چیمپئنز ٹرافی:نیوزی لینڈ سے شکست کے بعد شاہین بھارت سے ٹاکرے کیلئے پاکستانی ٹیم دبئی روانہ
اشاعت کی تاریخ: 20th, February 2025 GMT
چیمپئنز ٹرافی کے افتتاحی میچ میں شکست کے بعد میزبان پاکستان ٹیم اپنا دوسرا میچ بھارت سے کھیلنے کے لیے کراچی سے دبئی روانہ ہوگئی جبکہ پاکستانی ٹیم کو دھچکہ لگا ہے کہ فخر زمان ٹورنامنٹ سے آئوٹ ہوگئے ہیں اور وہ دبئی بھی نہیں گئے۔آئی سی سی چیمپئنز ٹرافی کے افتتاحی میچ میں نیوزی لینڈ سے بڑی شکست کا داغ لگنے کے بعد میزبان اور دفاعی چیمپئن پاکستان ٹیم روایتی حریف بھارت سے مقابلے کے لیے کراچی سے دبئی کے لیے روانہ ہوئی۔قومی ٹیم آج دبئی پہنچنے کے بعد آرام کرے گی اور کل سے ٹریننگ سیشن میں حصہ لے گی۔روایتی حریفوں کے درمیان مقابلہ اتوار 23 فروری کو دبئی کرکٹ اسٹیڈیم میں ہوگا۔ اس سے قبل بھارت آج بنگلہ دیش کے خلاف اپنی مہم کا آغاز کرے گا۔پاکستان کو افتتاحی میچ میں نیوزی لینڈ کے ہاتھوں 60 رنز سے شکست کے بعد سیمی فائنل میں رسائی کی امیدیں برقرار رکھنے کے لیے بھارت کو لازمی ہرانا ہوگا۔ادھرقومی ٹیم کے اوپنر کھلاڑی فخر زمان کے سکین کے بعد اسے ٹورنامنٹ سے آئوٹ ہونے کا اعلان کر دیا گیا ہے ۔ فخر زمان نے سینے کے دائیں جانب تکلیف کی شکایت کی تھی جس کے بعدنیوزی لینڈ کے خلاف انہیں اوپننگ کیلئے نہ بھیجا گیا تاہم بعدمیں آکر کھیلے۔نیوزی لینڈ کے بیٹنگ کے دوران شاہین آفریدی کے پہلے ہی اوور میں فخر زمان باؤنڈری لائن پر انجری کا شکار ہوئے تھے جس کے بعد وہ میدان سے باہر چلے گئے تھے۔فخر زمان میدان سے باہر جانے کی وجہ سے اننگز اوپن نہیں کرسکے اور انہیں 20 منٹ کی تاخیر سے بیٹنگ کے لیے بھیجا گیا ان کی جگہ سعود شکیل کو اننگز کا آغاز کرنے کے لیے بھیجا گیا تھا۔
.ذریعہ: Nawaiwaqt
کلیدی لفظ: نیوزی لینڈ کے بعد کے لیے
پڑھیں:
ملتان سلطانز نے لاہور قلندرز کو 33رنز سے شکست دیدی
ملتان (نیوز ڈیسک ) پاکستان سپر لیگ (پی ایس ایل) 10 میں ملتان سلطانز نے لاہور قلندرز کو 33رنز سے ہرادیا،ملتان اسٹیڈیم میں کھیلے گئے میچ میں ملتان سلطانز نے پہلے کھیلتے ہوئے مقررہ 20 اوورز میں 5 وکٹوں کے نقصان پر228 رنز بنائے جواب میں لاہور قلندرز کی ٹیم 20اوورز میں 9وکٹوں کے نقصان پر195رنزبناسکی۔سلطانز کی جانب سے یاسر خان دھواں دار 87 رنز بنا کر نمایاں رہے۔ عثمان خان 39، کپتان محمد رضوان 32، ایشٹن ٹرنر 15 اور مائیکل بریسویل 9 رنز بنا کر آؤٹ ہوئے۔
افتخار احمد 40 اور کامران غلام 3 رنز بنا کر ناٹ آؤٹ پویلین لوٹے۔
قلندرز کی جانب سے رشاد حسین نے دو وکٹیں جبکہ آصف آفریدی، سکندر رضا اور شاہین شاہ آفریدی نے 1، 1 وکٹ حاصل کی جبکہ حارث رؤف سب سے 3 اوورز میں 54 رنز دے کر سب سے مہنگے بولر ثابت ہوئے۔
اسکواڈ:
ملتان سلطانز: محمد رضوان (کپتان، وکٹ کیپر)، یاسر خان، عثمان خان، کامران غلام، مائیکل بریسویل، افتخار احمد، ایشٹن ٹرنر، ڈیوڈ ولی، اسامہ میر، عبید شاہ، جوشوا لٹل
لاہور قلندرز: فخر زمان، محمد نعیم، عبداللہ شفیق، ڈیرل مچل، سیم بِلنگز (وکٹ کیپر)، سکندر رضا، شاہین شاہ آفریدی (کپتان)، رشاد حسین، حارث رؤف، زمان خان، آصف آفریدی
پی ایس ایل 2025: آج کراچی کنگز اور کوئٹہ گلیڈی ایٹرز مدِمقابل