پیپلز پارٹی حکومتی کارکردگی سے متعلق وائٹ پیپر جاری کرے گی
اشاعت کی تاریخ: 4th, March 2025 GMT
پاکستان پیپلز پارٹی وسطی پنجاب کے جنرل سیکرٹری حسن مرتضیٰ کا کہنا ہے کہ حکومت نے ایک سال میں کوئی ایسی کامیابی حاصل نہیں کی جس پر تعریف کی جائے، ایک دو دن میں حکومتی کارکردگی سے متعلق وائٹ پیپر جاری کریں گے۔حسن مرتضیٰ نے اپنے ایک بیان میں کہا کہ چینی، آئل، بیسن، دالیں، گوشت سمیت تمام سبزیاں مہنگی ہوگئی ہیں، اربوں روپے لگا کر جھوٹی تشہیر کر رہے ہیں ان کی تصویریں کوڑے دانوں پر ہی لگیں گی، ایک سال مکمل ہوگیا حکومت کی کارکردگی اگر بہتر ہوتی تو آج حالات بہتر ہوتے۔انہوں نے کہا کہ حکومت کی ترجیحات دیرپا نہیں ہیں، کبھی اسوٹی، لیپ ٹاپ اور ٹریکٹر بانٹ دیے تو کبھی کچھ، حکومت کی جانب سے ہمیں وہ اہمیت نہیں مل رہی جو اتحادی ہونے کی حیثیت سے ملنی چاہیے، کارکنوں کے کام نہیں ہو رہے جبکہ اتحادی ہونے کی حیثیت سے یہ ہونے چاہئیں۔رہنما پیپلز پارٹی نے کہا کہ پیپلز پارٹی نے ہمیشہ پارٹی کا نقصان تو کیا ہے لیکن ریاست کا نہیں کیا، رمضان میں کوئی پرائس کنٹرول کمیٹی کام نہیں کر رہی ضلعی انتظامیہ سوئی ہوئی ہے، مسلم لیگ (ن) کے ساتھ ہمارا اتحاد قدرتی نہیں، جب بھی (ن) لیگ اور پیپلز پارٹی کا اتحاد ہوا ہے ہمارے ورکرز کا ہی استحصال ہوا ہے۔ان کا کہنا تھا کہ ہم اس لیے (ن) لیگ کے ساتھ ہیں کہ ریاست کا نقصان نا ہو، (ن) لیگ کی پیپلز پارٹی سے کی جانے والی زیادتیاں سب کے سامنے ہیں جنہیں ہم کبھی نہیں بھول سکتے۔اس سے قبل رہنما پیپلز پارٹی شرمیلا فاروقی نے اے آر وائی نیوز سے گفتگو میں کہا کہ (ن) لیگ کی حکومت پی پی کی وجہ سے ہی کھڑی ہے، وزیر اعظم شہباز شریف سے بلاول بھٹو زرداری کی ملاقات آج یا کل ہو جائے گی جس میں مسائل کا حل نکلنا چاہیے۔شرمیلا فاروقی نے کہا کہ ایک طرف حکومت کہتی ہے رائٹ سائزنگ، ڈاؤن سائزنگ کررہے ہیں، دوسری طرف وفاقی کابینہ میں ارکان کی تعداد بڑھائی جارہی ہے، گزشتہ بجٹ کے موقع پر مسلم لیگ ن نے پی پی سے مشاورت نہیں کی تھی، ہم فنڈز اپنے لیے نہیں مانگ رہےعوام کے لیے مانگ رہے ہیں، پنجاب میں ہمارے ارکان کے فنڈز فراہمی سے متعلق تحفظات ہیں۔انہوں نے کہا کہ چاہتے ہیں حکومت اپنے کھلے دل کے ساتھ حکومت سازی کرے اور عوام کے مسائل حل کرے، ایک طرف ایف بی آر کے لیے گاڑیاں خریدی جارہی ہیں دوسری طرف ٹیکس نیٹ پورا نہیں، بجلی کی قیمتیں اپنی جگہ، افطار کے وقت لوڈشیڈنگ اور گیس کے مسائل ہوتے ہیں۔
.ذریعہ: Nawaiwaqt
پڑھیں:
وفاقی حکومت نے درخواست کی کہ نائب وزیرِاعظم کی فلسطین پر پالیسی بیان سُن لیں: اعجاز جاکھرانی
---فائل فوٹوپیپلز پارٹی کے رہنما اعجاز جاکھرانی نے کہا ہے کہ وفاقی حکومت نے درخواست کی تھی کہ نائب وزیرِاعظم کا قومی اسمبلی میں فلسطین پر پالیسی بیان سُن لیں۔
اعجاز جاکھرانی نے میڈیا سے غیر رسمی گفتگو کے دوران کہا کہ حکومت کے ساتھ معاملات طے نہیں پائے، پیپلز پارٹی صرف فلسطین پر بیان سننے کے لیے واک آؤٹ ختم کر کے ایوان میں آئی تھی۔
انہوں نے مزید کہا کہ آئندہ بھی کسی قانون سازی یا ایوان کی کارروائی کا حصہ نہیں بنیں گے۔
اسپیکر سردار ایاز صادق کی زیر صدارت قومی اسمبلی کا اجلاس ہوا۔
اعجاز جاکھرانی نے یہ بھی کہا کہ پیپلز پارٹی آئندہ اجلاسوں میں بھی واک آؤٹ جاری رکھے گی۔
یاد رہے کہ پاکستان پیپلز پارٹی نے وزیر اعلیٰ پنجاب مریم نواز کے بیانات کے خلاف قومی اسمبلی ایوان سے واک آؤٹ کیا تھا۔
اس حوالے سے پیپلز پارٹی کے رہنما نوید قمر کا کہنا تھا کہ ہم ایوان سے بطور احتجاج واک آؤٹ کرتے ہیں۔ آن گراؤنڈ حالات جوں کے توں ہیں اور کوئی تبدیلی نہیں آئی، ہم اس وقت اس ایوان کا حصہ نہیں بن سکتے جب تک حالات تبدیل نہیں ہوتے۔
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری