انڈیا نے میری والدہ کو زہر دیکر شہید کیا، مشال ملک کا دعویٰ
اشاعت کی تاریخ: 19th, February 2025 GMT
لاہور ہائیکورٹ بار میں پریس کانفرنس میں حریت رہنما یاسین ملک کی اہلیہ کا کہنا تھا کہ کشمیر کے مسئلے کو صرف سیاسی اور ڈپلومیٹک طریقے سے حل نہیں کر سکتے، جنوبی افریقہ فلسطین کا مقدمہ عالمی عدالت میں لے گیا، پاکستان کو بھی کشمیر کا مقدمہ بین الاقوامی عدالت میں لیکر جانا چاہیے، بھارت کیساتھ کوئی ڈائیلاگ کامیاب ہو سکتا۔ اسلام ٹائمز۔ کشمیری حریت رہنما یاسین ملک کی اہلیہ مشال ملک نے کہا ہے کہ کشمیر کاز ابھی بھی ایک جناح کی تلاش میں ہے، کشمیر کی تحریک آزادی کو لیڈر لیس کیا جا رہا ہے، یاسین ملک کی اہلیہ نے پاکستانی آرمی چیف کے اس بیان کو سراہا کہ کشمیر کیلئے 10 جنگیں لڑیں گے۔ حریت رہنماء یاسین ملک کی اہلیہ مشال ملک لاہور ہائیکورٹ بار پہنچیں تو اُن کا شاندار استقبال کیا گیا۔ مشال ملک نے یہاں پریس کانفرنس سے خطاب کرتے ہوئے کہا کہ وکلا برادری نے ہمیشہ کشمیر کے مدعے کو اہمیت دی ہے۔ انہوں نے بتایا کہ تمام حریت رہنما جیلوں میں ہیں اور ان کیخلاف فیصلے کیے جا رہے ہیں۔ دنیا میں کہیں نہیں دیکھا کہ یکطرفہ فیصلے کیے جا رہے ہوں۔ مشال ملک نے اس نکتہ پر رہنمائی مانگی کہ کیسے کشمیر کے مقدمے کو بین الاقوامی سطح پر لے جایا جا سکتا ہے؟۔
حریت رہنما کی اہلیہ نے واضح کیا کہ کشمیر کے مسئلے کو صرف سیاسی اور ڈپلومیٹک طریقے سے حل نہیں کر سکتے، جنوبی افریقہ فلسطین کا مقدمہ عالمی عدالت میں لے گیا، پاکستان کو بھی کشمیر کا مقدمہ بین الاقوامی عدالت میں لیکر جانا چاہیے، بھارت کیساتھ کوئی ڈائیلاگ کامیاب ہو سکتا۔ مشال ملک نے کہا کہ انڈیا اگر کلبھوشن یادو جیسے دہشت گرد کے کیس کو آئی سی جے میں لیکر جا سکتا ہے تو پاکستان یاسین ملک کا کیس وہاں کیوں نہیں لے جا سکتا۔ مشال ملک نے زور دیا کہ کشمیر کیلئے بڑے بڑے دھرنے اور جلسے کئے جائیں، یہی پیغام ملتے ہیں کہ وہ پاکستانی کشمیریوں کیساتھ ہیں، لیکن انہیں پریکٹلی سٹیپ چاہئیں۔ انہوں نے کہا کہ کشمیر کے خون سے یہاں ہریالی ہے۔ پاکستان کے کسی بھی کونے میں چلی جاوں، تو تحریک کو دعائیں دینے کو عبادت سمجھتے ہیں۔
یاسین ملک کی اہلیہ نے کہا کہ ہندوستان پاکستان کے اندر دہشتگردی کر رہا ہے۔ اُن کی والدہ شہید ہوئیں، انہیں زہر دیا گیا ہے۔ مشال ملک نے کہا کہ لاہور پہلا قیام کیا اور سب سے پہلے وہ اپنی وکلا برادری کے پاس آئیں ہیں۔ حریت رہنماوں کی طرف سے پاکستان بھر کی عوام کو سلام پیش کرتی ہیں۔
ذریعہ: Islam Times
کلیدی لفظ: مشال ملک نے حریت رہنما عدالت میں نے کہا کہ کشمیر کے کہ کشمیر کا مقدمہ
پڑھیں:
تیسرا ٹی ٹوئنٹی: ویسٹ انڈیز نے بنگلادیش کو شکست دیکر وائٹ واش کردیا
ویسٹ انڈیز نے بنگلا دیش کو تیسرے اور آخری ٹی ٹوئنٹی میچ میں 5 وکٹوں سے شکست دے کر وائٹ واش کر دیا۔
چٹوگرام میں کھیلے گئے میچ میں ویسٹ انڈیز نے 152 رنز کا ہدف 16.5 اوورز میں 5 وکٹوں کے نقصان پر حاصل کیا۔
مہمان ٹیم کی جانب سے اکیم اگسٹ اور کپتان روسٹن چیز 50، 50 رنز بنا کر نمایاں رہے۔ عامر جینگو 34، برینڈن کنگ 8 اور ایلک ایتھاناز 1 کے انفرادی اسکور پر آؤٹ ہوئے۔
بنگلادیش کی جانب سے رشاد حسین نے 3 وکٹیں حاصل کیں۔ مہدی حسن اور نسم احمد نے 1، 1 کھلاڑی کو آؤٹ کیا۔
اس سے قبل ٹاس جیت کر پہلے بیٹنگ کرتے ہوئے میزبان ٹیم 20 اوورز میں 151 رنز بنا کر آؤٹ ہوگئی تھی۔
بنگلادیش کی جانب سے تنزید حسن 89 رنز بنا کر نمایاں رہےسیف حسن 23، تسکین احمد 9، پرویز حسن ایمان 9، کپتان لٹن داس 6، جاکر علی 5، رشاد حسین 3، نورالحسن 1، نسم احمد 1 اور شریف الاسلام 0 کے انفرادی اسکور پر آؤٹ ہوئے۔
ویسٹ انڈیز کی جانب سے روماریوں شیفرڈ نے 3 اور جبکہ کیرے پیئر اور جیسن ہولڈر نے 2، 2 کھلاڑیوں کو آؤٹ کیا۔ روسٹن چیز اور عقیل حسین نے 1، 1 وکٹ حاصل کی۔
پاکستان میں آئندہ حج سستا ہونے کا امکان