آئی ایم ایف کے مطالبے پر 30 ہزار سرکاری نوکریاں ختم
اشاعت کی تاریخ: 12th, March 2025 GMT
پنجاب حکومت نے بین الاقوامی مالیاتی فنڈ (آئی ایم ایف) کی شرائط کے مطابق 30 ہزار سرکاری اسامیاں ختم کیں۔
یہ انکشاف اسپیکر ملک محمد احمد خان کی زیر صدارت پنجاب اسمبلی کے اجلاس میں وقفہ سوالات کے دوران وزیر آبپاشی کاظم پیرزادہ نے کیا۔
یہ بھی پڑھیں: پاکستان میں بجلی 2 روپے فی یونٹ سستی، حکومت نے آئی ایم ایف کو منا لیا
اجلاس میں پنجاب کے آبپاشی کے نظام پر توجہ مرکوز کی گئی۔ اسپیکر نے پانی کی شدید قلت کا سامنا کرنے والے کسانوں کی جدوجہد پر روشنی ڈالی اور وزارت پر زور دیا کہ وہ کارروائی کرے۔
صوبائی وزیر پیرزادہ نے پرانے نہری نظام اور مالی مشکلات کا اعتراف کرتے ہوئے کہا کہ اگرچہ نہری نظام اصل میں 67 فیصد زمین کی خدمت کے لئے ڈیزائن کیا گیا تھا لیکن اس وقت یہ نہر ٹوٹنے کے خطرے کی وجہ سے گنجائش سے کم کام کر رہا ہے۔
انہوں نے اسمبلی کو یقین دلایا کہ حکومت اس سال نظام کو بہتر بنانے کے لیے کام کر رہی ہے۔
نکاسی آب کے جاری منصوبوں پر بھی تشویش کا اظہار کیا گیا۔
مزید پڑھیے: آئی ایم ایف کے ایما پر سرکاری ملازمین کے گرد گھیرا تنگ
حکومتی رکن امجد علی جاوید نے جھنگ اور ٹوبہ ٹیک سنگھ کے اضلاع میں بعض منصوبوں کی افادیت پر سوال اٹھایا۔
اسپیکر نے سیکریٹری اور محکمہ آبپاشی کے درمیان کوآرڈینیشن کے فقدان کو تنقید کا نشانہ بناتے ہوئے راوی سائفن جیسے اہم مسائل کو حل کرنے میں تاخیر کا حوالہ دیا۔
نہر کی صفائی کے بارے میں وضاحتاسمبلی میں نہر کی صفائی کے دوران نکالی گئی مٹی کو ٹھکانے لگانے پر بھی تبادلہ خیال کیا گیا۔
مزید پڑھیں: اہم ڈیٹا کے تبادلے کے ساتھ ہی آئی ایم ایف سے مذاکرات کا پہلا مرحلہ مکمل
اوزیر پیرزادہ نے واضح کیا کہ یہ مٹی نہری کنارے کی مضبوطی اور کسانوں کے ذریعہ استعمال کی جاتی ہے۔
انہوں نے کسی بھی دعوے کی تردید کی کہ اسے تجارتی طور پر فروخت کیا جارہا ہے۔ اجلاس کے دوران 7 نئے بل پیش کیے گئے جن میں پنجاب موٹر وہیکلز (ترمیمی) آرڈیننس 2025 پنجاب لوکل گورنمنٹ بل 2025 پنجاب نارکوٹکس سبسٹنس کنٹرول بل 2025 تمام بلز کو نظر ثانی کے لیے متعلقہ کمیٹیوں کو بھجوا دیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ایم ایف حکومت پنجاب سرکاری اسامیاں سرکاری نوکریاں.ذریعہ: WE News
کلیدی لفظ: ا ئی ایم ایف حکومت پنجاب سرکاری اسامیاں سرکاری نوکریاں ا ئی ایم ایف
پڑھیں:
پنجاب کے دریاؤں میں پانی کی سطح میں کمی، دریائے سندھ میں اونچے درجے کا سیلاب
پنجاب کے دریاؤں میں پانی کی سطح میں کمی کے بعد دریائے سندھ میں گڈو اور سکھر بیراج کے مقام پر اونچے درجے کے سیلاب کے باعث کچے کے علاقے زیر آب آگئے۔
وفاقی وزیر معین وٹو کے مطابق دریائے چناب میں پنجند پر نچلے درجے کا سیلاب ہے اور سطح مزید کم ہو رہی ہے جبکہ دریائے سندھ میں گڈو اور سکھر بیراج پر اونچے درجے کا سیلاب ہے۔ کوٹری بیراج پر نچلے درجے کا سیلاب ہے اور سطح مستحکم ہے۔
وفاقی وزیر نے بتایا کہ تربیلا ڈیم 27 اگست سے 100 فیصد بھرا ہوا ہے جبکہ منگلا ڈیم 95 فیصد بھر چکا اور مزید 4.30 فٹ کی گنجائش باقی ہے۔
سندھ میں پانی کی آمد و اخراج
محکمہ اطلاعات سندھ کی طرف سے دریاؤں اور بیراجوں میں پانی کی آمد و اخراج کے تازہ ترین اعداد و شمار بھی جاری کیے گئے ہیں۔
گڈو بیراج پر پانی کی آمد 609137 کیوسک اور اخراج 580927 کیوسک، سکھر بیراج پر پانی کی آمد 571800 کیوسک اور اخراج 518120 کیوسک ریکارڈ کیا گیا ہے۔ کوٹری بیراج پر پانی میں اضافہ ہو رہا ہے اور آمد 300853 کیوسک جبکہ اخراج 289098 کیوسک ریکارڈ کیا گیا ہے۔
پنجند کے مقام پر پانی کی آمد 234755 کیوسک جبکہ اخراج 229905 کیوسک ریکارڈ کیا گیا۔
پی ڈی ایم اے پنجاب
دریائے سندھ میں تربیلا کے مقام پر پانی کا بہاؤ معمول کے مطابق ایک لاکھ 96 ہزار کیوسک اور کالا باغ کے مقام پر پانی کا بہاؤ معمول کے مطابق ایک لاکھ 69 ہزار کیوسک ہے۔
چشمہ کے مقام پر پانی کا بہاؤ معمول کے مطابق ایک لاکھ 78 ہزار کیوسک جبکہ سندھ تونسہ کے مقام پر پانی کا بہاؤ معمول کے مطابق ایک لاکھ 61 ہزار کیوسک ہے۔
دریائے چناب میں مرالہ کے مقام پر پانی کا بہاؤ 56 ہزار کیوسک، خانکی کے مقام پر پانی کا بہاؤ 68 ہزار کیوسک اور قادر آباد کے مقام پر 75 ہزار کیوسک ہے۔
ہیڈ تریموں کے مقام پر پانی کا بہاؤ 80 ہزار کیوسک ہے جبکہ ہیڈ پنجند کے مقام پر درمیانے درجے کا سیلاب ہے جہان پانی کا بہاؤ 2 لاکھ 34 ہزار کیوسک ہے۔
دریائے راوی جسر کے مقام پر پانی کا بہاؤ 8 ہزار کیوسک، شاہدرہ کے مقام پر 10 ہزار کیوسک، بلوکی کے مقام پر 29 ہزار اور سدھنائی کے مقام پر 23 ہزار کیوسک ہے۔
دریائے ستلج میں گنڈا سنگھ والا کے مقام پر درمیانے درجے کا سیلاب ہے جہاں پانی کا بہاؤ 1 لاکھ 1 ہزار کیوسک ہے۔ ہیڈ اسلام کے مقام پر بھی درمیانے درجے کا سیلاب ہے اور بہاؤ 81 ہزار کیوسک ہے۔
ہیڈ سلیمانکی کے مقام پر نچلے درجے کا سیلاب ہے اور بہاؤ 90 ہزار کیوسک ہے۔
دنیا بھر میں اسکولوں پر حملوں میں 44 فیصد اضافہ تشویشناک ہے، وزیراعلیٰ سندھ