سندھ بلڈنگ، ڈی جی اسحاق کھوڑو کی کرم نوازی ذوالفقار راؤ ناظم آباد پر قابض
اشاعت کی تاریخ: 3rd, March 2025 GMT
عمارتوں پر نمائشی انہدامی کاروائیاں محض مال بٹورنے کا ذریعہ ہیں، جرأت سروے
ناظم آباد کے مختلف پلاٹ 9/15C 20/10اور3B 2/18پر نمائشی کا رروائیاں
ناظم آباد پر قابض اسسٹنٹ ڈائریکٹر ذوالفقار راؤ پر ڈائریکٹر جنرل اسحاق کھوڑو کی کرم نوازیاں جاری ہیں جس کا بھرپور فائدہ اٹھاتے ہوئے ناظم آباد میں خود ساختہ سسٹم تشکیل دے کر نمائشی انہدام کی آڑ میں دس سے پندرہ لاکھ روپے فی پلاٹ بٹورنے کا سلسلہ تیز کر دیا گیاہے۔ سروے پر موجود نمائندہ جرأت کو حقائق بتاتے ہوئے متاثرہ شخص کا کہنا ہے کہ پہلے بیس لاکھ وصول کرنے کے عوض بالائی منزل کی تعمیر کا اجازت نامہ دیا گیا تھا اور پھر کچھ ہی دنوں بعد ذوالفقارراؤ اپنی ٹیم کے ہمراہ سائٹ پر تشریف لائے اور انہدام سے محفوظ رکھنے کے مزید پندرہ لاکھ روپے طلب کئے جس کا میں فوری طور پر انتظام نہ کر سکا ،پھر بڑی منت سماجت کے بعد بیرونی حصوں کی معمولی توڑ پھوڑ کر کے مخصوص زاویوں سے تصاویر بنانے کے بعد آٹھ لاکھ بٹور کر چلتے بنے ۔سروے پر موجود نمائندہ جرأت نے دیکھا کہ منہدم کی جانی والی عمارتوں پر نمائشی انہدامی کاروائیاں محض مال بٹورنے کا ذریعہ ہیں ۔اس وقت ناظم آباد میں پلاٹ نمبر 3D 7/33F 16/135C 9/15C 20/10 اور3B 2/18 پر نمائشی انہدامی کاروائیاں کی گئی ہیں۔ دلچسپ امر یہ ہے کہ گزشتہ دنوں بننے والی غیر قانونی بالائی منزلوں پر نمائشی انہدامی کاروائیاں کی گئیں تھیں جن کی ازسرنو تعمیر کا عمل بھی شروع کروایا جاچکا ہے جس پر اہل علاقہ میں شدید غم وغصہ پایا جاتا ہے جس کی تفصیلات آئندہ شمارے میں شائع کی جائیں گی۔
.ذریعہ: Juraat
کلیدی لفظ: پر نمائشی انہدامی کاروائیاں
پڑھیں:
کراچی کے منصوبے شروع ہو جاتے‘ مکمل ہونے کا نام نہیں لیتے: حافظ نعیم
کراچی (نوائے وقت رپورٹ) امیرجماعت اسلامی پاکستان حافظ نعیم الرحمن نے کہا ہے کہ ہمارے 9 ٹاؤنز چیئرمینوں کی کارکردگی قابض میئر کی کارکردگی کے مقابلے میں کہیں زیادہ بہتر ہے، ہم تو چاہتے ہیں کہ تعلیم،صحت، عوامی خدمت اور تعمیر وترقی میں مقابلہ ہو لیکن پیپلزپارٹی کا ان کاموں سے کوئی تعلق نہیں، اختیارات و وسائل کی کمی کے باوجود ہمارے تمام ٹاؤنز میں تعمیر وترقی کا سفر شروع ہو چکا ہے۔ ہمارا عزم ہے کہ اختیارات سے بڑھ کر عوامی خدمت کا عمل جاری رکھیں گے۔ پیپلزپارٹی رکاوٹیں ڈالنے کے بجائے ٹاؤن، یوسیز کو فنڈز دے۔ فارم 47 والی حکومت اور قبضہ میئر شپ کو تسلیم نہیں کرتے، کراچی کے ترقیاتی منصوبے تو شروع ہو جاتے ہیں لیکن مکمل ہونے کا نام نہیں لیتے، کراچی کو لوٹنے و تباہ و برباد کرنے والا وڈیرہ شاہی مائنڈ سیٹ اب مزید نہیں چلے گا۔ سسٹم کو اب خیرباد کہنے کا وقت آگیا ہے۔ ان خیالات کا اظہار انہوں نے ٹی ایم سی نارتھ ناظم آباد کے تحت پارک بارہ دری بلاک Aمیں نارتھ ناظم آباد کے عوام کے لیے تکمیل شدہ اور آئندہ کے ترقیاتی منصوبوں کے حوالے سے منعقدہ تقریب و پریس بریفنگ اور ٹی ایم سی نیو کراچی کے تحت پاور ہاؤس چورنگی سے نیو کراچی نمبر 3 تک نئی تعمیر شدہ سڑک کے افتتاح کے موقع پر خطاب کرتے ہوئے کیا۔ حافظ نعیم الرحمن نے نارتھ ناظم آباد ٹاؤن کے آئندہ کے منصوبوں کے حوالے سے تختی کی نقاب کشائی بھی کی اور نیو کراچی میں معروف نعت گو شاعر اعجاز رحمانی کے نام سے منسوب سڑکوں کا افتتاح کیا۔
صدر آزاد جموں وکشمیر بیرسٹر سلطان محمود کی پیپلز پارٹی کی مرکزی رہنما فریال تالپور سے ملاقات