قومی ایئر لائن کی پرواز پی کے 306کی لاہور میں ایک پہیے پر لینڈنگ
اشاعت کی تاریخ: 13th, March 2025 GMT
لاہور(ڈیلی پاکستان آن لائن)قومی ایئر لائن (پی آئی اے)کی پرواز پی کے 306کی لاہور میں ایک پہیے پر لینڈنگ ہوئی ہے۔
نجی ٹی وی چینل جیو نیوز کے مطابق ایئر لائن ذرائع کا کہنا ہے کہ روانگی کے بعد کراچی ایئرپورٹ پر طیارے کے کچھ پرزے ملے،طیارے کے غائب پہیے کا ابھی تک پتہ نہیں چلا، فلائٹ سیفٹی کی سنگین غلطی ہے،
ذرائع کا مزید کہنا ہے کہ پرواز پی کے 306کل رات 8بجے کراچی سے لاہور وانہ ہوئی تھی،طیارے کے اگلے پہیوں میں دوٹائر ہوتے ہیں لینڈنگ کے وقت ایک ٹائر غائب تھا،امکان ہے کہ طیارے کا پہیہ دوران پرواز کہیں گر گیا،ذرائع کا کہنا ہے کہ علامہ اقبال انٹرنیشنل ایئرپورٹ پر معائنے کے دوران ایک ٹائر غائب ہونے کا پتہ چلا،واقعہ کا بروقت علم ہو جاتا تو طیارے کو فوری واپس کراچی میں ہی لینڈکرا لیا جاتا۔
"گڈ ٹچ بیڈ ٹچ" کے بارے میں آگاہی بچوں کے نصاب میں شامل کرنے کی سفارش آ گئی
ذرائع کے مطابق پی آئی اے انتظامیہ اور سیفٹی انویسٹی گیشن بورڈ نے تحقیقات شروع کردیں۔
مزید :.ذریعہ: Daily Pakistan
پڑھیں:
سعودی ایئر لائن رواں برس عازمین حج کے لیے ’ٹھنڈے احرام‘ متعارف کرائے گی
سعودی ایئر لائن السعودیہ نے رواں برس عازمین حج کے لیے مخصوص کپڑے سے تیارکردہ ’ٹھنڈے احرام‘ متعارف کرانے کی تیاریاں مکمل کرلی ہیں، احرام کو دبئی کی ٹریول مارکیٹ میں پیش کیا جائے گا۔
ایئر لائن حکام کے مطابق احرام کی تیاری میں امریکی کمپنی کا تعاون بھی حاصل رہا، احرام کو دبئی کی عربین ٹریول مارکیٹ ’اے ٹی ایم 2025‘ میں پیش کیا جائے گا۔
میڈیا رپورٹس کے مطابق سعودی ایئرلائن کے مارکیٹنگ مینیجر عصام اخونبائی نے بتایا کہ کولڈ احرام کومخصوص ٹیکنالوجی کا استعمال کرتے ہوئے اس طرح ڈیزائن کیا گیا ہے کہ جسم کو ٹھنڈا رکھا جاسکے۔
یہ بھی پڑھیں: احرام لیتے وقت کن باتوں کا خیال رکھنا چاہیے اور حج کے لیے کون سا احرام اچھا ہے؟
ٹھنڈے احرام کے حوالے سے بتایا گیا کہ مذکورہ احرام کی تیاری میں استعمال کیے گئے کپڑے کی تیاری میں جدید ٹیکنالوجی سے مدد کی گئی ہے، جس کی بدولت یہ انسانی جلد کو گرمی کی تپش سے کسی حد تک محفوظ رکھنے میں مددگار ہوتی ہے۔
حکام کے مطابق مذکورہ ’کولڈ احرام‘ گرمی کی تپش کو ایک سے 2 ڈگری سینٹی گریڈ تک کم رکھنے کی صلاحیت رکھتا ہے، جس کے باعث احرام میں ملبوس عازمین حج کو گرمی کی شدت کا احساس نسبتاً کم ہوجاتا ہے، واضح رہے کہ اس نئے ٹھنڈے احرام کا آغاز آئندہ ماہ سے کیا جائے گا۔
علاوہ ازیں سعودی عرب نے حج 2025 سے قبل گرمی سے بچاؤ کی خاطر اقدامات کا ایک وسیع سیٹ متعارف کرایا ہے تاکہ لاکھوں عازمین حج کے موسم میں متوقع شدید درجہ حرارت سے محفوظ رہ سکیں۔
مزید پڑھیں: وزارت حج وعمرہ نے خواتین کے احرام سے متعلق ہدایات جاری کردیں
وزارت حج و عمرہ نے حج آگاہی مرکز کے ساتھ مل کر حجاج کرام کو زیادہ درجہ حرارت میں حفاظتی طریقوں سے آگاہ کرنے کے لیے ایک ملک گیر مہم شروع کی ہے۔
وزارت کی طرف سے جاری کردہ حفاظتی گائیڈ میں عازمین حج پر زور دیا گیا ہے کہ وہ سورج کی غیر ضروری نمائش سے گریز کریں، ہائیڈریٹ رہیں اور سایہ دار جگہوں پر آرام کریں، سورج کی روشنی کے اوقات میں چھتری اور سر ڈھانپنے کی سختی سے سفارش کی جاتی ہے۔
گرمی سے متعلق بیماریوں سے نمٹنے کے لیے، سعودی حکام نے پہلے ہی کلیدی جگہوں پر کولنگ سسٹم نافذ کردیا ہے، بشمول مسجد الحرام میں سایہ دار ریسٹ زونز، ٹھنڈے پانی کے اسٹیشنز اور نمی والے پنکھے شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احرام السعودیہ امریکی کمپنی حج آگاہی مرکز درجہ حرارت سعودی ایئرلائن سعودی عرب عازمین حج وزارت حج و عمرہ
ہمارے قانون سازی کرنیوالے ایم پی ایز کو اے آئی کا پتہ نہیں: ملک محمد احمد خان