میکسیکو میں 2 ٹریفک حادثات میں 32 افراد ہلاک
اشاعت کی تاریخ: 11th, March 2025 GMT
میکسیکو سٹی (اُردو پوائنٹ اخبارتازہ ترین - اے پی پی۔ 11 مارچ2025ء) میکسیکو میں2 ٹریفک حادثات میں 32 افراد ہلاک ہو گئے۔ فرانسیسی خبر رساں ادارے اے ایف پی کے مطابق ریاستی حکومت نے بیان میں کہا ہے کہ میکسیکو کی جنوبی ریاست اوکساکا میں ہائی وے پر بس الٹنے سے 18 افراد ہلاک اور 12 زخمی ہو گئے ۔ حکام حادثے کی وجہ کی تحقیقات شروع کریں گے، جو سینٹو ڈومنگو نارو کمیونٹی کے قریب پیش آیا۔
(جاری ہے)
میکسیکو میڈیا نے بتایا کہ ہلاک ہونے والے حکمران بائیں بازو کی جماعت کے حامی تھے جو میکسیکو سٹی میں ہونے والی ریلی سے واپس آرہے تھے، جہاں صدر کلاڈیا شین بام نے امریکی صدر ڈونلڈ ٹرمپ کی تجارتی ٹیرف پالیسی کے خلاف اپنی مخالفت کو اجاگر کیا۔ ڈورانگو ریاست میں شہری تحفظ کے حکام نے بتایا کہ دوسرا ٹریفک حادثہ ملک کے شمال میں ٹریکٹر ٹریلر اور امریکی ریاست ٹیکساس سے مسافروں کو لے جانے والی بس کے درمیان تصادم کے باعث پیش آیا جس کے نتیجے میں 14 افراد ہلاک ہو گئے ۔.
ذریعہ
ذریعہ: UrduPoint
کلیدی لفظ: تلاش کیجئے افراد ہلاک
پڑھیں:
سکیورٹی فورسز کی مختلف کارروائیوں میں 17 دہشت گرد جہنم واصل
پاک فوج کے شعبہ تعلقات عامہ کے مطابق بلوچستان کے مختلف اضلاع میں کارروائیوں کے دوران سکیورٹی فورسز نے دہشتگردوں کے ٹھکانوں کو مؤثر طریقے سے نشانہ بنایا۔ اسلام ٹائمز۔ آئی ایس پی آر کے مطابق 24 مئی ٹرین حادثے کے بعد سکیورٹی فورسز نے بلوچستان کے مختلف اضلاع میں میں انٹیلی جنس پر مبنی آپریشنز کئے، آپریشن کا سلسلہ مستونگ، نوشکی، زہری، خضدار اور کیچ میں شروع کیا گیا۔ پاک فوج کے شعبہ تعلقات عامہ کے مطابق کارروائیوں کے دوران سکیورٹی فورسز نے دہشتگردوں کے ٹھکانوں کو مؤثر طریقے سے نشانہ بنایا، شدید فائرنگ کے تبادلے میں ہندوستانی پراکسی فتنہ الہندوستان سے تعلق رکھنے والے 17 دہشت گردوں کو ہلاک کر دیا گیا۔
آئی ایس پی آر کے مطابق ہلاک دہشت گردوں کے قبضے سے اسلحہ، گولہ بارود، دھماکہ خیز مواد اور دیسی ساختہ بم بھی برآمد ہوئے، ہلاک دہشت گرد علاقے میں دہشت گرد کی متعدد کارروائیوں میں ملوث تھے۔ پاک فوج کے شعبہ تعلقات عامہ کے مطابق علاقوں میں کلیئرنس آپریشنز جاری ہے، عزمِ استحکام کے تحت انسداد دہشتگردی مہم پوری قوت سے جاری رہے گی، ملک سے بیرونی سرپرستی میں ہونے والی دہشتگردی کا خاتمہ کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ