مصطفی قتل کیس میں گرفتار مشہور اداکار کے بیٹے کے اہم انکشافات
اشاعت کی تاریخ: 23rd, February 2025 GMT
کراچی:
مصطفیٰ عامر قتل کیس کی تحقیقات جاری ہیں جس میں مشہور اداکار کے بیٹے کا نام بھی سامنے آگیا۔
پوش علاقے سے گرفتار مشہور ٹی وی اداکار ساجد حسن کے بیٹے ساحر حسن کے خلاف اسپیشلائزڈ انویسٹی گیشن یونٹ میں مقدمہ درج کرلیا گیا۔
ایس آئی یو پولیس کے مطابق اداکار ساجد حسن کے بیٹے ساحر حسن سے غیر ملکی برانڈ کی منشیات ملی ہے، ساحر حسن گزشتہ 2 سال سے منشیات فروخت کررہا تھا۔
ملزم ساحر حسن کے قبضے سے 50 لاکھ روپے مالیت کی منشیات ملی ہے اور وہ ارمغان کو بھی منشیات فروخت کرتا تھا۔
مزید پڑھیں: مصطفیٰ قتل کیس میں نیا موڑ، معروف پاکستانی اداکار کا بیٹا منشیات فروشی کے الزام میں گرفتار
ملزم ساحر حسن نے تفتیش میں اہم انکشافات کیے ہیں، ساحر حسن نے بتایا کہ وہ گزشتہ دو سال سے منشیات فروخت کررہا ہے۔ ملزم نے بتایا کہ وہ بازل اور یحییٰ نامی منشیات فروشوں سے ڈرگز حاصل کرکے شہر کے پوش علاقوں میں فروخت کرتا ہے۔
ایس آئی یو پولیس کے مطابق ملزم ساحر حسن کو ڈیفنس فیز 6 خیابان راحت سے گرفتار کیا گیا تھا، ملزم کے خلاف منشیات کی دفعات کے تحت مقدمہ درج کرلیا گیا ہے۔
.ذریعہ: Express News
پڑھیں:
یونان کشتی حادثے کا مرکزی کردار انسانی سمگلر عمران ٹونی مصر سے گرفتار
اسلام آباد (صغیر چوہدری) ایف آئی اے کی بڑی کامیابی، کشتی حادثات میں ملوث انتہائی مطلوب انسانی سمگلر عمران عرف ٹونی کو انٹرپول کی مدد سے مصر سے گرفتار کر لیا گیا۔
ایف آئی اے گوجرانوالہ زون نے انٹرپول کی معاونت سے کارروائی کرتے ہوئے انسانی سمگلنگ کے بین الاقوامی نیٹ ورک سے وابستہ مرکزی ملزم عمران عرف ٹونی کو مصر سے گرفتار کر کے پاکستان منتقل کر دیا۔ ملزم یونان کشتی حادثہ 2023 کا مرکزی کردار تھا، جس میں درجنوں پاکستانی جان سے گئے تھے۔
ایف آئی اے کے مطابق عمران ٹونی 2012 سے لیبیا سے انسانی سمگلنگ کی سرگرمیوں میں ملوث تھا اور سیف ہاؤسز کے نیٹ ورک کے ذریعے شہریوں کو غیر قانونی طور پر یورپ بھجوانے میں سہولت کاری کرتا تھا۔ ملزم نے درجنوں پاکستانیوں کو سمندر کے راستے بیرون ملک بھجوانے کا جھانسہ دے کر لاکھوں روپے بٹورے۔
ترجمان ایف آئی اے نے بتایا کہ ملزم کے خلاف انسانی سمگلنگ کے متعدد مقدمات درج ہیں۔ انٹرپول اسلام آباد اور انٹرپول مصر کی قریبی رابطہ کاری سے ملزم کی حوالگی ممکن ہوئی۔ گرفتار ملزم سے تفتیش کا آغاز کر دیا گیا ہے، جب کہ نیٹ ورک میں شامل دیگر ایجنٹوں کی گرفتاری کے لیے چھاپے مار کارروائیاں جاری ہیں۔
ڈائریکٹر گوجرانوالہ زون عبدالقادر قمر نے کہا کہ کشتی حادثات میں ملوث عناصر کے خلاف کریک ڈاؤن تیز کر دیا گیا ہے۔ انہوں نے واضح کیا کہ انسانی سمگلنگ کے خلاف زیرو ٹالرنس پالیسی پر عمل جاری ہے، اور معصوم جانوں سے کھیلنے والوں کو قانون کے مطابق سخت سزائیں دلوائی جائیں گی۔
انہوں نے مزید کہا کہ ملک کے تمام ایئرپورٹس پر ایف آئی اے افسران ایجنٹوں کی نگرانی کے لیے مستعد ہیں اور بین الاقوامی سطح پر انسانی سمگلنگ کے نیٹ ورک کو جڑ سے اکھاڑنے کے لیے تمام وسائل بروئے کار لائے جا رہے ہیں۔
Post Views: 4
پانی روکنے کیلئے بھارت نے کوئی قدم اٹھایا تو اس کو ہم جنگ تصور کریں گے، یوسف رضا گیلانی