عدالت ہی کیوں نہ جانا پڑے میئر کراچی کو آئینی حیثیت سے سارے اختیارات دینے کو تیار ہوں، گورنر سندھ
اشاعت کی تاریخ: 9th, March 2025 GMT
کراچی:
گورنر سندھ کامران خان ٹیسوری نے کراچی کے مسائل کے حل کیلیے میئر کراچی مرتضی وہاب کو چھوٹا بھائی قرار دیتے ہوئے ساتھ چلنے کی پیش کش کردی۔
گورنر ہاؤس کراچی میں منعقدہ 8ویں دعوت افطار کے موقع پر اظہار خیال کرتے ہوئے گورنر سندھ نے کہا کہ میئر کراچی کا بیان نظر سے گزرا جس میں وہ اختیارات کی بات کررہے تھے۔
انہوں نے کہا کہ میں اپنے چھوٹے بھائی مرتضی وہاب کو پیش کش کرتا ہوں کہ آپ میرے پاس آئیں، آئینی حیثیت سے آپ کو تمام اختیارات دے دوں گا پھر چاہیے اس کے لیے مجھے عدالت ہی کیوں نہ جانا پڑے، سب کچھ میں بھگت لوں گا۔
گورنر سندھ نے کہا کہ میں عوام اور شہر کی بہتری کیلیے سب کچھ بھگتنے کو تیار ہوں، میئر کو تمام اختیارات دے دوں گا تاکہ شہر کی سڑکیں، گھروں میں پانی، کھلے مین ہول سمیت تمام مسائل حل ہوں اور بلدیاتی نمائندے بااختیار ہوکر عوام کی خدمت کریں۔
کامران خان ٹیسوری نے تقریب میں خطاب کرتے ہوئے جلد ہزاروں کو نوجوانوں کو نوکریاں اور بے گھر افراد کو چھت دینے کا بھی اعلان کیا اور کہا کہ اس پر کام جاری ہے۔
گورنر سندھ نے عوام سے اتحاد برقرار رکھنے کا اعلان کرتے ہوئے کہا کہ اگر متحد نہ ہوئے تو مسائل حل نہیں ہوں گے، جب بارش ہوتی ہے یا دیگر مسائل ہوتے ہیں تو اس کا سامنا تمام قومیتوں کے لوگ کرتے ہیں، اس لیے مل کر ہی تمام مسائل کو حل کرنا ہوگا۔
.ذریعہ: Express News
کلیدی لفظ: گورنر سندھ کہا کہ
پڑھیں:
سافکو نے اپنی مالیاتی خدمات کا دائرہ کراچی تک بڑھادیا
data-id="863a0a8" data-element_type="widget" data-widget_type="theme-post-content.default">
حیدرآباد (اسٹاف رپورٹر) سافکو نے اپنی مالیاتی خدمات کورنگی، کراچی تک بڑھا دی ہیں۔ لانڈھی میں برانچ کا افتتاح کرتے ہوئے شہریوں میں کاروبار بڑھانے کے لیے چیک تقسیم کیے گئے۔ سافکو مائیکرو فنانس کمپنی کے بانی صدر اور سی ای او سلیمان جی ابڑو، منیجنگ ڈائریکٹر سید سجاد علی شاہ اور بزنس آپریشنز کے سربراہ بشیر احمد ابڑو نے مشترکہ طور پر لانڈھی میں ایس ایم سی ایل برانچ کا افتتاح کیا۔ اس موقع پر گفتگو کرتے ہوئے سلیمان جی ابڑو نے کہا کہ ڈیجیٹلائزیشن کے ذریعے سافکو کی جانب سے تیز رفتار مالیاتی خدمات کی فراہمی سے کاروباروں کو فروغ مل رہا ہے، جس سے لوگوں کی زندگیوں میں تبدیلی آ رہی ہے، جو سافکو کا وژن ہے۔ انہوں نے کہا کہ سافکو نے دیہی اور شہری علاقوں میں اپنی خدمات کو وسعت دینا شروع کر دیا ہے، دیگر شہری علاقوں بھی مزید برانچیں قائم کی جائیں گی۔ تقریب سے خطاب کرتے ہوئے سید سجاد علی شاہ نے کہا کہ آج کراچی شہر میں تیسری برانچ قائم ہو گئی ہے جبکہ سندھ بھر میں 68 برانچز قائم ہو چکی ہیں جس سے کاروباری شعبے میں لوگوں کی شرکت میں اضافہ ہوا ہے اور معاشرے پر اس کے اثرات نمایاں ہو رہے ہیں۔ اس موقع پر سافکو کی مالیاتی خدمات سے مستفید ہونے والوں میں چیک بھی تقسیم کیے گئے۔
اسرائیل نے غزہ تک امداد لیجانے کی کوشش کرنے والی گریٹا تھنبرگ کو ملک بدر کردیا