پارٹی میں واپس آنے کا بھی ایک طریقہ کار ہے، شیخ وقاص اکرم
اشاعت کی تاریخ: 21st, February 2025 GMT
اسلام آباد:
رہنما تحریک انصاف شیخ وقاص اکرم کا کہنا ہے کہ پہلی بات تو یہ ہے کہ زیادہ تر میڈیا جو ایک چیز بتا رہا ہے وہ یہ کہہ رہا ہے کہ شاید یہ کوئی اندرونی ٹوٹ پھوٹ ہے، ایک دو ایسے افراد ہیں جن کا پارٹی سے کوئی تعلق نہیں ہے مگر وہ بضد ہیں، اس حوالے سے پارٹی عمران خان کی ہدایت پر 9 مئی کے بعد جولائی کے اندر نوٹیفکیشن باقاعدہ نکال چکی ہے کہ وہ افراد اس پارٹی کا حصہ نہیں ہیں۔
ایکسپریس نیوز کے پروگرام سینٹر اسٹیج میں گفتگو کرتے ہوئے انھوں نے کہا کہا ظاہر ہے کہ ہر کوئی واپس آنے کی کوشش کر رہا ہے تو اس کا ایک طریقہ کار ہے۔
اسپورٹس تجزیہ کار مرزا اقبال بیگ نے کہا لوگ کہہ رہے ہیں آپ سوشل میڈیا پر پوسٹ تو دیکھ رہے ہوں گے کہ بلڈنگ تو بنا دی ہم نے لیکن ٹیم بنا نہ سکے، ہماری ٹیم نیوزی لینڈ سے ہار گئی، پاکستان نیوزی لینڈ کے میچ کے بارے میں ایک سوال پر انھوں نے کہا کہ پلاننگ صحیح نہیں تھی،حارث رؤف نے کل 83 رنز دیدیے وہ مکمل طور پر فٹ نظر نہیں آ رہے۔
تجزیہ کار طاہر خان نے کرم کے حالات پر اظہار خیال کرتے ہوئے کہا کہ میری نظر میں جب کوہاٹ کے معاہدے پر دستخط ہوئے تھے جو کہ بڑی مشکل سے وہ معاہدہ ہوا تھا یکم جنوری کو تو اس وقت بھی یہ سوچ تھی کہ کچھ لوگ اسے خراب کرنے کی کوشش کریں گے جو اس معاہدے پر خوش نہیں تھے، یہ جو فائرنگ کا آپ نے سوال کیا ہے بالکل یہ وہی لوگ ہیں اور وہ نہیں چاہیں گے کہ یہ معاہدہ ہو کیونکہ کچھ لوگوں کے مفادات ہوتے ہیں۔
.ذریعہ: Express News
پڑھیں:
عمران خان ہی پارٹی کے قائد ہیں، شاہ محمود کی سربراہی کی خبریں بے بنیاد ہیں: سلمان اکرم راجہ
پاکستان تحریک انصاف کے سیکریٹری جنرل سلمان اکرم راجہ نے واضح کیا ہے کہ شاہ محمود قریشی کو پارٹی قیادت سونپنے کی خبریں درست نہیں، پارٹی کے سربراہ بدستور عمران خان ہی ہیں۔
یہ بھی پرھیں:9 مئی مقدمات میں بری ہونے کے باوجود شاہ محمود قریشی کی جلد رہائی ممکن نہیں، رہنما پی ٹی آئی سلمان اکرم راجہ
اڈیالہ جیل کے باہر میڈیا سے گفتگو کرتے ہوئے سلمان اکرم راجہ نے کہا کہ آج توشہ خانہ ٹو کیس کی سماعت ہے، ہم صبح 10 بجے جیل پہنچے لیکن ابھی تک ہمیں اندر جانے کی اجازت نہیں دی گئی۔
ان کے مطابق اسلام آباد ہائی کورٹ کا واضح حکم ہے کہ وکلا اور اہل خانہ کو سماعت میں شامل ہونے دیا جائے، لیکن اس کے برعکس وکلا کو باہر بٹھا کر آئینی تقاضوں کی خلاف ورزی کی جا رہی ہے۔
سلمان اکرم نے بند کمرے میں ٹرائل کو آئین و قانون کے منافی قرار دیتے ہوئے کہا کہ ایسے ٹرائل کو کالعدم قرار دیا جانا چاہیے۔
یہ بھی پڑھیں:مرزا آفریدی سمیت سینیٹ امیداواروں کی فہرست عمران خان نے ہی دی، سلمان اکرم راجہ کی تصدیق
انہوں نے بتایا کہ شاہ محمود قریشی کے خلاف اس وقت 8 سے 9 مقدمات زیر سماعت ہیں جبکہ وہ مزید 8 مقدمات میں گرفتار ہیں۔
انہوں نے واضح کیا کہ تحریک انصاف کے لیڈر عمران خان ہی ہیں اور شاہ محمود قریشی کی قیادت سنبھالنے کی خبریں بے بنیاد اور مفروضوں پر مبنی ہیں، البتہ ان کا عہدہ برقرار ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ٹی آئی سلمان اکرم راجہ شاہ محمود عمران خان
جمائمہ کا بچوں کی پاکستان آمد سے متعلق وزراء کے بیانات پر شدید ردعمل آگیا