پنجاب کے کالجز میں بھارتی گانوں پر ڈانس سمیت غیر اخلاقی اور فحش سرگرمیوں پر پابندی عائد
اشاعت کی تاریخ: 14th, March 2025 GMT
راولپنڈی:
پنجاب ہائیر ایجوکیشن کمیشن نے سرکاری اور پرائیویٹ کالجز میں بھارتی گانوں پر ڈانس سمیت غیر اخلاقی اور فحش سرگرمیوں پر پابندی عائد کر دی۔
صوبے بھر کے ڈائریکٹر کالجز اور پرنسپلز کو سرکلر جاری کر دیا گیا۔
سرکلر کے مطابق کالجز میں اسپورٹس گالا اور فن فیئرز میں ایسے ڈانسز اور بھارتی گانے ممنوع ہیں جبکہ فحش لباس اور جملے بھی نہیں بولے جا سکیں گے۔
ہائیر ایجوکیشن کمیشن کی جانب سے سرکلر میں واضح کیا گیا کہ کالجز انتظامیہ کی ذمہ داری بچے اور بچیوں کی تعلیم و تربیت ہے۔
سرکلر میں خبردار کیا گیا کہ آئندہ اس بابت خلاف ورزی پر ذمہ داروں خلاف سخت ایکشن ہوگا۔
.ذریعہ: Express News
پڑھیں:
اسما عباس نے بیٹی کے ہمراہ ڈانس ویڈیو کی جذباتی کہانی سنادی
پاکستانی شوبز انڈسٹری کی معروف ماں بیٹی کی جوڑی اسما عباس اور زارا نور عباس جو اپنے کریئرز میں نمایاں کامیابیاں حاصل کر رہی ہیں حال ہی میں اپنی ایک کتھک رقص کی ویڈیو وائرل ہونے کے بعد خبروں میں ہیں۔
فوٹو اینڈ ویڈیو شیئرنگ ایہ انسٹاگرام پر جاری زارا اور اداکارہ اسما کی ڈانس ویڈیو دونوں کی رقص سے منسلک اپنے فن سے محبت اور مضبوط خاندانی تعلق کو اجاگر کرتی ہے تاہم اب اداکارہ اسما عباس نے اس رقص کے پیچھے کی جذباتی کہانی بھی مداحوں کو سنادی۔
اداکارہ اسما عباس نے حال ہی میں ایک انٹرویو میں بطور مہمان شرکت کی جہاں انہوں نے مداحوں سے اپنی نجی زندگی سمیت پروفیشنل لائف پر بھی کھل کر اظہار خیال کیا۔
تاہم انٹرویو سے اداکارہ کی جانب سے بیٹی زارا نور عباس کے ساتھ کیے جانے والے کتھک رقص سے متعلق کی جانے والی گفتگو مداحوں کی توجہ کا مرکز بن گئی۔
اپنے انٹرویو میں معروف صحافی امبرین فاطمہ سے گفتگو کرتے ہوئے اسماء عباس نے اس ویڈیو کی پس پردہ کہانی بیان کرتے ہوئے بتایا کہ کس طرح زارا نور عباس ان کے لیے ایک ماں کی طرح بن گئی ہیں جو ان کی صحت اور خوشی کا مکمل خیال رکھتی ہیں۔
اداکارہ نے انکشاف کیا کہ میں نے اور زارا نے کتھک ڈانس کی ویڈیو اس وقت بنائی گئی جب میں اپنی بہن سنبل شاہد کی برسی پر اداس اور افسردہ محسوس کر رہی تھی اور زارا نے میری یہ کیفیت بھانپ کر مجھے خوش کرنے کے لیے اس رقص کو ریکارڈ کرنے کا پلان بنایا۔
View this post on InstagramA post shared by Zara Noor Abbas Siddiqui (@zaranoorabbas.official)
اسماء عباس نے بتایا کہ انہوں نے اپنی بہن کی برسی کے دن زارا کے ساتھ کتھک رقص کیا جو انہیں بہت پسند ہے کیونکہ اس وقت وہ بہت غمگین تھیں اور رقص کرنے کے بعد اچانک انہیں بہتر محسوس ہونے لگا۔
انہوں نے بتایا کہ رقص ختم ہونے کے بعد زارا نے ان سے پوچھا کہ ‘کیا آپ کا ڈپریشن ٹھیک ہو گیا ہے؟ اور انہیں اس وقت واقعی بہتر محسوس ہوا تھا۔
واضح رہے کہ انسٹاگرام پر وائرل ہونے والی ویڈیو میں اسما عباس اور زارا نور عباس کو کتھک رقص کی دلکش حرکات کرتے ہوئے دیکھا جا سکتا ہے جس نے مداحوں کی جانب سے خوب پذیرائی حاصل کی۔
Post Views: 4
بنارس کی تاریخی اور مسلم اکثریتی بازار کے انہدام پر کورٹ سے راحت