ترکیہ اور پاکستان کا باہمی تعاون مسلم ممالک کے لئے مثال بن سکتا ہے، ترک سفیرعرفان نذیراولو
اشاعت کی تاریخ: 21st, February 2025 GMT
لاہور ( اردوپوائنٹ اخبار تازہ ترین۔ آئی پی اے نیوزایجنسی۔ 21 فروری 2025ء ) ترکیہ کے پاکستان میں سفیرعرفان نذیراولو نے کہا ہے کہ دونوں ممالک کا باہمی تعاون مسلم ممالک کے لئے مثال بن سکتا ہے۔ ان خیالات کا اظہار انہوں نے پنجاب یونیورسٹی کا دورہ کے دوران شرکاء سے بات چیت کرتے ہوئے کیا۔ اس موقع پر وائس چانسلرپنجاب یونیورسٹی پروفیسرڈاکٹر محمد علی نے وفد کاپرتباک استقبال کیا۔
ملاقات میں ترک قونصل جنرل درمش باشتو،پرو وائس چانسلر پروفیسرڈاکٹر خالد محمود، ڈائریکٹر ایکسٹرنل لنکجز یامینہ سلمان، رجسٹرار ڈاکٹر احمد اسلام اور ترک قونصل خانے کے افسران بھی موجود تھے۔ اپنے خیالات کا اظہار کرتے ہوئے ترک سفیر عرفان نذیر اولو نے کہا کہ ترکیہ اور پاکستان ایک دوسرے کے وسائل سے استفادہ کر کے بہت ترقی کر سکتے ہیں۔(جاری ہے)
انہوں نے کہا کہ پاکستان اور ترکیہ کے درمیان اکیڈیمک روڈمیپ پر کام کر رہے ہیں۔ انہوں نے کہا کہ ہمیں ایک دوسرے کے ساتھ تعلقات کو مزید مضبوط کرنے کی ضرورت ہے۔ انہوں نے کہا کہ ترکیہ اور پاکستان کی جامعات میں مشترکہ تحقیق کو فروغ دینا چاہتا ہوں۔ ترکیہ اور پاکستان میں دفاع میں بھی بہتر تعاون کر رہے ہیں۔ دونوں ممالک کے مابین سائنس اور کلچر کے شعبوں میں بھی تعاون کو فروغ دیں گے۔ ترک سفیر نے کہا کہ انجینئرنگ اور میڈیکل کے شعبوں میں مل کر کام کرنا چاہتے ہیں اور دونوں ممالک کی جامعات میں دوہری ڈگری پروگرام بھی شروع کرنا چاہتا ہوں۔ دونوں ممالک کی جامعات کا ایجوکیشن فیئر کا بھی انعقاد کریں گے۔ انہوں نے کہا کہ میری خواہش ہے کہ دونوں ممالک کی جامعات کے مابین ایم او یوز کو فنکشنل بنائیں۔ وائس چانسلر پروفیسر ڈاکٹر محمد علی نے کہا کہ او آئی سی کے ذریعے مسلم ممالک کے مابین تعلقات کو مزید مضبوط بنایا جا سکتا ہے۔ انہوں نے کہا کہ ترکیہ اور پاکستان ایک جیسا سوچتے ہیں اورکوئی بھی پاکستانی ترکیہ جا کر اپنے گھر جیسا محسوس کرتا ہے۔ انہوں نے کہا کہ ترکیہ کے ساتھ تعلقات کو فروغ دینے میں ہم اپنا کردار ادا کریں گے۔ انہوں نے کہا کہ پاک ترک مشترکہ تحقیق کو انسٹی ٹیوشنلائز کرنے کی ضرورت ہے۔ انہوں نے کہا کہ پاکستان کی جامعات میں ٹیکا کے منصوبوں کو سراہتے ہیں۔ مزید برآں پنجاب یونیورسٹی کے زیر اہتمام پاکستان کے سب سے بڑے تین روزہ کتاب میلے کے دوسرے روز بھی ہزاروں کی تعداد میں لوگوں نے شرکت کی جبکہ پہلے روز 35ہزارسے زائدکتب فروخت ہوئیں۔ دوسرے روز سینئر صحافی سلمان غنی، توفیق بٹ، نجم ولی خان سمیت نامور کالم نگار، صحافی، وکلاء، ڈاکٹرز، ادیب، شعراء، پنجاب یونیورسٹی کے دیگر کیمپسزسے اساتذہ، سکول، کالجز اور دیگر جامعات سے طلباؤطالبات سمیت مختلف طبقات کے افرادنے بڑی تعداد میں شرکت کی۔ اس موقع پر شرکاء کا کہنا تھا کہ پنجاب یونیورسٹی میں کتاب میلے جیسی مثبت سرگرمی کا انعقاد خوش آئند ہے۔انہوں نے کہا کہ دیگر جامعات کو بھی پنجاب یونیورسٹی کی طرح کتاب میلوں کا انعقاد کرنا چاہیے۔ کتابیں شخصیت میں نکھار اور مثبت تبدیلیوں کا باعث بنتی ہیں۔ انہوں نے کہا کہ دنیا کا مقابلہ کرنے کے لئے ہمیں اپنے طلباء کو شارٹ کٹ کی بجائے گہرے مطالعے کی طرف لے کرجانا ہوگا۔ انہوں نے کہا کہ دنیا میں جہاں بھی ترقی ہوئی ہے وہ صرف کتابوں کی مرہون منت ہے۔ کتاب میلہ بروز ہفتہ بھی جاری رہے گا جس میں امید ہے لوگ اپنی فیملیز کے ہمراہ تشریف لائیں گے۔ذریعہ: UrduPoint
کلیدی لفظ: تلاش کیجئے ترکیہ اور پاکستان پنجاب یونیورسٹی انہوں نے کہا کہ نے کہا کہ ترک دونوں ممالک کی جامعات ممالک کے
پڑھیں:
پاکستان اور سعودی عرب کے درمیان تاریخی اسٹریٹجک باہمی دفاعی معاہدے پر دستخط
پاکستان اور سعودی عرب کے درمیان تاریخی اسٹریٹجک باہمی دفاعی معاہدے پر دستخط WhatsAppFacebookTwitter 0 18 September, 2025 سب نیوز
اسلام آباد /ریاض(سب نیوز)ایک تاریخی پیش رفت کے طور پر آج مملکتِ سعودی عرب اور اسلامی جمہوریہ پاکستان نے اسٹریٹجک باہمی دفاعی معاہدے پر دستخط کر دیے جو دونوں برادر ممالک کے درمیان اسٹریٹجک شراکت داری کی گہرائی اور دفاعی تعاون کی مضبوطی کو ثابت کرتا ہے۔
یہ سنگِ میل اور سب سے بڑا انقلابی معاہدہ اپنی اہمیت کی وجہ سے دونوں برادر ممالک کے سربراہان نے سائن کیا۔
فیلڈ مارشل سید عاصم منیر کا اس معاہدے کی کامیابی میں کلیدی کردار،پاکستان اب حرمین شریفین کے تحفظ میں سعودی عرب کا پارٹنر بن گیا ہے ، اللہ تعالیٰ نے پاکستان کو سعودی عرب کا شراکت دار منتخب کیا، تاکہ مقدس مقامات کے دفاع میں پاکستان سعودی عرب کے ساتھ کھڑا ہو، موجودہ اور متوقع خطرات و چیلنجز کے تناظر میں، یہ معاہدہ دفاع کو مضبوط بنانے اور دونوں ممالک کی دفاعی صلاحیتوں کی تیاری اور انضمام کو بڑھانے کا مقصد رکھتا ہے، تاکہ دونوں ممالک کی سلامتی اور علاقائی سالمیت کو لاحق کسی بھی خطرے کا مقابلہ کیا جا سکے۔
اس معاہدے کی شقوں کے تحت، کسی بھی ملک پر بیرونی مسلح حملہ دونوں ممالک پر حملہ تصور ہوگا، اس طرح یہ معاہدہ ایک اہم اور تاریخی سنگِ میل کی حیثیت اختیار کرتا ہے، اس معاہدے پر دستخط دونوں ممالک کے گہرے دوطرفہ تعلقات اور سیکورٹی تعاون کی توثیق کرتے ہیں۔
جو گزشتہ کئی دہائیوں سے مشترکہ فوجی تربیت، کثیر الجہتی مشقوں اور دفاعی صنعتی تعاون کے ذریعے ظاہر ہوتا رہا ہے، یہ معاہدہ امن کے فروغ اور علاقائی و عالمی سلامتی کو مستحکم کرنے کے مشترکہ مقاصد کی بھی خدمت کرتا ہے، پاکستان اور سعودی عرب کے درمیان دفاعی معاہدہ دونوں کے لیے سیکورٹی، معیشت اور سفارت کاری میں انتہائی فائدہ مند ہے، جوائنٹ دفاع سے مراد ہے کہ دونوں ممالک کسی بھی خطرے سے مشترکہ ڈیل کریں گے اور اپنے دفاع کے لئے ایک ملک کی طاقت دوسرے ملک کے دفاع کے لئے موجود ہو گی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرصائم ایوب کی ایشیا کپ میں صفر پر آوٹ ہونے کی ہیٹ ٹرک مکمل صائم ایوب کی ایشیا کپ میں صفر پر آوٹ ہونے کی ہیٹ ٹرک مکمل بانی پی ٹی آئی اور بشری بی بی کیخلاف توشہ خانہ ٹو کیس کی سماعت منسوخ محکمہ موسمیات کی بارشوں کے 11ویں سپیل کی پیش گوئی اسلام آباد ہائیکورٹ، چیئرمین پی ٹی اے کو عہدے سے ہٹانے کے کیس میں اہم پیش رفت ریلوے میں8 ماہ کے دوران اربوں کی بچت، اصلاحات جاری رہیں گے: حنیف عباسی اگر کوئی سمجھتا ہے کہ میں ٹوٹ جا ئوں گا تو یہ غلط فہمی ہے ، عمران خانCopyright © 2025, All Rights Reserved
رابطہ کریں ہماری ٹیم
ڈکی بھائی کیخلاف جوئے کی ایپ کی تشہیر کے مقدمے میں اہم پیشرفت