میجر عدنان اسلم شہید کی نمازِ جنازہ راولپنڈی میں ادا، فیلڈ مارشل اور وزیراعظم کی شرکت
اشاعت کی تاریخ: 9th, September 2025 GMT
راولپنڈی:
بنوں میں دہشت گردوں سے لڑتے ہوئے زخمی بعدازاں شہید ہوئے میجرعدنان اسلم شہید کی نمازِ جنازہ راولپنڈی میں ادا کردی گئی۔
ایکسپریس نیوز کے مطابق میجر عدنان اسلم شہید کی نمازِ جنازہ چکلالہ راولپنڈی میں ادا کی گئی جس میں وزیراعظم محمد شہباز شریف، وزیر دفاع، وزیر اطلاعات، آرمی چیف فیلڈ مارشل سید عاصم منیر، عسکری و سول حکام اور شہید کے اہلِ خانہ نے شرکت کی۔
شہید کو ان کے آبائی گاؤں میں پورے فوجی اعزاز کے ساتھ سپردِ خاک کیا جائے گا۔
شہید افسر 2 ستمبر کو بنوں میں فتنہ الخوارج کے بزدلانہ حملے کے دوران بہادری سے لڑتے ہوئے زخمی ہوئے تھے بعدازاں انہوں نے سی ایم ایچ میں دورانِ علاج جامِ شہادت نوش کیا۔
وزیراعظم نے کہا کہ ہم نے وطن کا ایک بہادر سپوت کھو دیا ہے جس کی جرأت و قربانی ہمیشہ قوم کے دلوں میں زندہ رہے گی، شہید پاکستان کی بہترین پہچان تھے، وطن سے غیر مشروط محبت، ثابت قدمی اور ناقابلِ شکست قربانی کا پیکر تھے، میجر عدنان کی شہادت اس بات کی گواہی ہے کہ پاک فوج دہشت گردی کے مکمل خاتمے کے مشن پر ثابت قدم ہے۔
.ذریعہ: Express News
پڑھیں:
بلوچستان: کیچ میں آپریشن، 5 دہشتگرد ہلاک، 5 جوان شہید
بلوچستان کیچ کے علاقے شیر بندی میں آپریشن کے دوران آئی ای ڈی دھماکے سے 5 بہادر سپوت جامِ شہادت نوش کرگئے۔
پاک فوج کا شعبہ تعلقات عامہ (آئی ایس پی آر) کے مطابق کلیئرنس آپریشن کے دوران بھارتی پراکسی فتنہ الہند کے 5 دہشت گردوں کو ہلاک کیا گیا۔
پاک فوج کے شہداء میں کیپٹن وقار احمد، نائیک عصمت اللّٰہ، لانس نائیک جنید احمد، لانس نائیک خان محمد اور سپاہی محمد ظہور بھی شامل ہیں۔
آئی ایس پی آر کا کہنا ہے کہ سیکیورٹی فورسز بھارتی سرپرستی یافتہ دہشت گردی کے مکمل خاتمے کے لیے پرعزم ہیں۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام