وزیراعلیٰ پنجاب مریم نواز کا "میگنیفیسنٹ پنجاب" منصوبے کا اعلان
اشاعت کی تاریخ: 21st, February 2025 GMT
وزیراعلیٰ پنجاب مریم نواز شریف نے صوبے کو تاریخی ثقافتی اور بین الاقوامی سیاحتی مرکز بنانے کے لیے میگنیفیسنٹ پنجاب منصوبے کا آغاز کر دیا اس کے تحت 170 تاریخی مقامات کو عالمی معیار کے سیاحتی مراکز میں تبدیل کیا جائے گا جن میں 101 گردوارے اور 53 گرجا گھر بھی شامل ہیں پنجاب ٹورازم اینڈ ہیریٹیج اتھارٹی کے قیام کی منظوری دی گئی ہے جبکہ پنجاب کی پہلی جامع ٹورازم پالیسی بھی تیار کر لی گئی ہےٹیکسلا کو بین الاقوامی ٹورسٹ سٹی بنانے چھانگا مانگا کو جدید تفریحی مقام میں تبدیل کرنے اور لاہور کے تاریخی مقامات کی بحالی جیسے منصوبے شامل ہیں ہرن مینار، نیلا گنبد، ٹیکسلا میوزیم اور دیگر تاریخی مقامات کی اپ گریڈیشن کی جائے گی سکھ برادری کے لیے 46 غیر فعال گردوارے بحال کیے جائیں گے جبکہ اقلیتی برادری کے مذہبی اور تاریخی مقامات کی حفاظت کے لیے جامع حکمت عملی مرتب کی گئی ہے سیاحت کے فروغ کے لیے جدید سڑکوں سفاری ٹرین اور عالمی معیار کی سہولیات فراہم کی جائیں گی دلکش لاہور منصوبے کے لیے 400 ملین روپے جاری کیے گئے ہیں جبکہ لاہور میوزیم کو جدید عجائب گھر میں تبدیل کرنے کے لیے 240 ملین روپے کی منظوری دی گئی ہے یونیسکو کے تعاون سے پنجاب کے تاریخی ورثے کو محفوظ کرنے کے اقدامات بھی کیے جا رہے ہیں ڈیجیٹل ٹیکنالوجی کے ذریعے سیاحتی معلومات فراہم کرنے کے لیے ایک ایپ متعارف کرائی جائے گی جبکہ سیاحوں کی سہولت کے لیے جدید ٹرانسپورٹ اور خصوصی ڈسکاؤنٹ پیکجز متعارف کیے جائیں گے وزیراعلیٰ مریم نواز نے کہا کہ سیاحت کے فروغ سے پنجاب کا عالمی امیج بہتر ہوگا معیشت مستحکم ہوگی اور دنیا بھر کے سیاح پنجابی ثقافت اور تاریخ سے روشناس ہو سکیں گے
.ذریعہ: Nawaiwaqt
کلیدی لفظ: تاریخی مقامات کے لیے
پڑھیں:
سی سی ڈی کے خوف نے بڑے بڑے غنڈوں کو معافیاں مانگنے پر مجبور کردیا: مریم نواز
وزیراعلیٰ پنجاب مریم نواز نے کہا ہے کہ سی سی ڈی کے خوف نے بڑے بڑے غنڈوں کو قرآن اٹھا کر معافیاں مانگنے پر مجبور کردیا ہے۔
لاہور میں کاؤنٹر نارکوٹکس فورس کی تقریب سے خطاب کرتے ہوئے انہوں نے ڈی جی پنجاب کاؤنٹر نارکوٹکس فورس کا شکریہ ادا کیا اور کہاکہ اس فورس کی بدولت پنجاب سے منشیات کا جلد خاتمہ ممکن ہو جائےگا۔
یہ بھی پڑھیں: جرائم پیشہ عناصر کی شامت، ’پنجاب کنٹرول آف غنڈہ ایکٹ‘ کیا ہے؟
وزیراعلیٰ نے کہا کہ انہیں اس بات پر فخر ہے کہ پنجاب کاؤنٹر نارکوٹکس فورس میں بہترین جوانوں کا انتخاب کیا گیا ہے۔
ان کے مطابق ’ہم سب کو مل کر ایک صحت مند پاکستان کی تعمیر کرنی ہے، نوجوانوں کو چاہیے کہ وہ تعلیم اور صحت پر توجہ مرکوز رکھیں، کیونکہ نشہ اب اسکولوں اور یونیورسٹیوں تک جا پہنچا ہے، اور اس لعنت کا خاتمہ ناگزیر ہے۔‘
انہوں نے واضح کیاکہ منشیات کے خاتمے کے لیے ہر ممکن اقدامات اٹھائے جائیں گے۔ ان کا کہنا تھا کہ مہنگائی کو کنٹرول کرنے کے لیے اسپیشل فورس ’ٹیرا‘ تشکیل دی گئی ہے، جبکہ جرائم کی روک تھام کے لیے ’سی سی ڈی‘ بنائی گئی ہے۔
مریم نواز کا کہنا تھا کہ وہ توقع رکھتی ہیں کہ فورس کے جوان اسی جذبے کے ساتھ میدان عمل میں اتریں گے۔ ان کا کہنا تھا کہ ان شااللّٰہ پوری ہمت اور ولولے کے ساتھ آپ اپنی ذمہ داریاں ادا کریں گے۔ اب صرف پنجاب کے مسائل کا حل نکالا جائے گا، کسی قسم کی مصلحت برداشت نہیں کی جائے گی۔ جو زہر عوام میں گلیوں، شہروں اور ڈویژنز کے اندر پھیلایا گیا ہے، آپ ہی اسے جڑ سے ختم کریں گے۔
وزیراعلیٰ نے کہاکہ انہیں بہادر لوگ بے حد پسند ہیں اور وہ ان کی قدر کرتی ہیں۔ انہوں نے کہا کہ جب آپ دلیرانہ انداز میں اپنی ڈیوٹی نبھائیں گے تو اللّٰہ تعالیٰ آپ کا ساتھ دے گا۔ یہ وردی صرف لباس نہیں بلکہ ایک عہد ہے کہ آپ ہر برائی اور لعنت کا قلع قمع کریں گے۔
یہ بھی پڑھیں: بشریٰ بی بی اور خاور مانیکا کا بیٹا موسیٰ مانیکا 14 روزہ جوڈیشل ریمانڈ پر جیل منتقل
انہوں نے مزید کہاکہ آنے والی نسلوں کو تباہی سے بچانا آپ کی ذمے داری ہے، اور دعا کی کہ اللّٰہ تعالیٰ پوری فورس کو یہ توفیق عطا فرمائے کہ وہ پاکستان کا نام سربلند کر سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews سی سی ڈی غنڈے مریم نواز معافیاں وزیراعلٰی پنجاب وی نیوز
یوٹیلیٹی اسٹورز کارپوریشن ملازمین کا تنخواہوں کی عدم ادائیگی کیخلاف مظاہرہ