وزیراعظم نے امیر مقام سے عید کے بعد خیبر پختونخوا آنے کا کہہ دیا
اشاعت کی تاریخ: 5th, March 2025 GMT
وزیراعظم شہباز شریف نے وفاقی وزیر امیر مقام سے عیدالفطر کے بعد خیبر پختونخوا آنے کا کہہ دیا۔
وزیراعظم ہاؤس اسلام آباد میں شہباز شریف کی امیر مقام سے ملاقات ہوئی، جس میں ملکی مجموعی اور خیبر پختونخوا کی سیاسی صورتحال پر خصوصی تفصیلی گفتگو ہوئی۔
پرائم منسٹر ہاؤس کے اعلامیے کے مطابق وفاقی وزیر نے وزیراعظم شہباز شریف کی ایک سالہ بہترین کارکردگی پر مبارک باد دی۔
اعلامیے کے مطابق امیر مقام نے وزیراعظم کو خیبر پختونخوا کے دورے کی دعوت دی، جس پر شہباز شریف نے کہا کہ عیدالفطر کے بعد خیبر پختونخوا آؤں گا۔
اعلامیے کے مطابق دوران ملاقات وزیراعظم نے مشکل وقت میں پارٹی کا بھرپور ساتھ دینے پر امیر مقام کی جرات اور خدمات کو سراہا۔
شہباز شریف نے کہا کہ مسلم لیگ ن ہمیشہ مخلص اور وفادار رہنماؤں کو قدر کی نگاہ سے دیکھتی ہے، مسلم لیگ ن ایسے رہنماؤں کی قربانیوں کو کبھی فراموش نہیں کرے گی۔
.ذریعہ: Jang News
کلیدی لفظ: خیبر پختونخوا شہباز شریف
پڑھیں:
اسلام آباد، وفاقی وزیر امیر مقام سے وزیر اعلیٰ گلگت بلتستان کی ملاقات
وفاقی وزیر انجینئر امیر مقام نے ڈیم متاثرین کے حقوق کے لیے اپنی حمایت کے عزم کا اعادہ کیا۔ انہوں نے کہا کہ وہ ہمیشہ گلگت بلتستان کے عوام کے ساتھ کھڑے رہے ہیں اور ان کی ترقی کو حکومت کی اولین ترجیحات میں شمار کرتے ہیں۔ اسلام ٹائمز۔ وفاقی وزیر برائے امور کشمیر، گلگت بلتستان و سیفران، انجینئر امیر مقام سے گلگت بلتستان کے وزیر اعلیٰ حاجی گلبر خان نے بدھ کے روز صوبائی وزراء کے ہمراہ وزارت میں ملاقات کی۔ وفد میں وزیر ایکسائز و ٹیکسیشن گلگت بلتستان رحمت خالق، وزیر زراعت گلگت بلتستان انجینئر محمد انور، وزیر جنگلات گلگت بلتستان حاجی شاہ بیگ، و دیگر شامل تھے۔ ملاقات کے دوران دیامر بھاشا ڈیم کے متاثرہ افراد کے مسائل پر تبادلہ خیال کیا گیا۔ وفاقی وزیر انجینئر امیر مقام نے ڈیم متاثرین کے حقوق کے لیے اپنی حمایت کے عزم کا اعادہ کیا۔ انہوں نے کہا کہ وہ ہمیشہ گلگت بلتستان کے عوام کے ساتھ کھڑے رہے ہیں اور ان کی ترقی کو حکومت کی اولین ترجیحات میں شمار کرتے ہیں۔ انہوں نے کہا کہ وزیر اعظم محمد شہباز شریف گلگت بلتستان کی ترقی اور خوشحالی میں گہری دلچسپی رکھتے ہیں۔ گلگت بلتستان کے وزراء نے انجینئر امیر مقام پر اعتماد کا اظہار کرتے ہوئے کہا کہ ہم آپ کو گلگت بلتستان کے عوام کا وفاقی سطح پر حقیقی نمائندہ سمجھتے ہیں۔ وزیر اعلیٰ حاجی گلبر خان نے گلگت بلتستان کے عوام کے مسائل کے حل کے لیے مسلسل کوششوں اور خلوص نیت پر وفاقی وزیر کا شکریہ ادا کیا۔
بلوچستان میں سورج سوا نیزے پر آگیا؛ کچھ علاقوں میں بوندا باندی کا امکان