قومی ایئرلائنز کی جاپان کیلئے پروازیں فوری بحال کی جائیں، ن لیگ جاپان
اشاعت کی تاریخ: 18th, February 2025 GMT
کولاج فوٹو: فائل
پاکستان مسلم لیگ (ن) جاپان کے صدر ملک نور اعوان نے حکومتِ پاکستان سے مطالبہ کیا ہے کہ قومی ایئرلائنز کی جاپان کیلئے پروازیں فوری طور پر بحال کی جائیں تاکہ جاپان میں مقیم 35 ہزار پاکستانیوں کو اپنے وطن آنے جانے میں سہولت حاصل ہو۔
اس حوالے سے ملک نور اعوان نے ڈپٹی وزیراعظم اور وزیر خارجہ اسحاق ڈار کو ایک باضابطہ خط تحریر کیا جس میں انہوں نے جاپان میں مقیم پاکستانی کمیونٹی کو درپیش مشکلات کا ذکر کیا۔
ان کا کہنا تھا کہ قومی ایئرلائن کی براہ راست پروازیں بند ہونے کے باعث پاکستانیوں کو مہنگی اور طویل غیرملکی پروازوں پر انحصار کرنا پڑ رہا ہے، جو ان کےلیے سخت پریشانی کا باعث ہے۔
ملک نور اعوان نے حکومت پر زور دیا کہ وہ اس معاملے کو ترجیحی بنیادوں پر دیکھے اور قومی ایئرلائنز کو جاپان کےلیے پروازیں بحال کرنے کی ہدایات جاری کرے۔
ان کے مطابق اس اقدام سے ناصرف پاکستانی کمیونٹی کو سفری سہولتیں میسر آئیں گی بلکہ قومی ایئرلائن کو بھی ایک مستحکم بین الاقوامی مارکیٹ میں دوبارہ اپنی جگہ بنانے کا موقع ملے گا۔
واضح رہے کہ یہ مطالبہ ایسے وقت میں سامنے آیا جب حکومت پاکستان قومی ایئرلائن کی بحالی اور بہتری کےلیے مختلف اقدامات کر رہی ہے۔
جاپان میں مقیم پاکستانیوں کو امید ہے کہ اسحاق ڈار اس اہم مطالبے پر غور کریں گے اور جلد مثبت پیشرفت ممکن ہوگی۔
.ذریعہ: Jang News
پڑھیں:
چیئرمین پی اینڈ ڈی نے والڈ سٹی کے تین منصوبوں کیلئے اجلاس طلب کرلیا
قیصر کھوکھر : چیئرمین پی اینڈ ڈی نے والڈ سٹی کے تین منصوبوں کیلئے اجلاس طلب کرلیا،والڈ سٹی اتھارٹی کے تین منصوبوں کی بحالی کیلئے روڈ میپ بنایا جائے گا۔
والڈ سٹی کی پرانی مغلیہ دور کی دیوار کو بحال کیا جائے گا۔یہ دیوار 12 دروازوں کے اندر ٹوٹی پھوٹی حالت میں موجود ہے۔شالامار باغ کی بحالی اور تحفظ بھی منصوبے میں شامل ہے۔اجلاس میں اکبری منڈی کی بحالی کی بھی منظوری دی جائے گی۔دہلی گیٹ سے اکبری منڈی تک راستہ بحال اور وسیع کیا جائے گا۔اکبری منڈی کی پرانی دکانوں کو اصل حالت میں بحال کیا جائے گا۔پی اینڈ ڈی بورڈ ان منصوبوں کی منظوری دے گا۔
صوبہ بھر میں انفورسمنٹ سٹیشن قائم کرنے کا فیصلہ، وزیراعلیٰ پنجاب کی زیر صدارت خصوصی اجلاس
Ansa Awais Content Writer
پی ایس ایل 2025: آج کراچی کنگز اور کوئٹہ گلیڈی ایٹرز مدِمقابل