عمران خان کو جیل کے ڈیتھ سیل میں رکھا گیا ہے، ملاقات کی اجازت نہیں، پی ٹی آئی نے احتجاج کا عندیہ دیدیا
اشاعت کی تاریخ: 3rd, March 2025 GMT
پاکستان تحریک انصاف (پی ٹی آئی) کے مرکزی سیکریٹری اطلاعات شیخ وقاص اکرم نے کہا ہے کہ حکومت جو حرکتیں کررہی ہے اس سے ہم احتجاج پر مجبور ہورہے ہیں، کیوں کہ اس وقت عمران خان سے کسی کو ملاقات کی اجازت نہیں دی جارہی۔
پشاور میں پریس کانفرنس کرتے ہوئے شیخ وقاص اکرم نے کہاکہ عمران خان کو اڈیالہ جیل کے ڈیتھ سیل میں رکھا گیا ہے، حکومت بانی پی ٹی آئی سے ملاقات کی اجازت نہ دے کر عدالتی احکامات کی خلاف ورزی کررہی ہے۔
یہ بھی پڑھیں عمران خان کو 10 دن ڈیتھ سیل میں رکھا گیا، فیصل چوہدری
انہوں نے کہاکہ ہم نے عمران خان سے ملاقات کی اجازت نہ دینے پر توہین عدالت کی درخواست دائر کردی ہے۔ اس وقت تو صورت حال یہ ہے کہ وزیراعلیٰ خیبرپختونخوا اور عمران خان کی فیملی کو لوگوں کو ان سے ملاقات کی اجازت نہیں مل رہی۔
شیخ وقاص اکرم نے کہاکہ جیل حکام عمران خان کو اخبار تک پڑھنے کے لیے نہیں دے رہے، اہلیہ سے ان کی ملاقات دو بار ملتوی ہو چکی ہے۔
سیکریٹری اطلاعات پی ٹی آئی نے کہاکہ عدالت کے احکامات کے باوجود عمران خان کی بچوں سے بھی بات نہیں کرائی جارہی۔
انہوں نے کہاکہ حکومت کچھ بھی کرلے لیکن عمران خان مضبوط اعصاب کے مالک ہیں۔ بانی پی ٹی آئی کے طبی معائنے کے لیے ذاتی معالج کو رسائی دی جائے۔
یہ بھی پڑھیں برطانیہ پاکستان میں جمہوریت کو لاحق خطرات سے متعلق اپنا کردار ادا کرے، بانی پی ٹی آئی عمران خان
ان کا کہنا تھا کہ تحریک انصاف نے اپنے دور حکومت میں غریبوں کو احساس پیکج دیا تھا، اس وقت بھی خیبرپختونخوا حکومت 10 ہزار روپے فی خاندان دے رہی ہے، جبکہ وفاقی حکومت کی جانب سے صرف 5 ہزار روپے دیے جارہے ہیں جو شرمناک ہے، ذاتی تشہیر کے بجائے حکومت رقم عوام پر خرچ کرے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews احتجاج کا عندیہ پاکستان تحریک انصاف پی ٹی آئی حکومت ڈیتھ سیل عمران خان ملاقات اجازت وی نیوز.ذریعہ: WE News
کلیدی لفظ: احتجاج کا عندیہ پاکستان تحریک انصاف پی ٹی ا ئی حکومت ڈیتھ سیل ملاقات اجازت وی نیوز ملاقات کی اجازت عمران خان کو پی ٹی آئی نے کہاکہ
پڑھیں:
عمران خان سے پاورآف اٹارنی پر دستخط کی اجازت کیلیے علیمہ خان عدالت پہنچ گئیں
اسلام آباد:علیمہ خان نے بانی پی ٹی آئی سے پاور آف اٹارنی پر دستخط کی اجازت کے لیے عدالت سے رجوع کرلیا۔
ایکسپریس نیوز کے مطابق علیمہ خان نے اسلام آباد ہائی کورٹ سے اڈیالہ جیل میں جمع کرائی گئی دستاویزات بانی چیئرمین پی ٹی آئی عمران خان سے دستخط کے بعد واپس کرانے کی استدعا کی ہے۔
علیمہ خان کی جانب سے بیرسٹر سلمان صفدر اور دیگر وکلا کے ذریعے اسلام آباد ہائی کورٹ میں درخواست دی گئی ہے، جس میں بتایا گیا ہے کہ لاہور ہائیکورٹ نے ضمانت کی درخواستیں مسترد کی ہیں۔ ضمانت مسترد ہونے کا فیصلہ سپریم کورٹ میں چیلنج کرنابانی پی ٹی آئی کا حق ہے۔
درخواست کے مطابق سپریم کورٹ میں اپیل کے لیے بانی پی ٹی آئی کے پاورآف اٹارنی پر دستخط ضروری ہیں۔ دستخط کے لیے وکلا نے دستاویزات ڈپٹی سپرنٹنڈنٹ اڈیالہ جیل کو دیں، جنہیں بانی پی ٹی آئی کے دستخط کرا کر واپس نہیں کیاجارہا۔
علیمہ خان کی جانب سے دائر درخواست میں مزید کہا گیاہ ے کہ سپریم کورٹ سے رجوع کے لیے مقررہ مدت ختم ہورہی ہے۔ عدالت پاورآف اٹارنی پر دستخط کروانے کی اجازت دے اور جیل حکام کو حکم دیاجائے کہ بانی پی ٹی آئی سے پاورآف اٹارنی پر دستخط کرانے کی اجازت دیں۔
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست