دارالعلوم حقانیہ میں دہشتگردی کا واقعہ ہماری پالیسیوں کا شاہکار ہے، اسد قیصر
اشاعت کی تاریخ: 1st, March 2025 GMT
پاکستان تحریک انصاف (پی ٹی آئی) کے سینیئر رہنما و سابق اسپیکر قومی اسمبلی اسد قیصر نے کہا ہے کہ اس وقت وفاقی حکومت پی ٹی آئی کو دبانے میں لگی ہوئی ہے، گزشتہ روز دارالعلوم حقانیہ میں پیش آنے والا دہشتگردی کا واقعہ قابل مذمت اور ہماری پالیسیوں کا شاہکار ہے۔
اے این پی کے رہنما میاں افتخار حسین کے ہمراہ میڈیا سے گفتگو کرتے ہوئے انہوں نے کہاکہ پورے ملک میں امن وامان کے لیے پالیسی ناگزیر ہے، افغان پالیسی پر کام ہونا چاہیے۔
یہ بھی پڑھیں دارالعلوم حقانیہ میں خودکش حملے میں شہید ہونیوالے مولانا حامدالحق حقانی کون تھے؟
اسد قیصر نے کہاکہ اس وقت ہماری پارلیمنٹ جعلی ہے، ضروری ہے کہ ملک میں فری اینڈ فیئر انتخابات کرائے جائیں۔ عید کے بعد اس حکومت کے خلاف بھرپور احتجاج کریں گے۔
انہوں نے کہاکہ ہمیں رکاوٹوں کی کوئی پرواہ نہیں، اگر کسی نے روکنے کی کوشش کی تو پھر دمادم مست قلندر ہوگا۔
انہوں نے کہاکہ ہمارا صوبہ اس وقت حالت جنگ میں ہے، اور ہمارا واحد مطالبہ ہے کہ ہمیں صوبے میں امن چاہیے۔
اس موقع پر اے این پی کے رہنما میاں افتخار حسین نے کہاکہ خیبرپختونخوا میں سب سے زیادہ دہشتگردی ہے، خارجی اور اندرونی پالیسی پر کام ہونا چاہیے۔
انہوں نے کہاکہ دارالعلوم حقانیہ میں دہشتگردی کا واقعہ پیش آنا اس بات کا واضح ثبوت ہے کہ دہشتگرد کی لہر کس حد تک خطرناک ہے۔
انہوں ںے کہاکہ صوبے کے ہر ضلع میں دہشت گردوں کی تنظیمیں موجود ہیں، اور کوئی جگہ محفوظ نہیں ہے۔
یہ بھی پڑھیں جے یو آئی س کے سربراہ حامد الحق حقانی کی نماز جنازہ ادا، مبینہ خود کش حملہ آور کی تصویر جاری
واضح رہے کہ گزشتہ روز دارالعلوم حقانیہ میں خودکش دھماکا ہوا تھا جس کے نتیجے میں مولانا سمیع الحق شہید کے فرزند مولانا حامد الحق سمیت 6 افراد شہید ہوگئے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسد قیصر دارالعلوم حقانیہ دہشتگردی واقعہ مولانا حامد الحق مولانا سمیع الحق میاں افتخار وی نیوز.ذریعہ: WE News
کلیدی لفظ: دارالعلوم حقانیہ دہشتگردی واقعہ مولانا حامد الحق مولانا سمیع الحق میاں افتخار وی نیوز دارالعلوم حقانیہ میں انہوں نے کہاکہ
پڑھیں:
اے ٹی سی عدالت نے 9 مئی کے مقدمات میں پی ٹی آئی رہنماﺅں سمیت 17 افراد پر فرد جرم عائد کر دی
کراچی(اردوپوائنٹ اخبار تازہ ترین۔24اپریل 2025)انسداد دہشتگردی عدالت نے 9مئی کے مقدمات میں پی ٹی آئی رہنماﺅں سمیت 17افراد پر فرد جرم عائد کر دی، کمرہ عدالت میں موجود ملزمان نے صحت جرم سے انکار کردیا،عدالت نے آئندہ سماعت پر تفتیشی افسر اور استغاثہ کے گواہوں کو طلب کر لیا،کراچی کی انسداد دہشتگردی عدالت (اے ٹی سی) میں 9 مئی کو شاہ فیصل تھانے میں ہنگامہ آرائی اور سرکاری املاک کو نقصان پہنچانے کے کیس کی سماعت ہوئی۔ پی ٹی آئی رہنما راجہ اظہر، فہیم خان اور شاہنواز جدون سمیت دیگر ملزمان پیش ہوئے۔اے ٹی سی عدالت نے 17 ملزمان پر مقدمے میں فرد جرم عائد کی۔بعدازاں عدالت نے آئندہ سماعت پر تفتیشی افسر اور استغاثہ کے گواہوں کو طلب کرتے ہوئے مقدمے کی سماعت 6 مئی تک ملتوی کر دی۔(جاری ہے)
دوسری جانب انسداد دہشت گردی کی عدالت نے پاکستان تحریک انصاف کے رہنماءاسد قیصر کی سنگجانی جلسے کے مقدمے میں عبوری ضمانت میں 21 مئی تک توسیع کر دی ۔
انسداد دہشتگردی عدالت (اے ٹی سی) کے جج ابوالحسنات ذوالقرنین نے اسد قیصر کی ضمانت قبل از گرفتاری کی درخواست پر سماعت کی۔اس دوران پاکستان تحریک انصاف کے رہنماءاسد قصر اپنی وکیل عائشہ خالد کے ہمراہ عدالت میں پیش ہوئے۔تفتیشی افسر کی استدعا پر درخواست ضمانت پر آج دلائل نہیں ہو سکے۔ عدالت نے ہدایت کی کہ کیس کی اگلی سماعت پر ریکارڈ پیش کیا جائے اور دلائل دیئے جائیں۔ بعدازاں عدالت نے اسد قیصر کی عبوری ضمانت میں توسیع کرتے ہوئے سماعت 21 مئی تک ملتوی کر دی۔گزشتہ سماعت پر بھی اسلام آباد کی انسداد دہشت گردی کی عدالت سنگجانی جلسہ توڑ پھوڑ کیس میں پی ٹی آئی کے رہنما اسد قیصر کی عبوری ضمانت میں 24 اپریل تک توسیع کر دی تھی۔انسداد دہشت گردی کی عدالت کے جج طاہر عباس سِپرا نے اسد قیصر کی درخواست ضمانت پر سماعت کی تھی۔
پاکستان بھر میں کے ایف سی پر حملوں کے واقعات، 178 افراد گرفتار