شادی کے 2 دن بعد ہی دلہن نے بچے کو جنم دے دیا، ہنگامہ برپا ہوگیا
اشاعت کی تاریخ: 4th, March 2025 GMT
نئی دہلی (نیوز ڈیسک) بھارتی ریاست اتر پردیش میں شادی کے دو دن بعد ہی دلہن کے ہاں بچے کی پیدائش کے بعد ہنگامہ برپا ہوگیا۔ دولہا کی بہن نے الزام لگایا کہ دلہن نے جان بوجھ کر اپنا بیبی بَمپ ایسے لہنگے میں چھپایا کہ اسے پہچاننا ممکن نہ ہو۔ دولہے کی بہن کے مطابق دلہن نے لہنگا کمر سے اوپر اس طریقے سے پہنا ہوا تھا کہ جس سے کوئی بھی اندازہ نہیں لگا سکتا تھا کہ یہ حاملہ ہے۔
بھارتی خبررساں ادارے کے مطابق شادی کے بعد صرف دو دن کے اندر ہی دلہن کو شدید تکلیف ہونے لگی اور جب اسے ہسپتال لے جایا گیا تو معلوم ہوا کہ وہ زچگی کے مراحل میں ہے۔ اس خبر نے دولہا اور اس کے اہل خانہ کو صدمے میں مبتلا کر دیا، جن کا کہنا ہے کہ انہیں اس بات کا کوئی اندازہ نہیں تھا کہ دلہن پہلے سے حاملہ تھی۔
دولہا کی بہن نے الزام لگایا کہ دلہن نے شادی کے دوران اپنا بیبی بمپ چالاکی سے لہنگے کے ذریعے چھپایا تھا، جس کی وجہ سے کسی کو بھی شک نہیں ہوا۔ ان کا کہنا تھا کہ دلہن نے لہنگا کمر سے اوپر تک پہن رکھا تھا اور انہیں لگا کہ شاید وہ سردی کی وجہ سے ایسا کر رہی ہے، اس لیے کسی نے اس معاملے پر زیادہ توجہ نہیں دی۔
یہ شادی 24 فروری کو ہوئی تھی اور اگلے دن دلہن کو سسرال لے جایا گیا جہاں روایتی “مُنہ دکھائی” کی رسم ادا کی گئی۔ 26 فروری کی صبح دلہن نے گھر کے افراد کو چائے پیش کی لیکن شام ہوتے ہی اس کی طبیعت بگڑ گئی۔ جب اسے ہسپتال لے جایا گیا تو ڈاکٹروں نے تصدیق کی کہ وہ حاملہ ہے اور زچگی کے مرحلے میں داخل ہو چکی ہے۔ صرف دو گھنٹے کے اندر ہی دلہن نے ایک بچے کو جنم دیا۔
دولہا کے اہل خانہ کا کہنا ہے کہ انہوں نے شادی سے پہلے دلہن کے ماضی کے بارے میں کوئی شک نہیں کیا تھا، جبکہ دلہن کے والدین کا دعویٰ ہے کہ لڑکی اور لڑکے کے درمیان پہلے سے رابطہ تھا اور ان کی شادی مئی 2023 میں طے ہو چکی تھی۔ تاہم دولہا نے اس دعوے کو رد کرتے ہوئے کہا کہ شادی اکتوبر میں طے پائی تھی اور اس نے دلہن کے ساتھ کسی بھی قسم کے تعلق کی تردید کی۔
اب دولہا کے خاندان نے مطالبہ کیا ہے کہ دلہن بچے کے والد کے بارے میں سچ بتائے، جبکہ دولہا نے اس شادی کو مسترد کرتے ہوئے تفتیش کا مطالبہ کیا ہے۔
مزیدپڑھیں:بھارت آسٹریلیاکو 4 وکٹوں سے شکست دیکر پانچویں بار چیمپئنز ٹرافی کے فائنل میں پہنچ گیا
ذریعہ: Daily Ausaf
کلیدی لفظ: شادی کے کہ دلہن ہی دلہن دلہن کے دلہن نے تھا کہ
پڑھیں:
بھارتی وفد کو لندن میں منہ کی کھانی پڑی، پاکستان مخالف ایجنڈا ناکام ہوگیا؛ شیری رحمان
لندن:پاکستانی اعلیٰ سطح وفد کی رکن سینیٹر شیری رحمان نے کہا ہے کہ برطانیہ میں بھارتی وفد کی پاکستان مخالف کوششیں ناکامی سے دوچار ہوئیں، کیونکہ ان کا ایجنڈا مبہم اور ناقابل فہم تھا۔
برطانوی دارالحکومت میں میڈیا کے نمائندوں سے بات کرتے ہوئے سینیٹر شیری رحمان نے بتایا کہ بھارتی وفد کی آمد کا مقصد پاکستان کے خلاف بیانات اکٹھے کرنا تھا، مگر وہ اس میں مکمل طور پر ناکام رہے۔ ان کے مطابق بھارتی وفد کی پوزیشن نہ صرف کمزور تھی بلکہ ان کا مقصد بھی کسی کو واضح طور پر سمجھ نہیں آیا۔
شیری رحمان کا کہنا تھا کہ پاکستانی وفد برطانوی حکام کو بھارت کی جانب سے کیے جانے والے منفی پروپیگنڈے اور سفارتی چالوں سے مکمل طور پر آگاہ کرے گا تاکہ سچ دنیا کے سامنے آئے۔
انہوں نے مزید بتایا کہ آئندہ 3 روز میں پاکستانی وفد کے سربراہ بلاول بھٹو زرداری مختلف برطانوی تھنک ٹینکس اور میڈیا اداروں سے ملاقاتیں کریں گے تاکہ پاکستان کا مؤقف مؤثر انداز میں پیش کیا جا سکے۔
یاد رہے کہ پاکستان کا اعلیٰ سطح کا سفارتی وفد بلاول بھٹو زرداری کی قیادت میں حالیہ دنوں میں امریکا کا دورہ مکمل کر کے اب برطانیہ پہنچ چکا ہے۔ امریکی دورے کے دوران وفد نے اقوام متحدہ، امریکی کانگریس کے اراکین اور حکومتی نمائندوں سے اہم ملاقاتیں کیں تھیں، جس میں پاکستان کا مؤقف بھرپور انداز میں پیش کیا۔
برطانیہ میں جاری سفارتی سرگرمیوں کو پاکستانی حکام ایک اہم موقع قرار دے رہے ہیں، جس کا مقصد نہ صرف بھارت کے منفی پراپیگنڈے کو بے نقاب کرنا ہے بلکہ عالمی برادری کو خطے کی حقیقی صورتحال سے آگاہ کرنا بھی ہے۔
ڈیرہ غازی خان میں پنجاب پولیس کی کامیاب کارروائی، 4خوارجی دہشت گرد ہلاک