خیبرپختونخوا کے مختلف مقامات پربرفباری و بارش ، سیاح برفباری دیکھنے پہنچ گئے
اشاعت کی تاریخ: 25th, February 2025 GMT
پشاور سمیت خیبرپختونخوا کے مختلف علاقوں میں بارش اور برفباری سے سردی کی شدت میں اضافہ ہوگا۔
محکمہ موسمیات کے مطابق پشاور سمیت خیبرپختونخوا کے میدانی علاقوں میں بارش اور پہاڑی علاقوں پارا چنار، مالم جبہ، دیر بالا اور چترال میں برف باری کا سلسلہ جاری ہے۔
بارش سے سردی کی شدت بڑھ گئی۔ آئندہ 24 گھنٹوں کے دوران وقفے وقفے سے بارش کا سلسلہ جاری رہنے کا امکان ہے۔ ۔دیر کے شہری علاقوں میں رات گئے سے بارش اور بالائی علاقوں پر برف باری جاری ہے۔ برفباری سے جاتی سردی لوٹ آئی۔
دیرلوئر، لواری ٹنل ،وادی کمراٹ جہاز بانڈہ، عشیرئی درہ ،کلپانی ،شاہی بن شاہی اور وادی لڑم پرشدید برف باری جاری ہے۔ برف باری سے بالائی علاقوں کی سڑکیں بند ہیں۔ بارش اور برفباری سے ندی نالوں میں پانی کی سطح بلند ہونے لگی۔ برفباری انجوائے کرنے کے لیے لوگوں نے سیاحتی مقامات کا رخ کرلیا۔
بارش سے متعدد فیڈر ٹرپ
ترجمان پشاور الیکٹرک سپلائی کمپنی ( پیسکو) کے مطابق بارش کے باعث متعدد علاقوں میں 71 فیڈرز ٹرپ ہونے سے بجلی کی فراہمی متاثرہوئی۔ پشاور میں 19، بنوں میں 15، خیبر میں 17 اور ڈیرہ اسماعیل خان سرکل میں 12 فیڈرز سے بجلی کی ترسیل متاثرہوئی۔
اس کے علاؤہ دیگرسرکلز میں بھی بیشتر فیڈرز ٹرپ ہوئے ہیں۔ پیسکو چیف ایگزیکٹو آفیسر اختر حمید خان کی ہدایت پر فیلڈ اسٹاف کو ہائی الرٹ کر دیا گیا ہے۔متعدد علاقوں کو متبادل روٹ سے بجلی فراہم کر دی گئی ہے۔
بارش کی کمی کے ساتھ ہی بجلی کی بحالی کا عمل شروع کر دیا جائے گا۔ پیسکو ریجن کے بقیہ فیڈرز پر معمول کے مطابق بجلی فراہم کی جا رہی ہے۔
ترجمان پیسکو کے مطابق صارفین سے التماس ہے کہ بارش کے دوران بجلی تنصیبات سے دور رہیں۔ کسی بھی ایمرجنسی کی صورت میں پیسکو ہیلپ لائن 118 پر مفت کال کریں۔ خراب موسم کے پیش نظر عوام سے تعاون کی اپیل ہے۔
.ذریعہ: Express News
کلیدی لفظ: علاقوں میں بارش اور کے مطابق
پڑھیں:
کراچی میں بارش کا آغاز،پنجاب میں بارش سے 7 اموات
data-id="863a0a8" data-element_type="widget" data-widget_type="theme-post-content.default">
کراچی/ لاہور/ جہلم/ بہاولنگر/ ملتان (آن لائن +مانیٹرنگ ڈیسک) کراچی بھر میں گرج چمک کے ساتھ ہلکی اور تیز بارش، جل تھل ایک ہوگیا، تھوڑی ہی ہونیو الی بارش سے شہر کی بیشتر سڑکیں تالاب بن گئیں، کئی سڑکوں پر گٹر ابل پڑے، ٹریفک جام ہونے سے شہری اذیت میں مبتلا، بیشتر موٹرسائیکلیں بند ہوگئیں، بارش شروع ہوتے ہی کے الیکٹرک کے تقریباً 300 فیڈر ٹرپ کرگئے جس سے گلشن اقبال، نارتھ کراچی ، ناظم آباد، سرجانی، گڈاپ، گلشن معمار اور دیگر علاقے تاریکی میں ڈوب گئے۔ پنجاب کے مختلف علاقوں میں تیز آندھی اور موسلا دھار بارش نے تباہی مچا دی، مختلف حادثات میں 4 بچوں سمیت 7 افراد جاں بحق جبکہ 3 خواتین اور دو بچیوں سمیت 12 افراد زخمی ہو گئے۔ محکمہ موسمیات کے مطابق کراچی میں آج(جمعہ) سے 29 جون تک گرج
چمک کے ساتھ بارشوں کا سلسلہ جاری رہنے کی پیشگوئی کی ہے۔ محکمہ کا کہنا ہے کہ جمعہ کے روز وقفے وقفے سے بادل برسیں گے جبکہ ہفتہ اور اتوار کو موسلادھار بارش کے باعث اربن فلڈنگ کا خدشہ ہے۔ محکمہ موسمیات کے مطابق مون سون بارشوں کا پہلا اسپیل 2 جولائی تک شہر کو متاثر کرتا رہے گا جبکہ دوسرا اسپیل 5 جولائی سے ملک بھر میں اثرانداز ہوگا۔ محکمہ موسمیات نے خبردار کیا ہے کہ شدید بارشوں کے نتیجے میں کراچی کے نشیبی علاقے زیرآب آسکتے ہیں۔ دوسری جانب جہلم میں ایک لوڈر رکشہ بارش کے باعث پھسل کر نالے میں جا گرا، جہاں ریسکیو ٹیم نے 6 افراد کو بروقت بچا لیا۔ بہاولنگر میں بارش کے باعث مکان کی چھت گرنے سے 4 سالہ بچہ جاں بحق ہو گیا۔چونیاں میں بھی چھت گرنے سے 2 کمسن بچیاں زندگی کی بازی ہار گئیں، ملتان میں بوسن روڈ کے قریب آندھی سے گھر کی دیوار گرنے سے 3 خواتین دب کر زخمی ہوئیں۔ محکمہ موسمیات کے مطابق آئندہ 24 گھنٹے کے دوران بھی پنجاب کے کئی علاقوں میں مزید بارشوں کی پیشگوئی ہے۔ علاوہ ازیں وزیراعلیٰ پنجاب مریم نواز نے بارش کے دوران لاہور کے مختلف علاقوں کا دورہ کیا، انہوں نے گلبرگ، قذافی اسٹیڈیم، ظہورالٰہی روڈ اور مین مارکیٹ میں نکاسی آب کے انتظامات کا جائزہ لیا۔ چیف سیکرٹری اور واسا حکام نے وزیراعلیٰ کو نکاسی آب اور سسٹین ایبل ڈیولپمنٹ کے تحت جاری منصوبوں پر تفصیلی بریفنگ دی۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی