پوری قوم دہشتگردی کیخلاف جنگ میں سکیورٹی فورسز کیساتھ کھڑی ہے: بلال کیانی
اشاعت کی تاریخ: 16th, March 2025 GMT
جہلم(ڈیلی پاکستان آن لائن) وزیر مملکت برائے ریلوے بلال اظہر کیانی نے کہا ہے کہ پوری قوم دہشتگردی کیخلاف جنگ میں سکیورٹی فورسز کے شانہ بشانہ کھڑی ہے۔
نجی ٹی وی چینل دنیا نیوز کے مطابق جہلم میں میڈیا سے گفتگو کرتے ہوئے وزیرمملکت برائے ریلوے بلال اظہر کیانی کا کہنا تھا کہ چند دن قبل جعفر ایکسپریس کا نہایت افسوسناک سانحہ ہوا، سکیورٹی فورسز نے بہادری کے ساتھ کامیاب آپریشن کیا، سکیورٹی فورسز نے سیکڑوں پاکستانیوں کی جانیں بچائیں، جعفر ایکسپریس سانحہ میں 26 پاکستانی شہید ہوئے۔
انہوں نے کہا کہ دہشتگردوں نے جعفرایکسپریس پر حملہ کیا تو آپریشن سے پہلے ہی 26 شہادتیں ہو چکی تھیں، افواج پاکستان کے ریسکیو آپریشن میں 354 جانیں بچائی گئیں، 26 شہادتوں میں 18 افواج پاکستان اورایف سی کے جوان شامل تھے، ہماری افواج روزانہ کی بنیاد پر قربانیاں دیتی ہیں۔
عالمی تعاون سے پاکستان دہشتگردی پرقابوپاسکتا ہے: چینی قونصل جنرل
بلال اظہر کا کہنا تھا کہ ایسے دہشتگردحملوں کا کوئی جواز اور دلیل نہیں ہوتی، دہشتگردنہتے شہریوں کو شہید کرتے ہیں، اس طرح کی دہشتگردی ونفرت کے خلاف سکیورٹی فورسز کے پیچھے کھڑے ہیں، ہم ان کے خلاف بھی کھڑے ہیں جو بیرون ملک بیٹھ کر پاکستان کے خلاف سازش کرتے ہیں، دہشتگردی کیخلاف جنگ پاکستان ضرور جیتے گا۔
وزیر مملکت نے کہا کہ جہاں جعفرایکسپریس پر حملہ ہوااس ٹریک کا کام شروع ہوگیا ہے، جلدجعفرایکسپریس کا ٹریک بحال ہوجائے گا، افواج پاکستان اور سکیورٹی فورسز کے جوان دن رات ہماری حفاظت کیلئے جان داؤ پر لگاتے ہیں، ان جوانوں کو بھی خراج تحسین پیش کرنا چاہتا ہوں جنہوں نے ان 33 دہشتگردوں کو جہنم واصل کیا۔
بلوچستان میں دہشتگردوں کیلئے کوئی جگہ نہیں، ہر قیمت پر امن قائم کرینگے: سرفراز بگٹی
ان کا کہنا تھا کہ جعفر ایکسپریس واقعہ میں بھارت کا کردار بھی سب کو نظر آیا، کچھ سیاسی جماعتیں سیاست کا لبادہ اوڑھ کر دہشتگردوں کے پراپیگنڈا میں شامل ہوتی ہیں، پی ٹی آئی بھی منفی پراپیگنڈے میں شریک رہی، بی ایل اے کو دہشتگردوں کی طرح ہی نمٹا جائے گا، ہم اپنے حقائق کے ساتھ منفی پراپیگنڈا کی جنگ بھی جیتیں گے۔
ذریعہ: Daily Pakistan
کلیدی لفظ: سکیورٹی فورسز
پڑھیں:
بھارت کیساتھ تمام تعلقات منقطع، مسلح افواج ملکی سلامتی اور دفاع کیلئے تیار،دفتر خارجہ
اسلام آباد(نیوزڈیسک)ترجمان دفتر خارجہ شفقت علی خان نے ہفتہ وار بریفنگ دیتے ہوئے کہا کہ پاکستان کی مسلح افواج ملکی سلامتی اور دفاع کیلئے تیار ہیں۔ شفقت علی خان کا کہنا ہے کہ بھارتی اقدامات نے دو قومی نظریے پر مہر ثابت کر دی۔ پاکستان کی فضائی حدود بھارتی پروازوں کیلئے بند کر دی گئی ہے،
ترجمان دفتر خارجہ شفقت علی خان نےکہا کہ بھارت نے یکطرفہ طور پر سندھ طاس معاہد کو معطل کیا، بھارت کے رویے سے علاقائی امن واستحکام کو نقصان کا اندیشہ ہے۔ واہگہ بارڈر پر ہر قسم کی آمدورفت بند کر دی گئی، سارک اسکیم کے تحت بھارتیوں کے تمام ویزے معطل کر دیے، سکھ یاتری ویزہ معطل سے مستثنیٰ ہیں۔
شفقت علی خان نے میڈیا کو بریفنگ دیتے ہوئے بتایا کہ بھارتی ہائی کمیشن کے اسٹاف کی تعداد کم کر کے 30 کر دی گئی ہے، پاکستان کی فضائی حدود بھارتی پروازوں کیلئے بند کر دی گئی ہے، پاکستان کی مسلح افواج ملکی سلامتی اور دفاع کیلئے تیار ہیں۔
ترجمان دفتر خارجہ کا کہنا ہے کہ بھارتی اقدامات نے دو قومی نظریے پر مہر ثابت کر دی، کل قومی سلامتی کمیٹی کے اجلاس میں پاکستان نے بھارت کو جوابات دیے، وزیراعظم نے حالیہ دورہ ترکیہ میں ترک قیادت کے ساتھ مفید بات چیت کی۔
انھوں نے میڈیا کو بریفنگ دیتے ہوئے مزید کہا کہ متحدہ عرب امارات کے نائب وزیراعظم نے پاکستان کا دورہ کیا، فریقین نے مختلف شعبوں میں تعاون بڑھنے پراتفاق کیا
آئی فون 15 پرو اور 15 پرو میکس کی کم قیمتوں پر واپسی متعارف، ایپل کا بڑا اعلان
پشاور میں سماعت سے محروم بچوں کیلئے کوکلیئر امپلانٹ پروگرام کا آغاز