اب واٹس ایپ وائس میسیجز کو تحریر میں بدلیں! نئے فیچر نے کمال کردیا
اشاعت کی تاریخ: 27th, February 2025 GMT
کیا آپ جانتے ہیں کہ اب آپ واٹس ایپ پر موصول ہونے والے وائس میسیجز کو آسانی سے تحریری شکل میں تبدیل کرسکتے ہیں؟
واٹس ایپ نے نومبر 2024 میں یہ دلچسپ فیچر متعارف کرایا تھا، جو اب پاکستانی صارفین کےلیے بھی دستیاب ہے۔ اس فیچر کی مدد سے آپ وائس میسیجز کو خودکار طور پر تحریر میں بدل سکتے ہیں، جو خاص طور پر مصروف لمحات میں بہت کارآمد ثابت ہوسکتا ہے۔
یہ فیچر کس طرح کام کرتا ہے؟
واٹس ایپ کا یہ فیچر وائس میسیجز کو تحریری شکل میں تبدیل کرنے کےلیے جدید ٹیکنالوجی کا استعمال کرتا ہے۔ فی الحال، یہ سہولت چار زبانوں میں دستیاب ہے: انگریزی، ہسپانوی، پرتگیزی، اور روسی۔ واٹس ایپ کی انتظامیہ کے مطابق مستقبل میں مزید زبانوں کو بھی شامل کیا جائے گا، لیکن اردو زبان کے لیے ابھی کوئی حتمی تاریخ طے نہیں کی گئی ہے۔
فیچر کو کیسے فعال کریں؟
اس فیچر کو استعمال کرنے کےلیے سب سے پہلے واٹس ایپ کی سیٹنگز میں جائیں۔ وہاں ‘چیٹس‘ کے سیکشن میں ‘وائس نوٹس‘ کا آپشن تلاش کریں۔ اسے کھولنے کے بعد آپ سے پوچھا جائے گا کہ آپ کو زیادہ تر کس زبان میں وائس میسیجز موصول ہوتے ہیں۔ زبان منتخب کرنے کے بعد یہ فیچر خودکار طور پر فعال ہوجائے گا، اور آپ کو موصول ہونے والے تمام وائس میسیجز تحریری شکل میں نظر آئیں گے۔
کیا یہ فیچر ہر زبان کےلیے دستیاب ہے؟
فی الحال، یہ فیچر صرف انگریزی، ہسپانوی، پرتگیزی، اور روسی زبانوں کےلیے دستیاب ہے۔ اردو سمیت دیگر زبانوں کےلیے اس فیچر کو متعارف کرانے پر کام جاری ہے، لیکن ابھی تک کوئی حتمی تاریخ سامنے نہیں آئی ہے۔
یہ فیچر کیوں اہم ہے؟
یہ فیچر خاص طور پر ان صارفین کےلیے مفید ہے جو مصروف زندگی کے باعث وائس میسیجز سننے کا وقت نہیں نکال پاتے۔ تحریری شکل میں میسیجز کو پڑھنا نہ صرف تیز ہے بلکہ یہ پرائیویسی کے لحاظ سے بھی بہتر ہے، خاص طور پر عوامی مقامات پر۔
واٹس ایپ کا یہ نیا فیچر صارفین کےلیے رابطے کو مزید آسان اور موثر بنا رہا ہے۔ اگر آپ نے ابھی تک اسے استعمال نہیں کیا ہے، تو آج ہی سیٹنگز میں جائیں اور اسے فعال کرکے دیکھیں!
.
ذریعہ
ذریعہ: Express News
کلیدی لفظ: وائس میسیجز کو تحریری شکل میں دستیاب ہے واٹس ایپ
پڑھیں:
اٹلی میں 4 پاکستانیوں کو وین میں بند کرکے جلاکر قتل کردیا گیا، پاکستانی ہی قاتل نکلے، 2 ملزم گرفتار
روم ( اُردو پوائنٹ اخبارتازہ ترین۔ 02 جون2026ء ) اٹلی کے جنوبی علاقے میں 4 پاکستانی کھیت مزدوروں کو ایک منی وین کے اندر مبینہ طور پر زندہ جلا کر قتل کر دیا گیا، اطالوی پولیس نے اس وحشیانہ قتل کے الزام میں 2 پاکستانی شہریوں کو گرفتار کرلیا۔ اطالوی اخبار کوریئر ڈیلا سیرا (Corriere della Sera) کے حوالے سے رپورٹ کیا گیا ہے کہ اٹلی کے جنوبی علاقے کلابریا میں ایک پیٹرول پمپ کے قریب ایک جلی ہوئی منی وین سے چار پاکستانی کارکناں کی لاشیں برآمد ہوئی ہیں، اطالوی پولیس نے کارروائی کرتے ہوئے ان مقتولین کے قتل کے شبہے میں 2 پاکستانی باشندوں کو حراست میں لے لیا، اطالوی پولیس نے گرفتار دونوں پاکستانی ملزمان کو ریمانڈ پر لے کر ان سے تفتیش شروع کر دی تاکہ اس گینگ اور دیگر سہولت کاروں کا پتہ لگایا جا سکے۔(جاری ہے)
بتایا گیا ہے کہ یہ ہولناک واقعہ کلابریا کے ایک وسیع زرعی علاقے میں واقع گاؤں امینڈولارا کے قریب ایک پیٹرول اسٹیشن پر پیش آیا، پیٹرول پمپ پر لگے سی سی ٹی وی کیمروں کی تصاویر نے اس سفاکیت کو بے نقاب کیا، قانون نافذ کرنے والے اداروں نے فوٹیج میں دیکھا کہ دو افراد نے باہر سے منی وین کے دروازوں کو بلاک کر دیا تاکہ اندر موجود لوگ باہر نہ نکل سکیں۔ معلوم ہوا ہے کہ دروازے بند کرنے کے بعد ان افراد نے گاڑی کے اندر کوئی آتش گیر مائع پٹرول یا کیمیکل پھینکا، مائع پھینکتے ہی گاڑی میں خوفناک آگ بھڑک اٹھی اور دونوں ملزمان موقع سے فرار ہو گئے، فائر فائٹرز نے موقع پر پہنچ کر جب آگ پر قابو پایا تو گاڑی کے اندر سے چاروں پاکستانیوں کی جھلسی ہوئی لاشیں برآمد ہوئیں، مقامی پولیس چیف انتونیو بوریلی نے تصدیق کی کہ یہ یقینی طور پر قتل کا معاملہ ہے، ہمیں بس اب اس کی مزید تفصیلات اور تانے بانے معلوم کرنے ہیں۔ بتایا جارہا ہے کہ یہ علاقہ گزشتہ چند ماہ سے تارکینِ وطن کے درمیان شدید کشیدگی کا مرکز بنا ہوا تھا، اس زرعی علاقے میں غیر ملکیوں اور خاص طور پر پاکستانیوں کے درمیان کھیتوں میں کام کی تقسیم، رہائشی کاغذات اور رہائش گاہوں کے مسائل پر شدید اختلافات چل رہے ہیں، حالیہ مہینوں میں اسی علاقے کے اندر پاکستانیوں کو لے جانے والی کاروں اور منی وینز کو آگ لگانے کے 14 واقعات پہلے بھی رپورٹ ہو چکے ہیں، جن کا انجام اب اس ہولناک ڈبل مرڈر کی صورت میں سامنے آیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ