان کی صاحبزادی کی تلاش کے لیے آپریشن جاری ہے، پولیس، ہاؤسنگ سوسائٹی کا عملہ، ریسکیو 1122 اور غوطہ خور ٹیم انہیں تلاش کر رہی ہے، ہاؤسنگ سوسائٹی کے فیز فائیو کے نالے سے بہہ جانے والی گاڑی کا بمپر مل گیا ہے۔
واضح رہے کہ راولپنڈی اور اسلام آباد میں تیز بارش سے نشیبی علاقے زیر آب آ گئے ہیں، راولپنڈی کی نجی ہاؤسنگ سوسائٹی کے فیز ایٹ میں پانی داخل ہو گیا ہے جبکہ ملحقہ دیہات میں بھی پانی داخل ہو گیا ہے۔
ملک بھر میں ووٹر کی تعداد کتنی ہوگئی؟ رپورٹ سامنے آگئی