30واں یومِ شہادت، ڈاکٹر صاحب ہمیں معاف کرنا
اشاعت کی تاریخ: 7th, March 2025 GMT
اسلام ٹائمز: ڈاکٹر صاحب، بے شک کچھ کوتاہیاں، سُستیاں، نالائقیاں بھی سرزد ہوئیں، کچھ سازشوں کا شکار بھی ہوئے، کچھ مشکلات اور دشواریاں بھی حائل ہوئیں، لیکن بزرگان، برادران اور عزیزان آپ کی وراثت کے تحفظ اور بقا کیلئے اپنی بساط سے بڑھ کر مخلصانہ کوششیں بھی کر رہے ہیں۔ بس آپ خدا کے حضور انکی کامیابی کیلئے دعا کرنا۔ ڈاکٹر صاحب ایک بار پھر پوری شرمندگی سے اعتراف کرتا ہوں کہ ڈاکٹر صاحب ہم شرمندہ ہیں، ڈاکٹر صاحب ہمیں معاف کرنا۔ تحریر: محمد اشفاق شاکر
ڈاکٹر صاحب
30 برس بیت گئے
اور آپ کے بغیر بیت گئے
ڈاکٹر صاحب
لگتا ہے کہ فراز نے سچ ہی کہا تھا
وقت کا کیا ہے گزرتا ہے گزر جائے گا
اور شاید یہ بھی سچ کہا تھا کسی نے کہ
گزر تو جائے گی تیرے بغیر بھی لیکن
بہت اداس بہت بے قرار گزرے گی
ڈاکٹر صاحب
بہت سچ ہے کہ آپ کے نظریاتی وارث کہ
جنہیں آپ نے اپنی آفاقی و ملکوتی وصیت میں یاد رکھا تھا
وہ تمام تر مشکلات، رکاوٹوں اور سازشوں کے باوجود
آپ کی سوچ اور آپ کے افکار کے راستے کو نہ صرف زندہ رکھے ہوئے ہیں بلکہ مسلسل آگے بڑھتے چلے جا رہے ہیں
ڈاکٹر صاحب
آپ کے ان بہت ہی عزیز فرزندان نے آپ کی وراثت یعنی آپ کے نظریئے پر ایک لمحے کے لیے بھی نہ کسی مصلحت سے کام لیا، نہ کبھی کوئی لچک دکھائی اور نہ ہی کبھی پیچھے ہٹے
ڈاکٹر صاحب
ان جوانوں نے مردہ باد امریکہ کے نعرے کو آپ کے نام کے ساتھ کچھ اس طرح زندہ رکھا کہ آج پوری قوم اس نعرے میں آپ کی پاکیزہ روح کے ساتھ ہم آواز ہوچکی ہے
ڈاکٹر صاحب
آپ کے کچھ مخلص رفقاء تو کچھ محلاتی سازشوں کے نتیجے میں ملک سے ہجرت پر مجبور کر دیئے گئے ہیں
کچھ راہ سُرخ پر چلتے ہوئے آپ کے پاس پہنچ چکے ہیں
ڈاکٹر صاحب
کچھ ابھی تک عہدِ وفا پر یوں باقی ہیں کہ اپنی سفید ریش، سفید بالوں، کمزور جسموں کے ساتھ اپنی دوسری یا تیسری نسل کا ہاتھ پکڑے اسی راستے پر گامزن ہیں کہ جس راستے پر آپ انہیں چھوڑ آئے تھے
ڈاکٹر صاحب
کچھ جوان بھی ہیں کہ جنہوں نے شاید آپ کو دیکھا تو نہیں، آپ کے ساتھ کام تو نہیں کیا، لیکن آپ کے ملکوتی کردار سے متاثر ہو کر آپ کے افکار اور نظریات کو درک کر لیا اور پھر آپ کے راستے پر اسی طرح چل رہے ہیں، جیسے آپ خود انہیں چلتا چھوڑ آئے ہوں
ڈاکٹر صاحب
نہ چاہتے ہوئے بھی کچھ خبریں آپ تک پہنچانا بہت ضروری ہیں
ڈاکٹر صاحب
یہ بتاتے ہوئے شرمندہ ہوں کہ آپ کی تنظیم کچھ تھوڑی سُکڑ سی گئی ہے
ڈاکٹر صاحب
تنظیم کا ترجمان مجلہ اب ہارڈ کاپی کی بجائے Pdf کی شکل میں شائع ہو رہا ہے
ڈاکٹر صاحب
زیادہ تر عزیزان تنظیم میں آتے ہیں، اپنا دورانیہ گزارتے ہیں اور چلے جاتے ہیں، بہت کم ایسے ہیں کہ جن میں تنظیم آتی ہے
ڈاکٹر صاحب
ایک سچ یہ بھی ہے کہ وہ دوست اور بزرگان کہ جنہیں ہم سینیئرَ یا سابقین کہتے ہیں، ان میں سے بھاری اکثریت اپنے فرزندان کو تنظیم کے ساتھ منسلک کرنے سے ہچکچاتے ہیں
ڈاکٹر صاحب
تنظیم کا مرکزی کنونشن کچھ پاکیزہ نما سازشوں کے نتیجے میں پہلے جامعہ سے آپ کے مرقد پر منتقل ہوا، پھر ایک اور جامعہ بلکہ جامعہ کے ساتھ ملحقہ کھیتوں میں گیا اور اب لاہور سے اسلام آباد آگیا
ڈاکٹر صاحب
اس سب کچھ کے باوجود یہ بھی سچ ہے کہ آپ کے روحانی فرزندان آپ کی وراثت، یعنی آپ کے افکار، آپ کے نظریات اور آپ کی تنظیم کی بقاء اور مضبوطی اور خود مختاری کے لیے کوشاں ہیں
مرکزی دفتر کی انتہائی نفاست کے ساتھ تزئین و آرائش کرکے ایک انتہائی خوبصورت اور مثالی قسم کا مرکزی دفتر بنا دیا گیا ہے
لاہور میں ایک وسیع قطعہ اراضی خرید کر تنظیم کے پروگراموں اور مستقبل کو دوسروں کا دستِ نگر بننے سے محفوظ کرنے کے لیے کوششیں شروع کر دی گئی ہیں
ڈاکٹر صاحب
بے شک کچھ کوتاہیاں، سُستیاں، نالائقیاں بھی سرزد ہوئیں، کچھ سازشوں کا شکار بھی ہوئے، کچھ مشکلات اور دشواریاں بھی حائل ہوئیں، لیکن بزرگان، برادران اور عزیزان آپ کی وراثت کے تحفظ اور بقا کے لیے اپنی بساط سے بڑھ کر مخلصانہ کوششیں بھی کر رہے ہیں۔ بس آپ خدا کے حضور ان کی کامیابی کے لیے دعا کرنا۔
ڈاکٹر صاحب ایک بار پھر پوری شرمندگی سے اعتراف کرتا ہوں کہ ڈاکٹر صاحب ہم شرمندہ ہیں
ڈاکٹر صاحب ہمیں معاف کرنا
ذریعہ: Islam Times
کلیدی لفظ: ہیں ڈاکٹر صاحب ڈاکٹر صاحب ہم آپ کی وراثت رہے ہیں کے ساتھ کے لیے ہیں کہ
پڑھیں:
بابا گورونانک کے جنم دن کی تقریبات کا آغاز، سکھ یاتریوں کی آمد کا سلسلہ جاری
ننکانہ صاحب میں سکھوں کے روحانی پیشوا بابا گورونانک کے جنم دن کا پہلا روز منایا گیا۔ اندرون و بیرون ممالک سے سکھ یاتریوں کی ننکانہ صاحب آمد کا سلسلہ جاری ہے۔ ضلعی انتظامیہ کی جانب سے سکھ یاتریوں کا والہانہ استقبال کیا گیا، اور وہ اپنی مذہبی رسومات ادا کرنے میں مصروف ہیں۔
بھارت سے 2 ہزار سے زیادہ سکھ یاتری کل ننکانہ صاحب پہنچیں گے۔ آج ڈپٹی کمشنر محمد تسلیم اختر راؤ اور ڈی پی او فراز احمد نے گوردوارہ تنمبو صاحب کا دورہ کیا اور وہاں کے اندر اور اطراف میں سیکیورٹی صورتحال کا جائزہ لیا۔
مزید پڑھیں: بابا گورونانک کا 556ویں جنم دن، ننکانہ صاحب کے تعلیمی اداروں میں 3 روزہ تعطیل
انہوں نے میڈیکل کیمپ، ریسکیو کیمپ سمیت دیگر انتظامات کو بھی چیک کیا اور سکھ یاتریوں کی گاڑیوں کے لیے مختص پارکنگ کا معائنہ کیا۔
وزیر اعلیٰ پنجاب کی خصوصی ہدایت پر ننکانہ صاحب میں ساتوں گوردوارہ جات کو دلہن کی طرح سجایا گیا ہے۔
مریم نواز شریف کے احکامات پر ضلع کے داخلی و خارجی راستوں پر خصوصی لائٹنگ کا بھی انتظام کیا گیا ہے۔ سکھ یاتریوں کے لیے لنگر، رہائش، علاج معالجے اور صفائی ستھرائی کے بہترین انتظامات کیے گئے ہیں۔
ڈپٹی کمشنر ننکانہ نے کہاکہ پاکستانی قوم سکھوں سے بے پناہ محبت کرتی ہے اور یہ ملک سکھ قوم کا دوسرا گھر ہے، اقلیتوں کو مکمل مذہبی آزادی حاصل ہے۔
مزید پڑھیں: سیلاب سے متاثرہ دربار صاحب کرتار پور کو صفائی کے بعد سکھ یاتریوں کے لیے کھول دیا گیا
اس موقع پر ڈی پی او فراز احمد نے کہا کہ سکھ یاتری پاکستان سے اچھی یادیں لے کر جائیں گے۔
ترجمان ضلعی انتظامیہ ننکانہ صاحب نے بتایا کہ ننکانہ صاحب میں بابا گورونانک کے جنم دن کی تقریبات 6 نومبر تک جاری رہیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بابا گورو نانک جنم دن تقریبات روحانی پیشوا سکھ یاتری وی نیوز
راولپنڈی؛ سانحہ 9 مئی کے 11 مقدمات کی سماعت 13 نومبر تک ملتوی