نیوزی لینڈ کا پاکستان کیخلاف ٹی 20 میچز کیلیے اسکواڈ کا اعلان، کونسے کھلاڑی شامل ہیں؟
اشاعت کی تاریخ: 11th, March 2025 GMT
نیوزی لینڈ نے پاکستان کے خلاف 16 سے 25 مارچ تک ہونے والے 5 ٹی ٹوئنٹی میچز کے لیے اسکواڈ کا اعلان کردیا ہے۔
پاکستان اور نیوزی لینڈ کے درمیان یہ میچز کرائسٹ چرچ میں شروع ہوں گے جس میں کیوی ٹیم کی قیادت مائیکل بریسویل کریں گے۔
نیوزی لینڈ کے کرکٹ بورڈ کے اعلامیے کے مطابق کیوی اسکواڈ میں مائیکل بریسویل (کپتان)، فن ایلن، مارک چیپمین، جیکب ڈفی، زیک فوکس، مچ ہے، میٹ ہینری، کائل جیمیسن، ڈیرل مچل، جمی نیشم، ول او رورکی، ٹم رابن سن، بین سیئرز، ٹم سائفرٹ اور ایش سودھی شامل ہیں۔
View this post on Instagram
A post shared by BLACKCAPS (@blackcapsnz)
واضح رہے کہ اس 15 رکنی اسکواڈ میں حال ہی میں چیمپیئنز ٹرافی کھیلنے والے 7 کھلاڑی بھی شامل ہیں، نیوزی لینڈ کی ٹیم نے چیمپیئنز ٹرافی میں شاندار کارکردگی کا مظاہرہ کرکے فائنل تک رسائی حاصل کی تھی جہاں انہیں بھارت سے شکست کا سامنا ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کرکٹ ٹیم نیوزی لینڈ.ذریعہ: WE News
کلیدی لفظ: کرکٹ ٹیم نیوزی لینڈ نیوزی لینڈ
پڑھیں:
ایشیا کپ: پاک بھارت میچ میں تنازعہ کا شکار ہونے والے میچ ریفری اینڈی پائی کرافٹ کون ہیں؟
زمبابوے کے سابق کرکٹر اور موجودہ انٹرنیشنل کرکٹ کونسل (آئی سی سی) کے ایلیٹ پینل کے میچ ریفری اینڈی پائی کرافٹ ایک بار پھر خبروں کی زینت بن گئے ہیں۔ دسمبر 2024 میں 100 مردوں کے ٹیسٹ میچز میں ریفری کے فرائض انجام دینے والے چوتھے آفیشل بننے کا اعزاز حاصل کرنے والے پائی کرافٹ کوگزشتہ روز سے ایشیا کپ 2025 میں تنازعے کا سامنا ہے۔
کرکٹ کیریئراینڈی پائی کرافٹ نے زمبابوے کی قومی ٹیم کی نمائندگی 1983 سے 1992 کے دوران کی، جس میں 3 ٹیسٹ اور 20 ایک روزہ میچ شامل ہیں۔ وہ زمبابوے کے سب سے کم عمر ٹیسٹ کپتان اور ملک کے پہلے سیاہ فام کپتان بھی رہے۔ کھیل سے ریٹائرمنٹ کے بعد انہوں نے کوچ اور چیف سلیکٹر کے طور پر بھی خدمات انجام دیں۔
میچ ریفری کیریئرپائی کرافٹ 2009 میں آئی سی سی ایلیٹ پینل آف میچ ریفریز میں شامل ہوئے۔ اپنے کیریئر کے دوران انہوں نے اب تک 100 ٹیسٹ میچز، 238 ایک روزہ بین الاقوامی میچز، 174 مردوں کے ٹی ٹوئنٹی، اور 21 خواتین کے ٹی ٹوئنٹی میچز میں ریفری کے فرائض انجام دیے۔
حالیہ تنازعہستمبر 2025 میں پاکستان اور بھارت کے مابین ایشیا کپ کے میچ کے دوران پائی کرافٹ ایک تنازعے کی زد میں آگئے۔ پاکستان کرکٹ بورڈ (پی سی بی) نے آئی سی سی کو باضابطہ شکایت درج کروائی کہ انہوں نے پاکستانی کپتان سلمان علی آغا کو ہدایت دی کہ بھارتی کپتان کے ساتھ روایتی مصافحہ نہ کریں۔
پی سی بی نے مؤقف اپنایا کہ پائی کرافٹ کا یہ رویہ کھیل کی روح (Spirit of Cricket) کے خلاف ہے اور اس سے ان کی غیر جانبداری پر سوال اٹھتے ہیں۔ بورڈ نے ان کی فوری برطرفی کا مطالبہ کیا ہے۔
اینڈی پائی کرافٹ، جنہیں برسوں سے کرکٹ میں ان کی خدمات کے باعث عزت کی نگاہ سے دیکھا جاتا ہے، اب ایک ایسے تنازعے کا سامنا کر رہے ہیں جو نہ صرف ان کے کیریئر بلکہ ایشیا کپ کے ماحول پر بھی گہرے اثرات مرتب کر سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹاک ایکسچینج میں بلندی کا نیا ریکارڈ؛ معیشت کی سمت درست اور ترقی کا سفر جاری ہے، وزیراعظم