چھانگا مانگا: نوکری کا جھانسہ دے کر ملزمان کی لڑکی سے مبینہ اجتماعی زیادتی
اشاعت کی تاریخ: 22nd, February 2025 GMT
چھانگامانگا: تھانہ كنگن پور کے علاقہ لوحے جٹاں میں ایک افسوسناک واقعہ پیش آیا جہاں 3 ملزمان نے مبینہ طور پر ایک لڑکی کو اجتماعی زیادتی کا نشانہ بنایا۔
تفصیلات کے مطابق شیخوپورہ سے تعلق رکھنے والی متاثرہ لڑکی ندا کوثر کو ملزم لیاقت علی نے نوکری کا جھانسہ دے کر کاہنہ بلوایا۔ درج ایف آئی آر کے مطابق، لیاقت علی متاثرہ لڑکی کو کاہنہ سے الہ آباد لے گیا جہاں سے وہ ایک گاڑی (جیپ) میں اسے كنگن پور کے علاقے میں واقع ایک حویلی لے آیا۔
ایف آئی آر کے متن کے مطابق ملزمان نے مبینہ طور پر ندا کوثر کے ساتھ باری باری زیادتی کی اور بعد ازاں اسے وہیں چھوڑ کر فرار ہو گئے۔ متاثرہ لڑکی نے پولیس کو دیے گئے بیان میں تمام تفصیلات بیان کیں جس کے بعد تھانہ كنگن پور پولیس نے مقدمہ درج کر لیا۔
پولیس نے دو نامزد ملزمان لیاقت علی، جاوید اور ایک نامعلوم شخص کے خلاف مقدمہ درج کر لیا ہے، تاہم تاحال کسی بھی ملزم کی گرفتاری عمل میں نہیں آ سکی۔
.ذریعہ: Express News
پڑھیں:
پاکستان نے بھارت کو پولیس مین بنانے کا خواب ناکام بنایا، نائب امیر جماعت اسلامی
لاہور:جماعت اسلامی پاکستان کے نائب امیر لیاقت بلوچ نے کہا ہے کہ بھارت کو خطے کا پولیس مین بنانے اور پہلگام فالس فلیگ کے بعد جنگی ماحول بنانے کی کوشش کی گئی لیکن پاکستان کے جواب سے انہیں ناکامی کا سامنا کرنا پڑا۔
ریشین وکٹری ڈے کی 80 ویں سالگرہ کی تقریب سے نائب امیر جماعت اسلامی پاکستان لیاقت بلوچ نے خطاب کرتے ہوئے کہا کہ دوسری جنگ عظیم کے بعد دنیا میں طاقت کا توازن قائم ہوا ہے۔
ان کا کہنا تھا کہ دنیا عالمی سطح پر سرد جنگ کی صورت میں دو حصوں میں تقسیم ہوئی تھی، جنگ عظیم دوم کی کامیابی کا برصغیر پر بہت اثر ہوا، دنیا میں نازی ازم کو شکست ہوئی۔
لیاقت بلوچ نے کہا کہ امریکا نے یورپی شراکت داروں کے ساتھ مل کر اسرائیل قائم کیا اور اسرائیل نے عزہ میں حالیہ جنگ میں اب تک 65 ہزار فلسطینیوں کو شہید کردیا ہے۔
انہوں نے کہا کہ بھارت کو خطے کا پولیس مین بنانے اور پہلگام کا فالس فلیگ کے بعد جنگی ماحول بنانے کی کوشش کی گئی، مگر پاکستان کے جواب نے بھارت کو پولیس مین کا خواب ناکام ہوگیا۔
ان کا کہنا تھا کہ ٹرمپ کے اقدامات میں نئی روشنی موجود ہے، اب دنیا جنگوں کی متحمل نہیں ہوسکتی، یوکرین کے خلاف روس اپنی دانست میں ٹھیک راہ پر ہے اس لیے پاکستان نے بھی اس کی حمایت کی ہے۔
لیاقت بلوچ نے کہا کہ روس اور چین کے تعلقات کی مضبوطی پاکستان کے لیے بھی ضروری ہے۔
اہم شخصیت کو عہدے سے ہٹانے کا فیصلہ کر لیا گیا