چیف منسٹر انٹرن شپ پروگرام کیلئے رقم 60 ہزار کرنے کا اعلان
اشاعت کی تاریخ: 6th, March 2025 GMT
لاہور(ڈیلی پاکستان آن لائن)وزیر کھیل پنجاب ملک فیصل ایوب کھوکھر نے چیف منسٹر انٹرن شپ پروگرام کی رقم 60 ہزار کرنے کا اعلان کردیا۔
نجی ٹی وی سما نیوز کے مطابق چیف منسٹر انٹرن شپ پروگرام کی تقریب کا انعقاد کیا گیا جس میں انٹرن شپ حاصل کرنیوالے نوجوانوں کی بڑی تعداد نے شرکت کی۔
وزیر کھیل پنجاب ملک فیصل ایوب کھوکھر نے چیف منسٹر انٹرن شپ پروگرام کے تحت رقم 60 روپے کرنے کا اعلان کردیا۔ انہوں نے کہا کہ وزیراعلیٰ پنجاب مریم نواز کے وژن کو آگے بڑھا رہے ہیں، وزیراعلیٰ پنجاب مریم نواز شریف خواہاں ہیں کہ نوجوان نسل کو ہر میدان میں بھرپور مواقع فراہم کئے جائیں۔
انسانوں جیسے ربوٹ جلد دنیا بھر میں عام ہونے والے ہیں، اس میدان میں سب سے اگے کون سی کمپنیاں ہیں؟ انتہائی دلچسپ معلومات
فیصل ایوب کھوکھر کا کہنا ہے کہ پنجاب کی 65 فیصد سے زائد آبادی نوجواںوں پر مشتمل ہے، نوجوانوں کو آگے لاکر ہی ترقی کی میدان میں آگے بڑھا جا سکتا ہے، پہلے فیز میں 6 ہزار نوجوانوں کو وظیفہ دیا جارہا ہے، اگلے فیز میں تعداد 6 ہزار سے بڑھاکر 10 ہزار تک لائیں گے۔
وزیر کھیل پنجاب نے کہا کہ 6 ماہ کی انٹرن شپ کو ایک سال پر لارہے ہیں، اگلے فیز میں وظیفہ کو 60 ہزار تک بڑھا رہے ہیں، نوجوانوں کیلئے سنہری موقع ہے کہ اپنے تجربے کو نکھاریں، انٹرن شپ کے 6 ماہ بہت زیادہ اہمیت کے حامل ہیں، نوجوانوں کی صلاحیتوں میں مزید نکھار پیدا ہوتا ہے۔
گنڈاپور کو اسکی اپنی حکومت نے چارج شیٹ کر دیا، کارکردگی 2 جرگے اور 4 ایپکس کمیٹی کی میٹنگز کے سوا کچھ نہیں: عظمٰی بخاری
صوبائی وزیر کھیل و امور نوجوانان پنجاب ملک فیصل ایوب کھوکھر نے ای لائبریری کے اندر ہی شکایت سیل بنانے کی ہدایت کردی۔ انہوں نے نوجوانوں کے مسائل ترجیحی بنیادوں پر حل کرنے کی بھی ہدایت کی۔
ذریعہ: Daily Pakistan
کلیدی لفظ: چیف منسٹر انٹرن شپ پروگرام وزیر کھیل
پڑھیں:
ڈیجیٹل یوتھ ہب نوجوانوں کومصنوعی ذہانت پر مبنی وسائل تک ذاتی رسائی فراہم کرے گا، چیئرمین وزیراعظم یوتھ پروگرام سے یونیسف کی نمائندہ کی ملاقات
اسلام آباد (اُردو پوائنٹ اخبارتازہ ترین - اے پی پی۔ 17 ستمبر2025ء) چئیرمین وزیراعظم یوتھ پروگرام رانا مشہود احمد خاں نے کہا ہے کہ ڈیجیٹل یوتھ ہب نوجوانوں کومصنوعی ذہانت پر مبنی وسائل تک ذاتی رسائی فراہم کرے گا، حکومت پاکستان تعلیمی نظام میں اصلاحات کے لیے اقدامات کر رہی ہے۔بدھ کو وزیراعظم یوتھ پروگرام سے جاری بیان کے مطابق وزیراعظم یوتھ پروگرام کے چیئرمین رانا مشہود احمد خاں سے وزیراعظم آفس میں یونیسف کی نمائندہ مس پینیلے آئرنسائیڈ نے ملاقات کی۔ملاقات میں پاکستان میں نوجوانوں کو بااختیار بنانے، تعلیم کے نظام کو بہتر بنانے اور رضاکارانہ کام کو فروغ دینے کے لیے اہم منصوبوں پر تبادلہ خیال کیا گیا۔ملاقات کے دوران مس آئرنسائیڈ نے ڈیجیٹل یوتھ ہب، پاکستان کے تعلیمی نظام اورقومی رضا کارکورپ کے حوالے سے تبادلہ خیال کیا۔(جاری ہے)
یونیسف کی نمائندہ مس آئرنسائیڈ نے وزیراعظم یوتھ پروگرام کے ڈیجیٹل یوتھ ہب اور قومی رضا کار کورپ کی حمایت کرتے ہوئے ان میں گہری دلچسپی کا اظہار کیا۔
انہوں نے پاکستان کے تعلیمی نظام میں اہم اصلاحات کی ضرورت پر بھی زور دیا۔چیئرمین وزیراعظم یوتھ پروگرام رانا مشہود احمد خاں نے کہا کہ وزیراعظم یوتھ پروگرام کے تحت ڈیجیٹل یوتھ ہب نوجوانوں کو مصنوعی ذہانت پر مبنی وسائل تک ذاتی رسائی فراہم کرے گا، ڈیجیٹل یوتھ ہب پاکستان کے نوجوانوں کے لیے ایک اہم موقع ثابت ہوگا۔ انہو ں نے کہا کہ حکومت پاکستان تعلیمی نظام میں اصلاحات کے لیے اقدامات کر رہی ہے،نیا تعلیمی نظام نوجوانوں کو مستقبل کے چیلنجز کے لیے تیار کرے گا۔رانا مشہود احمد خاں نے کہا کہ قومی رضا کار کورپ کے ذریعے 20 لاکھ رضاکاروں کو تربیت دی جائے گی، قومی رضاکار کور پ کا مقصد نوجوانوں کو مثبت سماجی تبدیلی لانے کے لیے بااختیار بنانا ہے۔
اسرائیل نے غزہ سٹی میں بھی زمینی فوج اُتار دی